ارشيف الاستراحة 2010

[ابوزين]

فعلا هى عمليه معقده جدآ
فهم يحبونها كما نحبها نحن
وبنهينها كل يوم 100 مرة
وعجبى

[د0تامر محمد]

دعنا نطرح السؤال بشكل مغاير
هل نحن نحب العرب ونحترمهم؟
العرب كلهم أخوة ويحب بعضهم بعضا ولكن بنسب مختلفة والهوى والميل يتحكم فى هذا لكن فى ساعة الشدة والانتصار يتجمع أغلبهم على كلمة وهوية واحد (الخير فى أمتى ليوم الدين)(جسد واحد)
الأشقاء فى البيت الواحد قد يكونوا مختلفين وقد تتحكم درجات من الغيرة فى سلوكهم مع بعضهم ولكن فى النهاية أخوة
دعونا لا ننظر إلى الجانب السىء فلننظر إلى الجانب المشرق حتى لو لم يكن أغلبية

[hesham mansour]

أعتقد الموضوع معقد شويه
موضوع ان العرب بيحبوناولا لأمنقدرش نحكم عليه من الفنانيين أو الاعلاميين أو الرياضيين اللي بييجوا علي التلفزيون
لان لازم تتعامل مع فئه عريضه من الشعب عشان تحكم عليه يعني بمعني أصح لازم تعيش هناك فترة عشان تحكم
أما بالنسبة لموضوع احنا بنحب العرب و لا لأ فالمشكله ان احنا بنحكم علي الشعوب العربيه من خلال تصرفات المسؤولين بتوعهااللي بيبانوا في التلفزيون و اللي ممكن تكون مش مسؤوله
من الأخر الموضوع كبيييييييييييييييير

[Romeeoo]

المشاركة الأصلية كتبت بواسطة zerab الموضوع دة مفروض ماينفتحش اصلا لانة مسبب لمشاكل واحقاد في النفس وللامانة ياشبا انا مش مصري بس بموت في مصر طب لية الناس مابتحبش المصريين ودة موجود فعلا حقولكم اسباب اسمعاها دائما من الناس اللي زي مش مصريين 1_ نظرة العنصرية في بعض الاماكن في مصر فعلي سبيل المثال ودية حصلت لي انا كنت عند دكتورة مشهورة اكشف لوالدتي ومعا اني طبيب ومتربي في البلد دية اكثر من نص عمري لما جيت ادفع الفيزيتا قالت بكذا ولما سمعت والدتي بتكلمني مش مصري قالت انت حضرتك مش مصري قلت لها ايوة قالت يعني اجنبي (يهودي ياناس) قالت لاحضرتك الفيزيتا الضعف بالذمة دا كلام 2- خدوا دية كمان اكثر حاجة فاعة مرارتي كلمة انت اجنبي وعلي فكرة ما احد يقدر يعرف ان انا مش مصري الا لما اطلع الباسبور 3- وحاجة مهمة الصورة الوحشة اللي بتنقلها المسلسلات والافلام المصريية للناس اللس مازاروش مصر وهية ان البلد دية ملايانة نصابييين وحرامية والكل عاوز يسرق اللي في جيبك علشان انت مش مصري والغريبة ان الواقع غير كدا خالص مصر مليانة رجالة وجدعان وانا ليا في البلد دية اكثر من عشر سنيين ماشفتش غير اللي قلت ليكم علية 4- اوسخ حااااااااااااجة هنا سواقيين التكسيات هم اللي بيعملوا سمعة زي الزفت للبلد دة يقعد يتحنجل عليك ويعمل نفسة فاهم انت منين وعداتك وتقاليد البلد اللي جيت منها وبعدين يلف بيك البلد ويجيب لك شقة زبالة وبالشي الفلاني وهية ماتتاهلش ويستغل انك اول مرة تزور مصر ودية بتحصل كل يوم للناس اللي بييجو عندي ضيووف بس اول مايسمعني اتكلم مصري احسن منة يتهد علي طول ويخرس ويقول اللي تشوفة يابية ياناس مصر حلوة والناس بتحبها بس الناس الوحشة هية اللي تكره العرب فيها وبعدين مش كل الناس زي بعض البلد دية خيرها علي الكل بس اقول في الاخر ولاد الحرام ماخلوش لولاد الحلال حاجة*

كلام صح مليون المية

المشاركة الأصلية كتبت بواسطة Dr. Bolbolan طبعآ العرب لا يحبوننا و معهم حق فى معظم الحالات وليس معهم حق فى بعض الحالات ! و هى عمليه معقده جدآ ! بس فى نظرى ان أول حاجه ان المصرى رغاى ! مش حكاية طيبه واللى فى قلبه على لسانه ! لكن يحب يستعرض نباهته و ممكن يتكلم عن ناس فى وجود ناس و ممكن يخوض فى أعراض الآخرين بسهوله ! و هذا أكثر ما يتحاشاه العرب أو يجننهم ! لقد سمعتها من أحد الشيوخ العرب ! قال الهندى يقعد ( يعمل أشياء مخجله للحريم ) لمدة 10 سنوات وما يفتحش بقه ! والمصرى لو مكانه ! البلد كلها تعرف من تانى يوم ؟؟ طبعآ مفهوم الكلام ! ولا أبرأ العرب نفسهم ( غير المصريين ) فمعظهم يدعى الشرف والآمانه والغيره على أهل بيته ! وهو أبعد ما يكون عن ذلك ! و يحبون المال حبآ جمآ ! و يحبون أكل عرق الفقير ! ولا يحبون العمل ! و طبعآ لا يحبون من هو أفضل منهم ! فما بالك بمن يتباهى عليهم و هم يعلمون أنه قادم ليعمل عندهم !! Dr. Bolbolan ptmnlo123per111

تصدق يا دوك كل اللى عاشوا ف الخليج ولفوا الدول العربية قالوا نفس الكلام


انا عايز قبل ما اقول رأيى الشخصى احب اسال حد هنا متابع هيكل ع الجزيرة؟
انا حانشر اخر تلت ساعة من الحلقة لأنها مهمة جدا جدا وبعدين نكمل مناقشة ونشوف كل واحد رايه ايه فى الكلام ده لأنه اثر فيا جدا

المشهد الثالث هو لقاء مصادفات مع كوف دو مورفيل، كوف دو مورفيل كان دبلوماسيا فرنسيا وسياسيا مهما جدا وهو كان صديقا للجنرال ديغول من رجال ديغول، كوف دو مورفيل كان سفير فرنسا في يوم من الأيام عندنا في القاهرة، الكلام ده كان سنة 1954، 1955، 1956 ومشي كوف دو مورفيل قبل السويس وبعدين بقى وزير خارجية، جاء الجنرال ديغول رئيس دولة مرة ثانية سنة 1958 فأخذ معه كوف دو مورفيل وزير خارجية وبعدين عمله رئيس وزارة فبقى كوف دو مورفيل هو رئيس الوزارة، في ذلك الوقت وأثناء خدمته في القاهرة أنا شفته مرات كثير قوي طبعا وكان في بيننا مناقشات طويلة وكان في بيننا نوع من الود فكان في مناقشات حامية لأنهم كانوا زعلانين مننا في الجزائر أيضا في ذلك الوقت كانوا طالبين مننا طمأنينة أكثر لشركة قناة السويس وهو السفير الفرنسي هنا على أي حال فكان في مناقشات وكان في مودة وفي مناقشات حامية في بعض المرات، ثم بقى وزير خارجية فيما بعد وأنا كنت بعدت وشفته وبعدين بقى رئيس وزارة وأيضا كنت بعيدا عن الأجواء الرسمية في مصر وشفته تقابلنا في باريس وبعدين مرة في كرانسوسيير في ملعب غولف فوق جبال الألب جانب قرية اسمها كران قابلت وأنا ماشي في ملعب غولف وحد جاي من الناحية الثانية في المقابل، هو معه ابنه وأنا معي واحد من أولادي وتقابلنا في اللينكس تقابلنا في التواصل ما بين حفرتين ودهشنا من هذا اللقاء وأقبل كلانا على الآخر وبنسلم بحرارة أنت فين أنا فين إيه عاوزين نتكلم وحشتنا وإلى آخره يعني ما يحدث بين أصدقاء، أنت قاعد فين قلت له أنا قاعد في فندق اسمه رودانيا على طرف ملعب الغولف وهو كمان كان قاعد في نفس الفندق لأنه فندق صغير وتقريبا ما فيش فيه إلا الناس اللي بيلعبوا غولف، تقابلنا بعد الظهر، طبعا تقابلنا على فنجان شاي بعد الظهر وقعدنا أنا وهو وبنتكلم في اللي جرى واللي حصل، ووقتها الكلام ده كان سنة 1982، 1983 وحاجات كثير قوي تغيرت في مصر واغتيال الرئيس السادات وأنا دخلت السجن وخرجت وكتبت كتابا اسمه "خريف الغضب" وحكاية طويلة قوي وكوف دو مورفيل مهتم يسمع، أنا مهتم أسمع منه إيه اللي جاري وهو مهتم يسمع مني وبعدين بيقول لي إيه؟ أنا أعتقد أن هذا مفتاح موقف أعتقد أنه في منتهى الأهمية في ذلك الوقت وإحنا بنتكلم في نيويورك بعد 67 وفي هذه اللحظة ونحن نحاول أن ندير في رؤوسنا كيف نتصرف في علاقتنا مع الولايات المتحدة الأميركية وبعد كل الهوس اللي إحنا عملناه على أوباما. بيقول لي كوف دو مورفيل بيقول لي إيه؟ بيقول لي حاجة أنا أعتقد فضلت في رأسي وهي تراودني وأنا أفكر فيها وأطل على ما يجري، بيقول لي كوف دو مورفيل إن أنتم عندكم مشكلة في عندكم.. أنا خدمت في مصر وعارف مصر وأنا كنت وزير خارجية في فرنسا وكنت رئيس وزارة فرنسا والآن إحنا الاثنان في المعاش، بيقول كده، بنلعب غولف في التقاعد، عايز أقول لك إنه أنتم فهتم غلط اللي جاري في الشرق الأوسط، أنتم فهمتم أن في الشرق الأوسط في معركة هي معركة دخول إسرائيل، إن الغرب إنجلترا أولا وأميركا فيما بعد بيزقوا بيوافقوا على مشروع إقامة دولة يهودية هي إسرائيل وأنهم بيساندوها، هذا صحيح في مشروع أنتم شفتوه لكن أنتم ما قدرتوش تشوفوا أنه في مشروع آخر مواجه لدخول إسرائيل هو خروج مصر، لا يتحقق دخول إسرائيل إلا بخروج مصر، عاوز أقول لك أنتم فهمتم حاجات كثير قوي غلط، الإنجليز كانوا هم الدولة اللي ساعدت على دخول إسرائيل على مرحلة الدخول، الأميركان هم الدولة التي يجب أن تحقق خروج مصر، عاوز أقول لك إن خط قناة، بصوا لخط قناة السويس، بيقول لي أنت شفت الجنرال ديغول مرات كثير قوي وعرفت رأيه في السياسة والخريطة العلاقة بين السياسة والخريطة، وأنا جبت بعد كده وأنا أفكر في هذا الكلام جبت خريطة وحطيتها قدامي، بيقول لي كوف دو مورفيل بيقول لي مصالح أميركا مصر ليست مهمة في حد ذاتها، افتكروا أن الـ center of gravity أن مركز الثقل في العالم كان في قناة السويس في مرحلة معينة لما في مواصلات إمبراطورية بطريقة معينة وفي صراع على المستعمرات إلى آخره، في فترة الظهور الأميركي لم تعد قناة السويس هي المهمة قناة السويس فقدت أهميتها أولا لأنها مش مهمة لأميركا، أميركا بتلف حول رأس الرجاء الصالح أميركا عندها مراكب كبيرة قوي تستطيع أنها تقطع المسافة من غير مشكلة التكاليف ما هياش كبيرة قوي الفرق في التكاليف ماهواش كبير قوي لو حسبنا الرسوم، مهمة قناة السويس موجودة لأوروبا الغربية مهمة للهند والصين لكن بالنسبة للأميركان اللي فاتكم أنها لم تعد مهمة، الـ center of gravity مركز الثقل انتقل مرة إلى الخليج لفترة بسيطة ثم انتقل مرة ثانية إلى المحيط الهادي في المواجهة اللي بين أميركا والصين جاية وهنا والاتحاد السوفياتي موجود فبقى الاتحاد السوفياتي وأميركا والصين واليابان في ذلك الوقت بيقول كوف دو مورفيل هذه هي القوى الأربعة اللي الصراع على العالم مقبل عليها في المرحلة القادمة وهناك في الباسيفيك بؤرة الصراع وليس عندكم والغلطة اللي أنتم عملتوها أنكم لم تتنبهوا إلى هذا التغيير الكبير، لما إنجلترا عملت انسحاب شرق قناة السويس أنتم فهمتموه أن إنجلترا بتعيد مركزة قواتها، هذا صحيح أنها كانت بتعيد مركزة قواتها لكن ما هو أهم من ده أنه في الإستراتيجية الأميركية البريطانية وإحنا كنا عارفين بها في أوروبا أن خط قناة السويس هو خلاص فاصل في شرق قناة السويس وفي غرب قناة السويس، في غرب قناة السويس الأميركان ما عندهمش مانع أن مصر تبقى دولة كويسة -طبقا لتعبيره- another Muslim country, another African country ، دولة إفريقية أخرى دولة مسلمة أخرى لكن دولة في حدودها لكن الخطر باستمرار هو أن مصر تخطي لشرق قناة السويس أو شرق قناة السويس يخطي إلى ناحية مصر، بيقول لي إيه؟ بيقول لي في وقت الملك فاروق وفي وقت العصر الملكي مصر بشكل ما عملت صلة مع المشرق شرق قناة السويس بالجامعة العربية وبعدين بعد صدمة فلسطين بدا أن المشكلة دي كلها وقفت لأن الدور اللي عملته مصر في حرب فلسطين لم يظهر بهذه القوة وبالتالي فالبريق قل لكن اللي حصل بعد كده أن جمال عبد الناصر جاب المشرق العربي كله إلى القاهرة فبقى في مشكلة، هذا المشرق العربي مصر لازم تطلع من المشرق وهذا المشرق الذي جاء إلى الغرب لا بد أن يخرج من الغرب وخط قناة السويس هو الخط الفاصل. أنا قعدت أسمع كوف دو مورفيل بحقيقي وهو بيؤكد أن في مشروعين وليس مشروعا واحدا ونحن تنبهنا إلى مشروع الدخول ولم نتنبه إلى مشروع الخروج، ومشروع الخروج هو لا يزال يأخذنا حتى هذه اللحظة، في ذلك الوقت في الأمم المتحدة وبعد 67 عملنا كل ما هو ممكن أنه إحنا والله عاوزين حق إزاء إسرائيل ونحن معترفون بقرار التقسيم وعملنا خطوات، العرب عملوا خطوات بلا حدود في سبيل طمأنة أميركا وبعدين جاء واحد مثلا زي الملك حسين اعتقد أنه والله أنا مستعد أبدأ وأنا مستعد أعترف ومستعد أعمل حتى من قبل 67 قبل ما تضيع منه أراضي الرجل كان جاهزا وبعدين جاء واحد زي الرئيس السادات وأعطى بلا حدود ولم يأخذ شيئا في المقابل، ساعة ما أنا بأسمع كلام كوف دو مورفيل من سنين طويلة قوي ويدور في رأسي مرات وأتذكر مشروع ومشروعين وشرق السويس وغرب السويس وأطل على بعض الشواهد مما يجري أطل أنه لم يبق لمصر في شرق قناة السويس إلا قطاع غزة وهو قطاع محاصر، في شرق قناة السويس ألاقي يفزعني ما يجري في سيناء لأنه في مشروعات بتكلمني على شرق وغرب قناة السويس وأن البلد يبقى بلدا مسلما عاديا وبلدا عربيا عاديا لأنه مطلوب أن يبقى في إفريقيا لأنه -وهذا كلام قاله كوف دو مورفيل- لأنه عنصر قلق دائم سواء بحجمه أو سواء بما يتولد فيه من فكر بما يتولد فيه من حركة من حيوية بصرف النظر عن أي حاجة ثانية هو عنصر قلق في المشرق والمشرق وكوف دو مورفيل بيقول لي شوف الخريطة، الجنرال ديغول، بصة واحدة على الخريطة إطلالة واحدة على الخريطة تقنعني وأنا بأبص على ما جرى وبأثر رجعي وفي ذهني كل ما جرى من أول ما كنا نناقشه في نيويورك سنة 1967 إلى حتى ما نراه في هذه اللحظات على أبواب 2010 أطل على الخريطة ثم يفزعني ما أراه

انا حاولت ابرز النقاط المهمة فى الموضوع بالأحمر ايه رأيكوا فى كلام هيكل؟
(ياريت ماحدش يشخصن الحوار على هيكل نفسه)

[_amr.mostafa_]

شكرا ...على الدخول ولاراء