ارشيف الاستراحة 2011

[mido_00750]

المشاركة الأصلية كتبت بواسطة AboNoRa يا بنى ما فى ارض الواقع برضو شباب خاطبين ومقضينها حب ومكالمات فى التليفون وقعاد على النت وعايزين ربنا يكرمهم طب منين وانت قاعد تحب وتلعب وواحد تانى زيك قاعد يجمع الكئابة من العالم كله ويتخيل ان كل مصيبة حصلت لغيرة هتحصلة فلا يشتغل ولا يسعى ويقعد مكئتب فى البيت ويقول هتجوز منين ماحنا قولنا السعى عليك والرزق على اللى خلقك وبعدين فيها ايه لما صاحبك اترفد فى الشغل وهو على وش جواز انا قعدت من الشغل وانا لسه متجوز جديد ورجعت قعدت من الشغل وانا متجوز وفاتح بيت وعندى عيال وربنا فى كل مرة بيرزق وبتعدى وزى ما الواحد بيشوف ايام صعبة فى حياتة حتى لو مش متجوز بيشوف ايام صعبة وهو متجوز او بيتجوز وكل ده بيهون وبيعدى والدنيا بتمشى المهم الراجل يسعى ويجتهد وربنا مبيضيعش اجر عامل ولا مجتهد عنْ أَبِي هُرَيْرَةَ رَضِيَ اللَّهُ عَنْهُ ، عَن ِالنَّبِيِّ صَلَّى اللَّهُ عَلَيْهِ وَآلِهِ وَسَلَّمَ , قَالَ : " ثَلاثَةٌ حَقٌّ عَلَى اللَّهِ أَنْ يُعِينَهُمُ : الْمُجَاهِدُ فِي سَبِيلِ اللَّهِ ، وَالنَّاكِحُ يُرِيدُ أَنْ يَسْتَعِفَّ ، وَالْمُكَاتَبُ يُرِيدُ الأَدَاءَ " هَذَا حَدِيثٌ صَحِيحٌ عَلَى شَرْطِ مُسْلِمٍ شوف يا اخى لفظ الحديث حق على الله يعنى ربنا بيتوعد لك وبيلزم نفسه سبحانة باانه يقف جمبك فى 3 حالات الجهاد فى سبيل الله والسعى لاداء الدين والسعى فى الزواج بغرض العفة والصلاح فتاكد لو نيتك مع الله سليمة وعايز تفتح بيت وتعف نفسك وزوجتك وتربى اولاد على طاعة ربنا ربنا هيرزقك الزوجة الصالحة والزرية الصالحة وبرضو مش بقول ان الدنيا سهلة ولذيذة بس بقول ان ديه طبيعة حياة الراجل صعوبات وكفاح وبناء وارتقاء الرجولة مش سهلة يا اخ ميدو .... شكلك مبترشبش بريل

كلام جميل وكلام معقول مقدرش اقول حاجة عنه
مش حتكلم عن نفسى اقولك انا مش بسعى ، لان انت عارف انا اما سعيت ايه الحصل ومفيش داعى نتكلم فى مواضيع قديمة ، ومتقوليش انك لو نزلت جامعة حكومية وسألت على مناطق التهييس اللى فيها بتجمع الشباب والبنات وده كتير ، وقفت ونديت على خمسة وقولتهم انا عندى شغل ليكم حيقولك لا معلش انا بنحب التهييس .
الشباب عمل مناطق فى الجامعات الحكومية عشان فقد الامل فى الجواز ( وعلى فكرة فى منطقة فى احدى الجامعات اسمها تل ابيب للحبيبية )
لو وفى واحد مش بيسعى وغواى هلس ، يبقى فى مليون واحد حاول فشل .
وانت اكيد عارف ان الحرام اسهل من الحلال بكتير ، وانا قبحمد ربنا انى مش زيهم ، يعنى انا مش معهم . بس للأسف ده واقع

العضو اللى انا بحترمه لما قال ان الفطار ممكن يكون ب 10 جنية و الغداء يكون ب 10 جنية والعشاء ممكن يكون 10 جنية ، محدش قدر يقوله 10 جنية حتألك ايه اساسا .
يا اعضاء المنتدى الكرام ونحسبها بالورقة والقلم وعايز حد من الاعضاء المتزوجين ، ياخد المدام وينزل فى منطقته ( مش بقاله روح كارفور يعنى ) وانزل جيب اكل للشهر كله من مرتبك اللى ب 1000 أو 1200 جنية ، ومش عايز اعرف جاب ايه البتفصيل بس يقول مش على انى خطة من دول :
1 - لحوم وفراخ ودواجن وخضار وارز .
2- أرز وخضار ( مرقة دجاج اللى بتضحكوا بيها على الفقراء ) .
3- فول بيتدمس فى البيت ( مع العلم ان كيلو الفول فى منطقيتى يترواحى ما بين 12 : 15 جنية .
عايز رد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟ ( مشى على انى نظام )
مع العلم انه عنده نور وغاز ومياة وايجار شقة ( ياريت يقولى البائى كام دلو فيه بقاى عشان اجيب واحدة بيريل )

والنبى محدش يقول على قد لحافك مد رجليك ( عشان الجيل ده لحافه بقى قد كيس المخدة )

[mido_00750]

المشاركة الأصلية كتبت بواسطة احمد الصعيدي والله موضوع جميل والاختلاف في الاراء زاد الموضوع روعة بس انا عندي راي في الموضوع دة ( في حاجة اسمها اساسيات او ا ب جواز يعني مينفعش اتجوز ومرتبي 400جنية اما بالنسبة للتساهيل هي علي الله طبعا بس لازم يكون عندي الحد الادني للجواز عشان حاجة صعبة قوي منظر الراجل وهو مش عارف يصرف ع البيت والاسواء لو ابوك هو اللي بيصرف علي البيت ؛انا بقول بيصرف يعني هو اللي شايل الليلة كلها وفي فرق بين يصرف ويساعد يساعد ممكن معدية اما يصرف عيييييب قوي وبعدين اي واحد في الدنيا المفروض في المناسبات زي العيد مثلا بيصرف اكتر شوية لبس وكحك او خروف العيد او لاقدر الله حصلت ظروف وحشة برضو بيعوز مصاريف لو حد احتاج لدكتور مثلا لاقدر الله كل دة لازملة مصاريف ) وبعدين المهور عندنا في الصعيد بتبقي غالية نعمل ايةاضف الي ذلك قلة فرص العمل وتدني الاجور

مش محتاج ازود كلام على كلامك .

[mido_00750]

انا مش بقول ان مفيش امل ابدا فى الجواز ، هو فى امل ان كل الشباب مصر تتجوز بس لو قدر يعدى من النقطة البيضاء دى :

احنا كنا بنسمع زمان عن الناس اللى بتقول ( ده راجل عصامى بناء نفسه من الصفر ) ، الجيل بتاع دلوقتى مش لاقى الصفر ، والجيل اللى جاى ممكن على ايامه يكون الصفر مبقاش موجود اساسا .
انا نفسى حد يقولى هى الشباب اللى متخرجه وحلمه يبقى مهندس ولا محامى ، ويدور على شغل يلاقى مطلوب ........ خبرة لا تقل عن 3 أو 5 سنوات ، حيجيب خبرة منين ؟
فى امل اه فى امل ، بس امل جالها سرطان وحتموت الحقوها بقى .

[د.كمال]

يعنى محدش عارف يحل اللغز ده
أحسن حاجه يجيب للقط قطه صغيره............ينفع ولا لأ

[crime]

ههههههههههههههههههههههههه هه
تحفه بجد
تقبل تحياتى