أرشيف بجميع موضوعات الأكسنت RB 2011 المدمجة الخاصة بالصور والاسعار

[bassem_fencer]

و فى حركة خبيسة جدا غبور بيعملها دلوقتى... و انو منزل الاكسنت قبل الالنترا عشان يضمن ليها سوق...لكن لو كان نزل الاتنين مع بعض هو عارف كويس اوى ان الناس هتفضل الالنترا خصوصا ان فرق السعر مش هيبقى كبيراوى فدفع بالاكسنت عشان الناس تجبها الاول

[phantiza]

اراهن ان العربية دي حتكون الحصان الاسود لدي غبور السنة دي ... تحفة وحتاثر علي مبيعات الانترا ومش كدة بس وكمان السيراتو
اول عربية محترمة تخش مصر من غبور
مشكور علي التقرير

[Amir Hassan]

المشاركة الأصلية كتبت بواسطة Grey_Fox مع احترامي ازاي الاكسنت زي السيراتو .. الفرق كبير بالارقام ... السيراتو قاعدة العجلات فيها 2650 والاكسنت 2570 مم طول اليسراتو 4530 وطول الاكسنت 4370 مم عرض السيراتو 1775 وعرض الاكسنت 1705 مم انت دلوقت رفعت السعر بقت زي السيراتو .. ايه اللي يخليني اسيب فئه اكبر واركب الاكسنت

المشاركة الأصلية كتبت بواسطة abd000 ياباشا لازم سعرها ينزل لازم خصوصا بعد الازمة لان الناس كلها عاوز نقدية خصوصا فى الظروف الى احنا فيها ربنا يستر علينا قول امين

والله ياجماعه انا زيكو بالظبط وعلى فكره صاحب الشركه اكيد كمان من مصلحته انه يظبط السعر عشان يبيع
لكن الموضوع فوق طاقة كل الناس
الدولار سعره بقى عالى وفى النهايه احنا بنستورد بالدولار
مش الار بى بس اللى زادت الانترا والاكسنت القديم(ماتبقى يعنى) والجيتز والفيرنا حتى كل العربيات زادت
ياباشا الزياده سببها المنظومه الاقتصاديه مش الشركه
الاقتصاد والسوق هو اللى بيتحكم واكيد فى وقت زى ده القرار مش هايبقى شاذ عن باقى السوق
مثلا : السيراتو رفعت امبارح ودى بس البدايه
اكيد مش هارفع سعر عربيتى لوحدى لان انا فى وسط سوق ومهما كانت عربيتى بياعه اكيد مش فقاقه ولا ارننه ( اسف لللتعبير) انى ارفع السعر لوحدى
والايام بيننا وهانشوف اسعار السوق الفتره اللى جايه
وشاكر ليكوا مشاركتكم

[Amir Hassan]

المشاركة الأصلية كتبت بواسطة bassem_fencer و فى حركة خبيسة جدا غبور بيعملها دلوقتى... و انو منزل الاكسنت قبل الالنترا عشان يضمن ليها سوق...لكن لو كان نزل الاتنين مع بعض هو عارف كويس اوى ان الناس هتفضل الالنترا خصوصا ان فرق السعر مش هيبقى كبيراوى فدفع بالاكسنت عشان الناس تجبها الاول

النترا ايه الللى حضرتك بتتكلم عليها
ممكن توضحلى قبل ما ارد
عشان لو بببتكلم على الافانتى ف لكى يطمئن قلبك متقلقش هايبقى فى فرق سعر مش قليل بين الاتنين

[محمد أكمل]

انا عارف ان سعر الدولار زاد وده طبيعي انا الحاجات المرتبطه بي ترفع بس في شويه ملاحظات
1- من اساسيات الاقتصاد او أ ب اقتصاد السوق عرض وطلب ومحدش يقدر ينكر ان الطلب دلوقتي شبه معدوم واللي يقول غير كده يبقي بغير حقائق علشان يبيع او علشان يضحك علي الناس يبقي مينفعش السلعه سعرها يزيد دلوقتي خالص

2- العربيات سلع ترفيهيه مش اساسيه يعني بلغه الاقتصاد سلع لانهائيه المرونه يعني اي تغير ولو طفيف في السعر ممكن يخلي الطلب معدوم
3-العربيه اساسا سعرها مبالغ فيه دي خلاص بقت قريبه جدا جدا من سعر الفئه اللي بعدها


وعلشان محدش يقول اني بهول او بعمل دعايه سلبيه انا واللهي كنت حاجزت العربيه وكان معاد التسليم المفروض في اول شهر 2 المهم جيت اتصلت امبارح علشان اعرف ايه الاخبار عرفت انها رفعت المهم قمت كنسلت الحجز وكان في واحد صحبي حاجز العربيه فتصلت بيه وقبل مااقله حاجه قالي مش انا لغيت الحجز الشاهد من الحور ده ان ارتفاع سعر الاكسنت بالذات خطاء فادح لان سعرها من البدايه مبالغ فيه وبلاش نقعد نضحك.