ارشيف الاستراحة 2011

[mohamedsalahelden]

المشاركة الأصلية كتبت بواسطة akerima او ودا حيبقي افيد انزل جيب عربية زيرو في الحدود دي واتمتع واتفسح وبلاش وجع دماغ

استاذ ورئيس قسم وده اللى انا عملته بالظبط

[MEMOO_1ST]

[Eng/salwa]

السلام عليكم و رحمة الله و بركاته
السادة أعضاء المنتدى المحترمين
محتاجة جدا رأيكم و مشورتكم فى موضوع هام جدا جدا ألا و هو تنظيم استخدام الالعاب (on line) لاولادى ارجوكم قولولى اعمل ايه
بعد ما كنا لغيناها خالص لاكثر من شهر ماذا حدث ؟ هقولكم الحال اصبح ازاى فى البيت

1- اعلنوا التمرد و عدم المذاكرة خالص لا صبح و لا ليل
جربت الاول الذوق و الكلام بهدوء و عدم نقل هذا لوالدهم و قلت احاول انا اصلح الحال
فشلت معهم لا بالذوق و لا بالزعيق

2- طالت مدد الجلوس امام التليفزيون و لم تصبح اثناء الغذاء و العشاء و اصبحت قنوات mbc2
, mbc max action مصدر للمشاجرات بينهم و الزعاج طبعا لنا بكثرة الشجار و الزعيق
و الجو المكهرب فى البيت

3- اصبحت الصلاة ثقيلة جدا عليهم و على فكرة بوجود النت يقوموا يصلوا بالعافية و بعد ما اقول قوموا صلوا 100 مرة

4- مشوار الخروج للدرس اصبح يستغرق 5-6 ساعات اه تضييع وقت و خلاص بالعند

5- اصبحوا و كانهم متفقين سويا على اظهار عدم الطاعة و اللا مبالاه علشان يثبتوا ان وجود الالعاب دى مش اسوء مما هم عليه الآن


وعلى فكرة هذا فقط معى و مع والدهم فقط
خارج البيت الكل يشهد لهم بالادب و الاخلاق و الصلاة فى المدرسة على و قتها و هذا بشهادة كل مدرسيهم اللذين نقابلهم عند السؤال عنهم بالمدرسة

بعد التعامل بالذوق منى ما فشل فى اصلاحهم اشتكيت لوالدهم الذى يخافون منه جدا لقوة شخصيته و تعنيفة لهم بعد استخدامه للذوق ايضا
معهم ما فشل
قال لهم والدهم سوف ارجع النت فى البيت بس بشروط نتفق عليها
طبعا تقدروا تستنتجوها مما سبق

و لكن الآن بعد فقط كام يوم ( رجعت ريما لعادتها القديمة )
عاوزين يقوموا من النوم قبل غسل الوجه يبصوا على الشاشة و يشوفوا حصل ايه فى الحاجات اللى عملوها فى اللعبة
ويرجعوا بسرعة من المدرسة او الدرس او غياب من المدرسة علشان اللعبة

مش عارفة اعمل ايه ( على راى المسرحية افتح الشباك و لا اقفله )


ارجو ممن له تجربة مماثلة يشور علينا نعمل ايه

:08da 300846c84943ae1

[mar mar]

شكلهم ولاد مش بنات صح
ربنا يكون في العون
والله انا برضوا مش عارفه اعمل ايه مع اختي في الحكايه دي
رغم انها ثانيه عامه لكن بتذاكر علي الفيس
وقعتلها الوندو بتاع الجهاز الكبير سابتوا وقعدت علي اللاب
مابقتش عارفه اعمل ايه
بتستغل عدم وجود ابويا وامي وتقعد عليه
ولو مافيش لاب والنت فاصل تقعد تتكلم بالساعات في التليفون
بجد الفتره دي اصعب الفترات للتاثير عليهم
ممكن حضرتك تعملي حاجه كده تشجيعيه
يعني مثلا اللي هيذاكر ويحافظ علي صلاته اخر الاسبوع هيخرج احلي خروجه وتفنني في الخروجات
يعني مره دريم بارك مره حديقه الازهر
مره فيلم حلو في السينما
واللي مش هيذاكر ولا هيصلي مش هيخرج اخر الاسبوع وهيبقي كمان مافيش نت اليوم ده ولاتلفزيون يقعد كده لوحدوا في الشقه مش لاقي حاجه يعملها
ولما ترجعوا احكلوا علي حلاه الخروجه
او انك تعملي ايه اللي يذاكر تنزلي تجبيلوا الحاجات اللي نفسه فيها يعني تجبيلوا هدوم جزمه غاليه يعني من الحاجات اللي بيحبوها وهكذا مكافئه واللي مش هيذاكر يتعاقب مش يجيلوا حاجه
يعني انا ناويه اعمل كده مع عيالي لما اتجوز لان الضرب الزعيق مش بيجيب نتيجه

[HaMaDa-ToUBaR]

الف شكر ياباشا ع المعلومة القيمة