ارشيف احداث عام 2009

[Dr. Bolbolan]

المشاركة الأصلية كتبت بواسطة salahabdelnabi واكيد دكتور عبد السلام سوف يدلى بدلوه فى هذا المعين قولى ليه ؟؟؟ اقولك لانه عاش وشارك اكيد فى مظاهرات الطلبة عشان الحرب ؟؟؟ اوعى تنكر يا دكتور ....... الانكار مش هايفيد

والله يابوصلاح أنا دلوى مخروم ويمكن اندلق كمان ! أصل دى حكاوى سنين والواحد مش ح يقدر

يقول ايه ولا ايه وبصراحه مافيش نفس ! احنا اللى فينا مكفينا ! لكن لو كان الموضوع على هيئة

سؤال منك وجواب منى ( لو كان عندى جواب ) بصفتى شاهد على العصر زى ماكلنا شاهدين

على ال...ص بتاع اليومين دول ! يبقى ربنا يسهل !

المشاركة الأصلية كتبت بواسطة AboNoRa وبدعم لوجستى واستشارى من امير جماعة الموز هو الحل دكتور بلبلان الشهير بالمعظم بلبلان ابو الموز الثانى عشر

ماشى يا عم أنا أمير جماعة الموز اللوزعى التابعه لمصرموز ولا أستطيع أن أنكر !!

بس أبو الموز الثانى عشر ده لقب لا أستحقه ! طب قول ( جادوليو الثانى عشر ) مثلا !

المهم واضح انك ضارب لك نفسين مغشوشين بقشر موز ومضروبين ببودرة جماجم !

وجماعة الموز اللوز تحت أمرك ( راجع الصوره هدية عيد ميلاد أحمد كار ) كله من ده !

Dr. Bolbolan

[salahabdelnabi]

طب اسمحلى يا دكتور اعيد السؤال اللى سألته لوائل لحضرتك
لو حضرتك كنت رئيس الجمهورية فى التوقيت ده كنت عملت ايه

[حازم شاهين]

أنا رأيى إن إللى إتعمل مهما كان فيه أخطاء و رغم إنه كلفنا ثمن فادح لكن رفع عن كاهل أو أكتاف الجيل إللى تلى حرب أكتوبر و اتفاقية السلام عبء أنا شايف إنه ثقيل جدا جدا إتحمله جيل الستينات علشان تحرير سيناء ، و المفروض إن الأجيال الشابة السورية تتحملة علشان يحروا باقى الجولان (مثلا)
صحيح تحرير سيناء منتقص السيادة و صحيح كان فيه تنازلات كبيرة و صحيح مقدرناش نساعد أى حد تانى بعد كده و خصوصا فلسطين ..... لكن أعتقد إن رأى الناس أيامها و كان رأى حقيقى مش مضروب زى الإستفتاءات إننا عملنا إلى نقدر عليه و حاولنا و حركنا القضية ...... كمان رأى الناس الغلابة أيام مفاوضات السلام و لغاية دلوقتى كمان ضد الحرب .

طبعا أنا دخلت موضوع تانى فى المناقشة و هو موضوع إتفاقية السلام .

أنا عايز بس أى أب قبل ما يفكر يهاجم النهج السياسى أثناء و بعد الحرب يفكر إذا كان الوضع لازال على ماهو عليه مثلما كان فى نوفمبر 73 و إنه مضطر يبعت ولاده للجبهة علشان استكمال تحرير الأرض و استعادة الكرامة، صحيح القتال شرف و الاستشهاد فوز كبير لكن لو أنا مسئول و أقدر أحقن الدماء ما أحاولش ليه .
أنا شايف إن المخطط للحرب و ما بعدها أدى المطلوب منه فى إطار الظروف الدولية فى وقتها ، و شايف إن نتائج المعركة لم نستطيع الاستفادة من كل إيجابياتها مع التأثر بكل سلبياتها ، يعنى أخدنا من القرد (وشه) فقط بالإضافة لزيادة درجات الإنبطاح و الاستسلام فى أوقات كتير ...... كل ده مصاحب بعدم وجود مشروع وطنى لتقليل ذلك الانبطاح و الفكاك من حالة الاستسلام.

المهم الموضوع كان بس علشان نحيى فيه ذكرى الحرب و اللى شاركوا فيها و خططوا لها و أخذوا قرارتها .

[AbOnOrA]

المشاركة الأصلية كتبت بواسطة Dr. Bolbolan والله يابوصلاح أنا دلوى مخروم ويمكن اندلق كمان ! أصل دى حكاوى سنين والواحد مش ح يقدر يقول ايه ولا ايه وبصراحه مافيش نفس ! احنا اللى فينا مكفينا ! لكن لو كان الموضوع على هيئة سؤال منك وجواب منى ( لو كان عندى جواب ) بصفتى شاهد على العصر زى ماكلنا شاهدين على ال...ص بتاع اليومين دول ! يبقى ربنا يسهل ! ماشى يا عم أنا أمير جماعة الموز اللوزعى التابعه لمصرموز ولا أستطيع أن أنكر !! بس أبو الموز الثانى عشر ده لقب لا أستحقه ! طب قول ( جادوليو الثانى عشر ) مثلا ! المهم واضح انك ضارب لك نفسين مغشوشين بقشر موز ومضروبين ببودرة جماجم ! وجماعة الموز اللوز تحت أمرك ( راجع الصوره هدية عيد ميلاد أحمد كار ) كله من ده ! Dr. Bolbolan

والله موش مغشوشين يا دكتور دول اصلللللللى جداً على رأى الاخ حمبوزو لاوى بوزو وصورة الهدية شوفتها يا دكتور والله وروحت قافل وسبتكو تحتفلو بالراجل وفقا للتقاليد الموزاوية العريقة التى تقضى بتبادل ارقى وافخم انواع الموز الجنوب افريقى الفاخر فى جو من المحبة والالفة والانتماء للسباطة الام وبشكل يبعث على الطمأنينة تجاه مستقبل حرية الموز فى المجتمعات الافروهوليزمية الحديثة

اما عن سؤالك يا صلاح باشا فهو بدون تبديل ادوار يجب على القائد ان يتصرف كقائد يسعى لتحقيق هدف اما ان يجتهد وينجزة او يجتهد ويترك الراية لمن بعده ليتم ما بدأه

تقدر تقولى هو ايه الهدف اساسا واتحقق منه ايه وبنسعى لايه مستقبلاً ؟؟

[salahabdelnabi]

استاذ حازم
مش عارف ابدأ معاك منين ........ لكن خلينى ابدأ وارد على كلام حضرتك بهدوء
لو انا مكان اى اب فى التوقيت ده اكيد كنت هابعت كل ولادى ولو قدرت اروح معاهم كنت روحت
لكن وانت بتحارب مين ؟؟؟ اسرائيل والا امريكا .........امريكا اللى فتحت جسر جوى بينها وبين اسرائيل فى قلب المعركة والدبابات نازلة بالطقم بتاعها بالصواريخ الموجهه
زكان معاك مين يساندك ؟؟؟ وكمان سلاحك ومخزونك العسكرى والاسترتيجى على وشك الزوال
جولدا مائير صرحت بنفسها وقالت : المصريون على ابواب تل ابيب "
اسحق شارون نفسه اعترف ان الثغرة كانت مستنقع دخله ومش عارف يخرج منه لولا قرار وقف اطلاق النار
المعركة زاى ماقال عليها السادات الله يرحمه هى معركة لتحرير الارض المصرية وتحريك لقضية ارض فلسطين المنهوبة لانه كله كان واقف بيتفرج عليه وفرحانين بالهبات والمساعدات اللى عمالة تنزل عليهم واولهم الفلسطنين نفسهم اللى كانو اول ناس رافضين لاتفاقية السلام لانها هاتحرمهم من الثروة اللى هبطت عليهم من السما وافتكر حضرتك كده لما ياسر عرفات مات الخناقة اللى حصلت بين سها عرفات مراته وبين محمود عباس ابو مازن على ثروته
وبعدين باسو الجزم عشان يا خدو غزة واريحا ومقابلات سرية ومقابلات معلنة وافكرك بتريقة عادل امام على اتفاقية غزة واريحا لما قال عليها " غزوه وريحه " فى مسرحية الزعيم
وبالنسبة لاتفاقية السلام كل اللى اقدر اقوله باختصار كلام مناحم بيجين نفسه قبل مايموت لما سأله صحفى امريكى عن رأيه فى اتفاقية السلام وعن اللى قدر يحققه من التطبيع مع المصريين قال : السادات ضحك عليا بورقة .... خد ارضه ومحققتش معاه اى تطبيع
وسيبك من اللى بيحصل دلوقتى
لان السادات لو كان ربنا رايد انه يمد فى عمره شوية - وعايز حضرتك تراجع قراراته الاقتصادية وقتها مع اللى بيتطبق دلوقتى - هاتقدر تفهم انا عايز اقول ايه