موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

[ahmed_592005]

والله انت ذوق جدا يا بشمهندس سيد
وشكرا علي متابعتك وردك
المهم الضوافر دية عملت كام وعايز اعرف الحليه اللي بتتحط علي الصاج فوف العجل تعمل كام عشان عايز اغيرها

صحيح فيه حاجه حصلت امبارح وانا ماشي بالعربيه كان قدامي مطب من كوتش العجل القديم اللي مالي كل الشوارع دلوقتي المهم كان مرشوش ميه كتير والعربيه فضلت تلف قدام المطب ومش عايزه تطلع من عليه الا ام كسرت العجل وواحد قاعدلي علي الكبوت تفتكر فيه مشكله في العجل ولا لأ

ولك الشكر مسبق يا باشا

[sayed2077]

المشاركة الأصلية كتبت بواسطة ahmed_592005 والله انت ذوق جدا يا بشمهندس سيد وشكرا علي متابعتك وردك المهم الضوافر دية عملت كام وعايز اعرف الحليه اللي بتتحط علي الصاج فوف العجل تعمل كام عشان عايز اغيرها صحيح فيه حاجه حصلت امبارح وانا ماشي بالعربيه كان قدامي مطب من كوتش العجل القديم اللي مالي كل الشوارع دلوقتي المهم كان مرشوش ميه كتير والعربيه فضلت تلف قدام المطب ومش عايزه تطلع من عليه الا ام كسرت العجل وواحد قاعدلي علي الكبوت تفتكر فيه مشكله في العجل ولا لأ ولك الشكر مسبق يا باشا

بص ياباشا الضوافر اللى بتركب على الاكصدام ادام وورا
الجوز يمين وشمال ب 10 جنية يعنى العربه كلها بتاخد 4 ضوافر ب 20 جنية

و الحلية البلاستك اللى بتتحط على الرفرارف
الاربعه بيكوا مع بعض ب 50 جنية وممكن اقل حاجه بسيطه لو عرفت تفاصل مع التاجر


بالنسبه للسؤال التالت بتاع مطب الكوتش هل العربيه بقت بتحدف معاك بعد المطب ولا لا ده السؤال لو مبتحدفش منك والعربيه عادى خلاص يبقى متقلقش

وياباشا متشكرنيش على واجب ده انت اخويا

[farouk89]

استاذ سيد عندي سؤال بسيط عشان اتاكد من حاجه هوه الطبيعي الغيار التاني بيجي علي سرعه كام والتالت والرابع عشان ابقي فاهم بس

[sayed2077]

المشاركة الأصلية كتبت بواسطة farouk89 استاذ سيد عندي سؤال بسيط عشان اتاكد من حاجه هوه الطبيعي الغيار التاني بيجي علي سرعه كام والتالت والرابع عشان ابقي فاهم بس

والله حضرتك هو فيه نظامين

الاول نظام انك عاوز تجرى ومستعجل بس متاثرش فى العربيه
يبقى تختار النظام ده
الاول:من سرعه 0 الى سرعه 10
الثانى :من سرعة 10 الى سرعه 40
الثالث من سرعه 40 الى سرعه 60
الربع من 60 الى النهاية

ولو علشان اقل استهلاك للبنزين وتريح العربيه على الاخر خالص
ومش مستعجل خالص
يبقى النظام ده

الاول من سرعه 0 الى سرعه 10
الثانى من سرعة 10 الى سرعه 30
الثالث من سرعة 30 الى سرعة 50
الربع من سرعة 50 الى النهاية

تحياتى لك

[farouk89]

السلام عليكم

النهارده وانا ماشي بالعربيه بطلت فجاه ادور مش بدور المهم المارش شغال بس مش عاوزه تقوم روحت راكنها وستر ربنا كان فيه ميكانيكي وشافه وقالي طرمبة البنزين عاوزه تتغير عشان العربيه لما بتسخن مش بتوصل بنزين للكربتاير هل الكلام ده صح ولا ايه