بيان ديكتاتورى رقم (1)

[samirayad]

المشاركة الأصلية كتبت بواسطة man2731212 الدكتور مرسى شكله قرا الموضوع واصدر بيان ديكتاتورى

برضه لسه الأمور مش واضحه

ووارد التراجع عن القرار

وثق تماما

أن الرجوع للحق فضيله

ولا ينقص من قدر المرء شيئا

خضوعه لصوت العقل

والعفو أساسا من شيم الكرماء

وأنا عارف أنه كريم

لعل وعسى

يهيىء لنا الله من أمرنا رشدا

---------------

على فكره

الكلمتين دول لواحد تانى

غير الدكتور/ مرسى

وهو فاهمنى وأنا فاهمه

كويس جدا

[AbOnOrA]

الكلمتين دول لواحد تانى غير الدكتور مرسى وهو فاهمنى وأنا فاهمه كويس جدا

انا مبحبش الاسلوب ده ....
علشان يت باشمهندس انت عارفنى مبحبش الكلام المتغطى
وانا عارفك انت كمان من انصار الصراحة والمباشرة

أن الرجوع للحق فضيله ولا ينقص من قدر المرء شيئا خضوعه لصوت العقل

وبكرر لك تانى بكل قناعة وتصميم
الانتصار للثورة (مبادىء ورموز ) حق
وضرب الفلول على بقهم عين العقل

[hamdy said]

يا جماعة انتوا معرضتوش على العضو كورسير انوا يرجع تانى بس بعضوية تانية وننسى اللى فات ولا فية مشكلة

[samirayad]

المشاركة الأصلية كتبت بواسطة AbOnOrA انا مبحبش الاسلوب ده .... علشان يت باشمهندس انت عارفنى مبحبش الكلام المتغطى وانا عارفك انت كمان من انصار الصراحة والمباشرة وبكرر لك تانى بكل قناعة وتصميم الانتصار للثورة (مبادىء ورموز ) حق وضرب الفلول على بقهم عين العقل

يبقى أنت مأخدتش بالك من كلامى

فكلامى ملوش علاقه بالسياسه

ولكن له

علاقه بأبو فاروق

----------------

والحقيقه وبكل صراحه

أنا صدمت من رد فعلك عليا فى الموضوع المطروح بالقسم الإدارى

فكنت أعتقد بأننى لى مكانه عندك أكبر مما فاجئتنى به

عموما

أنا مش زعلان

فهذا حقك ولا ألومك عليه

[AbOnOrA]

المشاركة الأصلية كتبت بواسطة samirayad يبقى أنت مأخدتش بالك من كلامى فكلامى ملوش علاقه بالسياسه ولكن له علاقه بأبو فاروق ---------------- والحقيقه وبكل صراحه أنا صدمت من رد فعلك عليا فى الموضوع المطروح بالقسم الإدارى فكنت أعتقد بأننى لى مكانه عندك أكبر مما فاجئتنى به عموما أنا مش زعلان فهذا حقك ولا ألومك عليه

ده مش حقى يا هندسة برضو

ده حق المنتدى واعضائه

انا منكرش ان مشاركات ابو فاروق لمست فيها مواقف رجولة او انحياز للثورة

بس مش معنى كده برضو انى اجامله علشان ثورجى او علشان انا بقدرة على المستوى الشخصى

والعكس صحيح برضو

قوانين المنتدى واضحة يا باشمهندس واللى عمله ده مش بس فيه خرق واضح للقوانين

لكن كمان بالبلدى استغفال للناس وبطريقة غير لائقة تماماً

مفيش اشنع من انتحال شخصية ست يعنى ديه مش محتاجة كلام علشان الكلام لابراز مدى خطئاه هيخلينا نغلط فيه فى غيابة وده مش من الرجولة برضو

انا متفهم اعزازك الشخصى لابوفاروق وكنت اتمنى تنأى بنفسك عن وساطة ليه فى حاجة زى كده خاصة وخصوصاً وبالاخص بحكم موقعك فى لجنة التحكيم

وبصراحة وساطتك ديه اكبر طعن منك انت على نفسك انت فى حياديتك انت برضو فى نظر الشكاوى

لان دورك كقاضى بين الاعضاء يفترض تمام الحيدة وعدم الانحياز لاى طرف مهما كانت علاقتك بيه

ومتزعلش من صراحتى يا هندسة بس انت اللى مصمم تفتح الموضوع تانى وتالت وانا رديت باقتضاب لتلاشى عرض رائى بشكلة الكامل بس اعمل ايه طيب مش عارف

خاصة انك حتى محطيتش الرجاء ده على رسالة خاصة لى ولا فى ساحة المداولة لكن حطيته موجة لى مباشرة وعلى العام قدام الناس

والمشكلة انى مبتدبسش