ارشيف الاستراحة 2011

[nktis]

[محمد فيصل]

اللهم يسر لنا جميعا وارزقنا بالزوجة الصالحة
اللهم بارك للمتزوجين من الاعضاء الكرام فى زوجاتهم وذريتهم يا ارحم الراحمين

[mohamed zezo]

والله يا جماعه انتو اخوانى واخواتى وانا عندى رأى فى الموضوع ده ** بس اسمحو لى احكى حكايتى بس يا ريت ما حدش يزهق منىfficeffice" />
انا شاب عندى 22 سنه عايش شبابى مع اصحابى وبصرف مرتبى على نفسى واكل وانام عند ابويا وامى ربنا يباركلى فيهم
فجأه وبدون مناسبه اخوكم اتكعبل فى الحب والحب اللى من اول نظره دا عنيف جدا قطع قلبى من جوا وخلانى الف حوالين نفسى
وفضلت احب واتمرمط فى الحب لمدة سنه وكان ملهاش حل بأه غير الجواز
جواز ايه يا عم محمد انتا اهبل --- انتا راجل مرتبك اول عن اخر 70 جنيه(الكلام ده من 18 سنه)
يعنى لا يكفى ايجار ولا اكل ولاعيال يادوب فسح شاب اعزب وسجاير
توكلت على الله وقلت لازم اتجوز حبيبة عمرى اللى ولعت فى قلبى وخلتنى اكلم نفسى وانا صاحى واحلم بيها وانا نايم
شوية مساعده من الوالد وشويه من اخويا الكبير وشويه من جمعيه عملتها من المرتب وجبت الشبكه وعملت العفش ***واتجوزت*** البس يا معلم****
وكانت المفاجأه ---ايه الروعه دى ايه الجمال ده ----مش مصدق نفسى-- حبيب قلبى جنبى على طول
يا لشوقى واحتراقى ---اجمل سنين العمر ---منتهى وقمة السعاده---(لاحظو ان مرتبى ما زال 70 جنيه)
ربنا رزقنى بشغل بعد الظهر بمرتب 100 جنيه--- ومعاه اول مولود (أمير) يا سلام ايه النعم دى يا رب
حبيبى + امير+ زياده فى الدخل --- والله انا اكثر الناس حظا وامتعهم واسعدهكم--- لك الحمد يا رب
عملت جمعيات من المرتب وحبيبة عمرى وقفت جنبى وحافظت على فلوسى ورتبت حياتى وكنت فى غاية الاستقرار
وبعد 3 سنوات رزقنى الله المولود الثانى (رنا ) روح بابا وعقل بابا وقمة الحنان والعطف على بابا
ومن الجمعيات اشتريت شقه مساكن شعبيه--- ايه الكرم دا يا رب لك الحمد ملئ السماء وملئ الارض وملئ ما شئت من شئ بعد
لاحظو يا اخوانى ---حبيبى + امير + رنا + شقه
وبعد كام سنه ربنا كرمنى بمبلغ من المال واشتريت بيت ودى كانت امنيتى الاولى
وبعد كام سنه كمان ربنا كرمنى وحققلى امنيتى الثانيه واشتريت ال 128
ربى لقد تفضلت على واكرمتنى بزوجه واولاد ومنزل وسياره من لا شئ فلك الحمد حتى ترضى
وبعد سنه واحده غيرت ال 128 و جبت اكسيل 96 فلك الحمد يا رب
لقد وصلنا الى النهايه يا اخوانى واصبح امير ذو 14 عاما واصبحت رنا 11 عاما وبفكر اغير الاكسيل
وبفضل من الله وتوفيقه هتتغير
ولسه حبيبتى جنبى ولسه بتنظم حياتى ولسه ماليه عليا الدنيا سعاده واستقرار فلك الحمد يارب ثم لكى الشكر يا حبيبتى
الاخوه الاعزاء معذرة على الاطاله ولكن اردت ان اقدم لكم عبره وعظه
احبائى *** تدبير الله سبحانه يختلف كثيرا عن تدبير العبد الفقير --- اعتمدوا على الله ---فوضوا امركم لله – واسعوا وجتهدوا ولن يضيع الله جهدكم
واخيرا يا اخوانى – الزواج هو الاستقرار— الزواج هو السعاده—هو الحب – هو الرحمه – هو الموده ----- واللى يقول غير كده يبأه العيب فيه

واللى يقول غير كده يبأه العيب فيه

[mido_00750]

المشاركة الأصلية كتبت بواسطة transporter الموضوع شيق ويستحق البحث_ولكنه رغم محاولتك سيدتي خفض تكاليفه ما زال مكلف_وهذا رغم أنك أخذت بالإعتبار أن أهل الشاب سيساعدوه بالشقة التي ليست علي الطوب الأحمر ولكن ماذا لو أقبلت الفتاة ووكيلها>الأب عادة"<علي التجربة علي أنها صفقة تجارية ترغب هي بالحصول علي أفضل شروط للتعاقد فتبدأ مراحل ها الأولي بعبارات ثم تتوالي بقية المراحل وصولا" الي ثم تبدأ مرحلة إنهيار المنظومة الأمنية بالكامل مما يؤدي الي والدخول في دوامة العنف والعنف المضاد _وإذا بالنقود التي كانت تذهب لبائع الورود يأخذها الفنان هاني رمزي وأمثاله من المحامين ثم تتوالي المأساة . لذا نرجو من أهل الخبرة المشاركة بالرأي بناء" علي ما تقدم أيهما أفضل من حيث1_ الإعتمادية 2_قلة المشاكل أثناء التشغيل والصيانة 3_إلتزام كل" من الوكياين بالضمان والثقة بخلو المنتج من عيوب الصناعة 4_الأوبشن والكماليات ...وخلافه...الزوجة أم الإسبرانزا A516؟؟؟؟؟؟؟؟؟؟؟؟؟؟؟؟؟:08d a300846c84943ae1

انت استاذ
بس انا اجابتى
الانوس