|
#171
11-11-2008, 11:27 PM
|
||||
|
||||
رد: عضو جديد
ربنا يخليك يا باشا المنتدى منور بيكم انتم والله
و انا تحت امر حضراتكم برده فى اى حاجة انا ساكن فى السالمية 
|
|
#172
12-11-2008, 03:51 AM
|
||||
|
||||
رد: عضو جديد
انا عارف ان الغربة مميته الله يكون فى عونك ونقدر انا والأصدقاء نهون عليك الامها
|
|
#173
12-11-2008, 08:35 AM
|
||||
|
||||
|
هل التوك توك مضايقك؟
التوك توك".. مركبة هندية الأصل وصلت إلى مصر منذ حوالي 3 اعوام، ويتركز استخدامها كوسيلة انتقال في كل من المنصورة بالدقهلية والمنوفية وكفر الزيات بالغربية والعريش بسيناء.
حتى أنه أصبح من العادي الآن أن تجد في عدد من المدن المصرية "يافطة"، علقت على باب أحد المحال وقد كتب عليها (قطع غيار وإكسسوارات توكتوك).. والأن وصل التوك توك الى القاهرة الكبرى فى المدن والشوارع الرئيسيه وممكن تلاقيه ع الدائرى كمان والمحور لو أمكن بيركبه الطفل والمراهق والشاب والحرامى والكهل. هناك أكثر من 2000 مركبة "توك توك" في كل مدينة من مدن القاهرة الكبرى، وقد حلت أزمة المواصلات الداخلية خاصة بعد اتساع رقعة المدينة على حساب المناطق الخضراء، وقد اتجه الكثير من الشباب المصري إلى هذا النوع الجديد من العمل كسائقي توكتوك كما قام البعض الآخر بالتشارك لشراء هذه المركبة ولو عن طريق عمل قروض. عاوزين نكون ايجابيين ونعمل استطلاع رأى ونسأل كل أعضاء المنتدى اللى بيحتكوا بالتوك توك واللى لا يروه فى اماكن سكنهم من الأصل ... هل التوك توك مضايقك وليه؟ وانت معاه ولا ضده؟ ممكن نتناقش لكن فى الأخير تقول انا مع أو ضد. تذكر محاسنه تذكر مساوئه لكن انت معاه ولا لأ؟
|
|
#174
12-11-2008, 08:44 AM
|
||||
|
||||
|
رد: هل التوك توك مضايقك؟
بالمناسبه فى زجل عجبنى فى أحد المدونات التى تدعى (دايخ فى عالم بايخ)
حبيت انقله وعنوان ابيات الشعر هذه: مرثية توك توك الواد ابني عطيه.. معاه شهاده جامعية
عاوز يسافر إيطاليا.. صرخت أمه فيا سوءت عليك الأوليه.. ما تجيب السيرة ديه علي جثتي السفرية.. دا اللي يموت ما له ديه الواد محتار في الشارع ليل ونهار.. والعيشة مرار الواد عاله.. وعلينا عواله وفي الليلة نفسها.. اجتمعت العيلة دا الواد الحيلة.. وعايشين بالتيله وشاف خاله نصيف.. الحل في عمل شريف يلمه من ع الرصيف.. وقالي عنده فكره .. للزمن ولبكره نشتري له توك توك.. يبدأ حياته ويسلك. وعملنا جمعيه من جيراني وحواليه.. قبضناها الاولانيه وسلسلة أمه المستخبيه.. اللي شيلاها للأيام الجاية وسُلفه من جارتنا بهيه.. والباقي أقساط وكمبيلات، وشيكات صبح الواد شغال.. ومشي الحال وفرجت وعال العال وفي ليله ما فيها نور.. صدر أمر المرور بمنع التوك توك من الظهور في الشارع بأمر المأمور.. وألا تقع في المحظور التوك توك ورطه في المرور والشرطة وعسكري بشرطه خد التوك توك وصادر وقاله «روح يا شاطر» الحلم صبح مبتور.. التكاتك محبوسه بالدور واقفة أسيرة طابور.. حواليها حرس وسور وعليها قلبي محسور.. أكل العيش صبح محظور وجوعنا وانكشف المستور بشوفه من بعيد متسلسل بسلاسل حديد متربط زي العبيد.. أشوفه الوجع يزيد يوم خروجه يوم عيد ينكتب تاريخ ميلادي من جديد لفيت كل الإدارات قلت لكبار الباشوات التوك توك يا بهوات حل مشكلة المواصلات والعاطلين والعانسات قالي أبوك السقا مات يلا امشي من سكات هيه دي التعليمات والتعلب فات فات والتوك توك مات مات وف ديله جايه الشيكات و الحبس والأقساط ولا عزاء للسيدات أما أنت يا مسلماني يا وطني يا برلماني إياك تقولي مصر تاني.. فيه مصر تانية ما بتعاني ولا شايفاني ولا حساني.. كفاية كلام كفاية أغاني ما تلاعبني بالأماني.. توبة أصدقك تاني
|
|
#175
12-11-2008, 09:07 AM
|
|||
|
|||
|
رد: هل التوك توك مضايقك؟
اكيد اي حد راكب عربيه التوك توك حيضايقه.....
اولا حوادثه خطيره و مفيش اي امان او اتزان ... بيقلب لوحده وشفتها قدامي ... عيال بتطير و ستات بيتشقلبوا في الهوا و اللي بيتسحل ... (احفظنا يارب) ... ثانيا ... حركاته التوائيه حلزونيه افعوانيه... ثالثا .... سرعاته بطيئه جدا مقارنه العربيات ... وبما انه بيمشي في شوارع ضيقه ... بيعطل المرور رابعا ... مالوش اي قواعد....يمشي عكس... يمشي بالعرض ... يبقى ماشي قدام يلف في مكانه و يرجع .... خامسا.... عيال اللي بتسوقه ... لأ وعيال رخمه.... ومش فارق معاها حاجه و مش فاهمه اي حاجه من اساسه و لا عايزه تعرف اوتفهم ... عيال بايعه القضيه اكيد انا مش مع التوك توك .... بس المشكله في اللي بيستخدموه ... اكيد بينفعهم ... خصوصا انه بيوصل لاماكن مفيش حاجه تانيه توصلها.... برغم كل مساؤه لازم اتحمله لأني لو في مكان اللي بيركبه اكيد حيفرق معايا
|
 |
|
|
