|
#1706
19-01-2011, 12:26 PM
|
||||
|
||||
رد: أدب الرحلات
اسكت يامحمد ياعلى..... انا بتكلم على اكل العيش .....انت هنا بتاكل عيش ؟؟؟؟؟؟؟؟
انت هنا بتاكل دماغنا وبتهرش نافوخنا ههههههههههههههههههه
__________________
 انتقل الى رحمة الله .. ونسأل الله له الرحمة والغفران 
|
|
#1707
19-01-2011, 01:22 PM
|
||||
|
||||
|
رد: أدب الرحلات
صباحكم فل
يا استاذ محمد استاذ خالد بيضحك معانا بس مش اكتر  بس بلاش موضوع الحذف ده عشان انا بتوه فى الموضوع بعد كدة 
__________________
 اللهم انزل نورا من نورك عليه اللهم نور له قبره ووسع مدخله وآنس وحشته اللهم ارحم غربته وارحم شيبته اللهم اجعل قبره روضة من رياض الجنة . لا حفرة من حفر النار اللهم أغفر له وارحمه واعف عنه واكرم نزله
|
|
#1708
19-01-2011, 01:33 PM
|
||||
|
||||
|
رد: أدب الرحلات
صباح الفل يافطومة
احنا بنحذف المراجيح والهزار يافطومة لكن اى معلومة او موضو ع له قيمة م بيتحذفش طبعا
__________________
انتقل الى رحمة الله .. ونسأل الله له الرحمة والغفران
|
|
#1709
19-01-2011, 04:04 PM
|
||||
|
||||
|
رد: أدب الرحلات
النـوبـى
قابلته فى احدى سفرياتى شخص طويل وضخم واسمر اللون ولا علاقة له بالنوبة او اسوان سوى بشرته فهو اسمر اللون مقيم بالقاهرة وولد فيها هو وابوه وجده وجد جده ولايعلم شىء عن جذوره ولم يحكى له احد عن اصول عائلته ولذلك اذا سألته / انت منين ؟؟؟؟ فيقول من مصر (القاهرة )وهو طيب القلب لكنه مندفع ومتسرع وكثير الكلام ويقول اشياء سمع عنها مجرد سمع على انها حقائق ثابتة وكل هذا لاقيمة له اذا ما علمت طبيعة شخصيته ولكن حين يكون هذا فى مجال العمل ايضا فهو يودى فى داهية وتحدثنا كثيرا ولم يترك دماغى قبل ان يقرقشها ويأكلها ويسبب لها صداع عجيبا ولم ينقذنى منه سوى وصول القطار الى محطة القاهرة ثم تركته وانصرفت فاذا به ينادينى انت طريقك ازاى ياباشا هركب المترو والله ؟؟؟؟ وانا كمان هركب المترو ......يبقى نمشى سوا واحسست بدخان طالع من نافوخى واجبته / احنا نتنور بيك وظل يحكى ويحكى ويحكى حتى وصلنا داخل نفق المترو سيادتك هتركب اتجاه ايه ؟؟؟؟ المرج ياخسارة انا هركب اتجاه حلوان مع انى والله مبسوط انى اتعرفت بحضرتك واخدت نفسا عميقا....... فقد خشيت ان يكون ساكن جنبى ...........كان هيستلم دماغى لحد باب البيت ورديت عليه بديبلوماسية/ ده انا اللى اتنورت بيك خلاص .... ادى الكارت بتاعى اهو ولازم اشوفك ولو ممكن بعد اذنك تدينى تليفونك عينى .... اتفضل واعطيته رقم تليفون موبينيل ......... وهو خط كنت نادرامااستعمله وفى يوم احتجت هذا الخط...... واحضرت الشريحة وركبتها فى موبايلى وما أن فتحت التليفون فاذا برقم غريب يتصل بى رديت / الو ....مين يافندم مين؟؟؟؟ طب والله زعلت ....مسجلتش رقمى ؟؟؟؟ وعرفته من صوته ازيك يانوبى ...... وفهمت اننا مش هنخلص كلام لمدة شهر وظل يحكى لمدة تزيد عن النص ساعة لدرجة انى كثيرا ما كنت ارمى الموبايل لمددة دقيقتين او تلاتة حتى يستريح رأسى قليلا .......وهو لايزال يحكى ويحكى ويحكى ثم فجأة قال / انا عندى مصلحة لقطة قول ياعم عندى 7334 باب خشب زان وارد انجلترا لسه زيرو بورقهم .......والباب ب400 جنيه ايه الدقة دى؟؟؟؟ 7334 باب ؟؟؟؟ يعنى مش 7335 لأ هما كده وورقهم فى ايدى اهو ورق ايه ؟؟؟؟ الافراج الجمركى وشهادات المنشأ ماشى ياعم اجيلك امتى اشوفهم أى وقت خلاص بكرة كويس؟؟؟ كويس واتصلت بيه تانى يوم .....ولايرد وتالت يوم ولايرد ورابع يوم وخامس يوم وقررت اهماله ......فهو معندوش حاجة وأهى معلومة سمعها ورددها كما البغبغان ثم لاشىء وفى اللحظة التى قررت فيها اهماله ......طلبنى .....وكأنه حس انى قررت أهماله خير يانوبى مجيتش اخدت الورق ليه ؟؟؟؟؟ طلبتك ومش رديت انا برمى التليفون جوه المحل وبقعد العب طاولة بره مع الاسطى حنفى الحلاق.......ومبسمعش التليفون وبتغلب والا تتغلب فى الطاولة بزهو وافتخار / بغلب طبعا وضحكت ......يا له من فخر اجيلك اخد الورق واعاين الابواب امتى ؟؟؟؟؟؟؟؟؟ اى وقت ....تعالى بكرة الساعة 4 ماشى وتانى يوم نفس الموال جرس بلا رد ......جرس.......جرس ............جرس ولا مجيب وطلبنى بعدها بأسبوعين مكلمتنيش ليه ؟؟؟؟؟؟؟؟؟؟ كلمتك ومش بترد طيب تعالى بكرة تاااااااااااااانى وقررت الا اطلبه وفعلا طنشته طلبنى بعدها بأأسبوع ياعم مطلبتنيش ليه ؟؟؟؟؟؟؟؟؟؟ طلبتك وانت مش بترد طب هشوفك بكرة ؟؟؟ ان شاء الله ولازلنا حتى الأن فى هذه الدائرة العجيبة منذ سنة ومرة طلبنى وكان احمد كورسير راكب جنبى فى العربية واتخانقـت معاه وضحك عليا بكلمتين وهزرنا واتفقنا على موعد وطبعا مطلبتوش هههههههههههههه عجيبة الجدع ده حتى لو فيه ابواب بصحيح عايزة تتباع هتستنانا كل ده ؟؟؟؟ والغريـبـة انه بيتكلم فى التليفون بطريقة تقول ان عنده 15000 جنيه رصيد بيرغى ويرغى ويرغى ويرغى وتعلمت ان اصده واشخط فيه لكنه م بيزعلش منى والعجيب انى وجدته يطلبنى على رقم اتصالات الخاص بى وهو رقم لا اغلقه ابداااااااااا جبت الرقم ده منين ؟؟؟؟؟؟؟؟؟؟؟ خدته من فلان......... اتارينى بحكيله عنك طلع يعرفك وادانى الرقم ده لان رقم موبينيل بقى له مدة مقفول   شوف الشىء اللى يغيظ ...................:fun_3 6_3_3[1]:
__________________
انتقل الى رحمة الله .. ونسأل الله له الرحمة والغفران التعديل الأخير تم بواسطة خالدخليفة ; 19-01-2011 الساعة 04:12 PM
|
|
#1710
20-01-2011, 04:24 AM
|
||||
|
||||
|
رد: أدب الرحلات
جمال يتحدى
جمال مختفى من كام يوم ........ والعشر ة متهونش برضه وكالعادة اتصلت بوالدته جمال فين ياحاجة الموكوس مرمى فى المستشفى ليه ياحاجة أسأ له احسن انا شبعت منه ومن حركاته ....... وانخرطت فى البكاء بحرقة خلاص ياحاجة ......صلى ع النبى اومال بصوت مخنوق / عليه الصلاة والسلام ......والله يابنى انا نفسى اشوفه كويس ومتجوز وعايزة اشوف عياله قبل م اموت .....معنديش غيره على 3 بنات وكلهم متجوزين و فى بيوتهم وهو وصل 40 سنة ومش عايز يتجوز وقـالـقنى عليه زى م يكون عيل صغير ولايهمك ياحاجة الموضوع بسيط ..... ولسه نصيبه مجاش .....هو فى مستشفى ايه ؟؟؟؟ مستشفى النيل فى شبرا الخيمة فين دى ؟؟؟؟ قدام محطة قطار شبرا الخيمة مواعيد الزيارة امتى ؟؟؟؟ من 10 صباحا لحد 5 وذهبت لجمال فى اليوم التالى واخدت زيارة محترمة فانا عارف حبه للاكل .....ووالدته كبيرة فى السن لاتقوى على حمل الطعام والذهاب به للمستشفى وان راحت يوم مش هتقدر تروح التانى ثم ان جمال لايرفض اى كميات اكل ابدا ولو جات له 70 زيارة فى اليوم وبعد كام سؤال عن مكانه وصلت لغرفته لكن لاحظت ملحوظة عجيبة جمال كان شهيرا جدا هناك فبمجرد ان نطقت اسمه فاجأونى بسؤال واحد كلهم / سواق التاكسى ايوه فى المكان الفلانى اوضه كذا الدور كذا كلما سألت عنه كنت اتلقى نفس الردود غريبة ...........جمال عمل ايه خلاه مشهور كده ؟؟؟؟؟ وحين اقتربت من غرفته سمعت اصوات ضحك عاااااااالى جدا ......وكأننا فى ملهى ليلى مش فى مستشفى ودخلت وصعقت من المنظر ياللهول جمال كله مربوط ومتجبس ومش باين غير وشه (وجهه ) بس وحواليه لايقل عن 20 مريض وهااااااااااااااااااااااا ات ياضحك واول م شافنى نادى عليا تعالى ياخلودة ذهبت اليه ولازلت مدهوشا وجلست بجواره على السرير ولاحظ اندهاشى .......فضحك وقال متستغربش هحكيلك دلوقت ..... ونظر الى من حوله وعرفنى بهم خالد اخويا الصغير وصاحب شركة وعنده مكتب فى مصر الجديدة وصاحب مصنع فى اكتوبر و...... قاطعته خلاص ياجمال كفاية خالد وخلاص ونظرت الى جيرانه المرضى وقلت انا اخوكم خالد وبس وسيبكو من جمال هوعلشان بيحبنى عايز ينفخنى شوية وضحكنا جميعا لكن جمال مفوتهاش وقال / لا والله انا موش كداب .......بس هو خالد ابن بلد ثم عرفنى بهم جميعا فلان ..... علان .....ترتان......وحين وصلنا الى أخر واحد كنت نسيت الاولانيــين لكن أبن الأيه حافظهم وسأ لته / انت مشهور اوى كده ليه هنا ؟؟؟؟ ضحك ههههههههههههههه........ اصل اول م فـقـت من بعد العلقة وجات ممرضة تشوفنى وتدينى الادوية والحقنة .....عاكستها ......شخطت فيا .....هرجت معاها .......راحت مزعقة وكان يوم مايعلم بيه الا ربنا وبعدين المستشفى كلها اتلمت عليا وبعدين وجه مدير المستشفى فقلت له / يابيه انا سواق تاكسى والعداد مش شغال مش شايف انه مربوط اهو وشاورت على دماغى وجمال راح مكمل كلامه وكتم المدير ضحكه وحاول يكلمنى بجد وشخط فيا وقال / انت بتهزر ؟؟؟؟ فانا قلت له / اه بهزر فلقيته فطس على روحه من الضحك ومشى من قدامى ومن يومها كلهم عرفونى لان المدير ده مبيعرفش يضحك واول مرة يشوفوه بيضحك ضحكت ههههههههههههههه وسألته / طب انت متبهدل اصلا كده ليه ؟؟؟؟؟؟ ضحك وقال / دى حكاية طويلة ويعنى انت وراك ايه؟؟؟؟؟ زميلنا اللى فى السرير اللى هناك ده (شاور على سرير قصاده ) عامل عزومة للعنبر كله وبصراحة جايب اكل كويس يادى النيلة على الأكل وسنينه السودة ....يابنى انا جايب لك اكل كتير م انا عارف ....... طب وماله ......زيادة الخير خيرين طب روح ياطفس .....كل وتعالى هناكل سوا م ليش نفس والله لايمكن ياعم روح كل وتعالى الحق يابو محمود (المريض اللى عنده العزومة) مش هياكل المريض / تلاتة بالله العظيم لايمكن .....واللى يدوقه غيرك يطفحه ياعم ليه كده ......... انا فعلا مش جعان على الطلاق ............ قاطعته من غير طلاق ........ جاى ........... فأنا اكره موضوع الطلاق ده بشكل بشع وبعد الأكل والشاى خير ياعم جمال ...... ايه اللى بهدلك ههههههههههههه يضحك بطريقة هيستيرية وقال / بجد بجد بجد اول مرة اعمل حاجة واضحك فيها على نفسى بعصبية /ياعم ايه الحكاية ؟؟؟؟؟ طيب م تزعلش اوى كده ......شوف شفت اللى حصل ان فى واحد عندنا جسمه ضخم ومليان جدا يعنى يفصل منى حوالى 15 او 20 ياساتر يفصل منك 20 ده اتوبيس ماشى بقى هههههههههههه انت بتقول فيها .....انا شفت اتوبيس عطلان عندنا فى شبرا وكان هو بيزقه لوحده باندهاش /لوحده؟؟؟؟ اه والله صادق ..... بس انت مالك ومال الاتوبيس ده ؟؟؟؟؟ ابدا...... جه فى يوم واتحدانى اتحداك ازاى؟؟؟؟؟؟ هو انت حد يتحداك ؟؟؟؟ ثم ده يبقى مخه صغير لو اتحداك وخصوصا انك كلك على بعضك تدخل جوه رجل واحدة من بنطلونه وتنام فيها كمان هههههههههههه م انا عارف ولما انت عارف ازاى تتحداه ياعم مش تعرف حصل ايه ؟؟؟؟؟ هيكون حصل ايه يعنى ؟؟؟؟؟ اكيد طولت لسان عليه واللى زى دول مبيعرفوش يتفاهمو ودب طاخ خرشمك لا والله م حصلش كده اومال حصل ايه ؟؟؟؟؟ انا كنت واقف فى الشارع .... و ده معدى من جنبنا ومعجب بنفسه وفارد صدره فقلت له ( اى جمال قال لهذا الاتوبيس ) / ياعم بالراحة على نفسك شوية احسن قلبك ينط من صدرك وانت منفوخ كده انا / وانت مالك وماله ياجمال اهو اللى حصل بقى وبعدين؟؟؟ راح راجع لى وقال / بس ياد وانت شبه البرص الجعان كده انا / هههههههههههه والله تستاهل جمال / مهو انا م سكتتش باستهزاء / وعملت ايه مع ده ياوحيد عصرك ؟؟؟؟؟؟؟ اتحديته ازاى بقى ؟؟؟؟ قلت له / تعالى خش لى مباراة مصارعة وانا هعرفك نفسك ....... انا كنت بلعب مصارعة زمان ههههههههه انت هتلاعب ده مصارعة ؟؟؟؟؟ هو اتريق زيك كده قال ايه ؟؟؟؟ بعد م سمع كلمة بلعب مصارعة اتريق وقال / مصارعة ايه اللى كنت بتلعبها دى؟؟؟؟ لازم مصارعة الصراصير هههههههههههههههه هههههههههههههههههه جبته لنفسك ياحلو ......وبعدين ؟؟؟؟؟؟؟؟ ابدا قلت له / من غير كلام كتير تخش لى ؟؟؟؟ فلقيته فرد صدره وعايز يضربنى وعملت ايه ؟؟؟؟ قلت له مش هنا فى النادى علشان اتمرن كويس نادى ايه ؟؟؟؟ مركز شباب شبرا وروحتو هناك ؟؟؟؟؟ اه ......واجرنا الصالة.......... وجبت جماعة قرايبى واصحابى يشجعونى كمان ؟؟؟؟؟ طبعا وكنت موصى الجماهير يجيبو طبلة ويقولو اغانى زى بتوع الكورة ........كأننا فى استاد القاهرة ده انت عملتها مباراة بجد بقى ؟؟؟؟؟؟؟؟؟؟ ده انا ولعتها .....وعلشان اولعها اكتر قلت له اللى يتغلب هيدفع 100 جنيه يادى النيلة ؟؟؟؟ انت مجنون يابنى يضحك جمال بصوت عاااااااالى جدا خد الكبيرة هو لسه فيه كبيرة ؟؟؟؟؟ اه ..... لما قلت له كده قال لا خليهم 200 جنيه.....وانا لانى واثق فى نفسى خليتهم 500 جنيه وواثق فى نفسك على خيبة ايه ان شاء الله ؟؟؟؟؟ بثقة عجيبة / ياعم انا كنت بلعب مصارعة زمان ولعبت كام سنة ؟؟؟؟ هما اسبوعين والمدرب مشانى هههههههههههههههههههههه واسبوعين والمدرب طردك وقال لك متجيش تانى وجاى عامل فيها تايسون ؟؟؟؟؟؟؟ ايش عرفك انه طردنى انت قلت دلوقت هههههههههههههه تايسون ده مش بتاع ابو موسى ؟؟؟(فاكرين لما ابو موسى كان عايز يسافر امريكا يلاعبه ) ايوه هو بتاع ابو موسى .......بس ده بتاع امريكا كلها واكملت حديثى / كمل يابطل مصر ويضحك جمال / بطل مين ؟؟؟؟ ده انا يدوب لبست الشورت والتي شيرت وطلعت له فوق فى الحلقة .............وهاااااااااا ااات ياضحك وتريقة عليا اولا اسمها الحلبة ....... وثانيا طبعا شكلك يفطس من الضحك لانك نحيف جدا والشورت هيبين رجليك اللى عاملين زى رجلين المعيز يضحك جمال / هو قال نفس جملة المعيز بتاعتك دى وبعدين انا اتغظت روحت ضاربه بسن الجزمة فى قصبة رجله يانهارك اسود .......... وهيا دى تبقى مصارعة مهو انا اتغظت منه ومن تريقته عليا وحصل ايه ؟؟؟؟ ابدا .......... لقيته هاج وزعل وراح ضاربنى بكل قوته بالبوكس ف وشى حسيت ان دماغى انفصلت عن جسمى يانهار ابيض وبعدين ؟؟؟ لقيته بيخبط دماغى ف حاجة مش عارف ايه هيا ....... وعرفت انى ميت ميت ههههههههههههههههههه وبعدين وبعدين بصيت لقيت الضرب اشتغل ف كل حتة وفقدت الوعى وبعد كده عرفت انه فضل يضربنى بعصبية ويرفعنى لفوق ويرزعنى فى الارض وعرفت ازاى ؟؟؟؟ من الجماهير اللى كانت جاية تشجعنى وبسلامتهم مكانوش بيحوشو عنك ليه وانت بتتدغدغ كده محدش كان عارف يهوب ناحيته ....... لانى لما ضربته ف رجليه اتغاظ جدا .......وانتقم لنفسه وضربنى ضرب جااااااااااامد ههههههههههههه .......... تستاهل......... وبعدين ؟؟؟؟ ابدا .........مفـقـتش غير هنا ..... على صوت والدتى وهيا بتصوت عليا.......افتكرتنى توفيت ههههههههههههههههههههههههه هههههههههه طب وال 500 جنيه اديتها له؟؟؟؟؟؟؟؟؟؟ هو محبوس اصلا ليه ؟؟؟؟ ليه ده ايه ؟؟؟ده كان هيموتنى يعنى انت تستـفـزه ..... وبعدين تحبسه ؟؟؟؟؟ وتاكل عليه ال 500 جنيه؟؟؟؟؟؟ ده انا هدفعها له (هخليه يدفعها ) عيب ياجمال وروح اتنازل عن القضية واصطلحو ههههههههههههه اروح فين ؟؟؟؟؟ هو انا قادر اتحرك ؟؟؟؟؟ لما ابقى اطلع بقى وهتطلع امتى ؟؟؟؟ الدكتور قال لى بعد 3 شهور ههههههههههههههههههههههههه ههههههههههههههههههههههههه ههههه يعنى عطلت نفسك 4 شهور على الاقل لانك مش هتخرج من المستشفى تشتغل وكمان حبست الراجل ههههههههههههههههههههههههه ههههه احسن والله انا شمتان شمتان فى مين ؟؟؟ فينا احنا الاتنين هههههههههههههههههههههه مفيش فايدة فيك ياجمال وخرجت من المستشفى وكلما تذكرت الحكاية اضحك بهستيريا حتى اعتقد الناس فى الشارع انى مجنون ههههههههههههههههههههههههه ههههههههههههههههههههههههه ههههههههههههه
__________________
انتقل الى رحمة الله .. ونسأل الله له الرحمة والغفران التعديل الأخير تم بواسطة خالدخليفة ; 20-01-2011 الساعة 04:34 AM
|
 |
|
|
