رابطة ملاك ومحبى السفينه فيات 132

[أيمن الروبي]

المشاركة الأصلية كتبت بواسطة scorpy87 السلام عليكم سؤال يا ريت لو حد يعرف يجاوبلي عليه براويز الشبابيك النيكل بتاعت الابواب لعربيه 132 s 1600cc منين تتجاب لان السمكري منه لله خربهم وهوه بيعمل العمره وانا دايخ عليهم في اسكندريه مش لاقيهم

هتلاقيهم في القاهره عزبة شلبي او الوكاله بس المشكله بقي ان في حد يرضي يفكهملك من الابواب لأن الواضح من كلام حضرتك انه السمكري بوظ النيكل بتاع الاربع ابواب
وعلي فكره ده سمكري معندوش ضمير انه يعمل حاجه كده

شايفين كتاوت شحن الدينامو الخارجى الاصلى؟؟؟؟؟!! مع حلول فصل الشتاء برجاء الكشف على شحن الدينامو !!

http://www.youtube.com/watch?v=gpyypwAwNbo

http://www.youtube.com/watch?v=TCZ3R1Af364

مع مراعاة استخدام الكابلات الفضية


و عدم استعمال الكابلات الصفراء !!!



بطاريات ممتازة تركى واسعار مقبولة





هوجل وبليزارو

أيمن الروبي
:GR OWIN~12::GROWI N~12:

[mohamed81m]

المشاركة الأصلية كتبت بواسطة scorpy87 السلام عليكم سؤال يا ريت لو حد يعرف يجاوبلي عليه براويز الشبابيك النيكل بتاعت الابواب لعربيه 132 s 1600cc منين تتجاب لان السمكري منه لله خربهم وهوه بيعمل العمره وانا دايخ عليهم في اسكندريه مش لاقيهم

شوف فى صلاح الدين عند الشيمى ربنا يسهل وتلاقيها

[shoman011]

مساء الفل على احلى رابطة
واجدع سلام لعمالقة الرابطة (كار ادماير , مصطفى , هشام , القاضى , ايمن )
معلش انا ما كنتش بدخل على النت من فترة كبيرة بسبب ظروف عندى وربنا وحده يعلم بيها فمكنتش متابع اخبار الرابطة
بس لما رجت النهاردة حسيت والله كانى كنت مهاجر بعيد ورجعت لوطنى تانى بجد والله وحشتنى الرابطة
وكنت مستنى تعملوا مقابلة فى الاسكندرية زى ما وعدنى الاستاذ هشام ومصطفى وشكلهم نسيونى بس انا لسه مستنى الميعاد


انا كان لى استفسار عندكم
العربية عندى صوت الموتور بقى فظيع عالى اوى من جوة الصالون يعنى انت لما تكون ماشى على سرعة 100 متعرفش تتكلم مع الى قاعد جنبك ولا تقدر تسمعة يعنى كأنك راكب جرار
وانا عندى الشكمان جديد والموتور تمام وصوته هادى اوى يعنى العربية من بره ملهاش صوت بس من جوه صداع تخيلوا انتوا بقى؟
واحد قالى انى اركب عازل للصالون بس مش عارف ده الحل ولو ده الحل هيكلف كام
المشكلة التانية انى انا وماشى بالعربية مشوار طويل بلاقى دخنة داخلة من تحت الدركسيون ريحتها زى حريق البنزين ولما تفتح الكابوت تلاقى الدخنة طالعة من جنب الماتور من حته ماسورة خارجة من جنب الماتور هى الى مطلعة الدخنة ورحت لميكانيكى وشاف الدخنه دى وقالى دى بقى الماتور بيبخر زيت يعنى ممكن يكون الزيت قليل او خفيف وقالى انى لازم اغير زيت وفعلا غيرت زيت شل اصقر 5000ك بــ 125ج وبعد يومين الدخنه ظهرت تانى مش عارف اعمل ايه
زغم ان الموتور زى الفل والعربية بتجرى معايا وبمشى بها 130-140 وسحب البنزين كويس يعنى 210ك فى الصفيحة يعنى العربية كويسة اوى معايا
بس المشكلة فى حوار الصوت ده والدخنه دى بس

ومعلش مرة تانية انا طولت عليكم اوى بس والله انا معرفش حد تانى غيركم استشيره والف شكر ليكم ومستنيكم فى اقرب وقت