رابطة ملاك ومحبى السفينه فيات 132

[mOuStaFa_ERTU]

المشاركة الأصلية كتبت بواسطة أيمن الروبي ايهيا جماعه الرابطة نامت ليه اصحي ياعم انت وهو وانت ياعم قاضي انت واحمد صلوا علي النبي وحصل خير هو علشان الواحد مشغول انتم كمان تنفضوا للرابطه ده ينفع طيب ايه رأيكو كل واحد يعرض اخر اخبار سفينته انا هبدأ المقروض فاضل علي غيار الزيت 3500 كم وعلي سير الكاتينه والدينامو حوالي 4000 ودول هيخلصوا علي اول الشهر اللي جاي وطبعا نفسي اغير بيكات الكربراتير علشان العربيه محسساني اني راكب جيب 5700 سي سي من استهلاك البنزين وهشام فاضل يجيلي ياخد العربيه يغير البيكات من كتر محايلته عليا نغير البيكات يعني الشهر اللي جاي حفلة مصاريف للعربيه زيت وفلتر وابرو 140 جنيه سير كاتينه 90 جنيه سير دينامو 10 جنيه تيل فرامل امامي 30 جنيه بيكات كربراتير 10 مصنعية ميكانيكي 50ج لو حابين تساهمو معايا انا موافق واخليكو تتصوروا جنبها وفينك ياعم مصطفي حاول تودي عربيتك لحد بتاع عدادات تاني قبل ماتفك الفتيس

الله يعينك والفيس بقه اسهل بس مش تنفيض والله
وبعدين انت هتساهم فى موضوع العدادت ده بنسبه كبيره

[ahmed_sadek]

استفسار صغير يا رابطة 132
هو العربية اللانوس مفيهاش تاكيهات
أصل النهارده كنت مع واحد صديقي في مشوار وبعدين فيه صوت ترزيع بتاع التاكيهات (عارفينه طبعاً) ورحنا للميكانيكي بعد المشوار فقالنا إن العربية ديه فيها حاجه اسمها سيتوكات (حاجه زي كده يعني تقريباً) نفس شغل التاكيهات وديه بتتغير كلها عشان الصوت يروح إيه رأيكم في الموضوع ده

[Hisham.Elgazzar]

المشاركة الأصلية كتبت بواسطة ahmed_sadek استفسار صغير يا رابطة 132 هو العربية اللانوس مفيهاش تاكيهات أصل النهارده كنت مع واحد صديقي في مشوار وبعدين فيه صوت ترزيع بتاع التاكيهات (عارفينه طبعاً) ورحنا للميكانيكي بعد المشوار فقالنا إن العربية ديه فيها حاجه اسمها سيتوكات (حاجه زي كده يعني تقريباً) نفس شغل التاكيهات وديه بتتغير كلها عشان الصوت يروح إيه رأيكم في الموضوع ده

تحب أقولك لا تعليق
انا عاوز منك إعتزار رسمى لما بدر منك في حقنا وبالأخص محمد القاضى

اللانوس تاكيهاتها بلوف بيتغير الطقم كله ب 350 جنيه على ما اتزكر وبعدها الصوت بيروح لكن بيختفى خالص بعد اول غيار زيت

[ahmed_sadek]

المشاركة الأصلية كتبت بواسطة Hisham.Elgazzar تحب أقولك لا تعليق انا عاوز منك إعتزار رسمى لما بدر منك في حقنا وبالأخص محمد القاضى اللانوس تاكيهاتها بلوف بيتغير الطقم كله ب 350 جنيه على ما اتزكر وبعدها الصوت بيروح لكن بيختفى خالص بعد اول غيار زيت

أنا حاسس إني قاعد في قصر الاتحادية
ممكن ننشر الاعتذار الرسمي في الجريدة الرسمية
عموماً إحنا كلنا أخواني (مش الإخوان بتوع المرشد) وربنا يوفق مصر ويطلعها من الكابوس اللي هيه فيه

[scorpy87]

السلام عليكم
سؤال يا ريت لو حد يعرف يجاوبلي عليه
براويز الشبابيك النيكل بتاعت الابواب لعربيه 132 s 1600cc منين تتجاب لان السمكري منه لله خربهم وهوه بيعمل العمره وانا دايخ عليهم في اسكندريه مش لاقيهم