عايز تسأل عن التعديل.؟؟في حاجة محيراك في التعديل.؟؟ حط سؤالك هنا وهتوصلك الاجابة.

[ahmed naeem]

السلام عليكم ورحمة الله وبركاته

عندي اسبرانزا 516 A
العفشة بتاعتها نشفة قوي وعزل الصوت سئ للغاية
ايه اللي ممكن يتعمل فيها

وشكرا

[donvektor]

السلام عليكم :
اولا انا محمد من الجيزة انا معايا عربية اسبرانزا a516 ازرق غامق وعاوز اظبطها تظبيط يكون شكله جامد ورخيص فى نفس الوقت بس التظبيط كله يكون فى الشكل الخارجى وياريت حضرتك تقولى الاسعار فى القاهرة هنا هتبقى فى حدود كام يعنى مثلا الاسبويلر,كساحات وعتب , ولو عاوز اعمل الكبود والسقف والشنطة مع الاسبويلر كربون اللزق هيبقى شكله حلو هيليق مع لون العربية ولا لا و هيبوز فى الاون الاصلى مع العربية مع الشمس وكدة وولو حبيت اشيله هتبقى العربية زى الاول ولا لا ........... فى حاجة كمان انا كنت عاوز اركب انوار فليبس كمان هتحتاج ايه وهى بيبقى قى منها الوان ولا لا وممكن تبظ الفانوس ولا هتبقى عادى اصل بسمع انها بتسخن جامد ........والفوانيس الخلفية افيمها لون العربية ولا اسود احسن ...... اخر حاجة معلش انا كنت بفكر اركب سماعات فلقيت ان فى صب بس كينوود فى حدود 500 جنيه ممكن اركبه مع السماعات بتاعت العربية اصلا وافصل البيز بتاع السماعات الاصلية واركب جى ام كام مثلا ..... انا مش عارف ارتب موضوع السماعات دا خالص انا لقيت جى ام ب 150 جنيه اركبه وسماعات العربية الاصلية دى هتستحمل ولا هيبقى ايه النظام انا مش فاهم حاجة و الصب دا اركبه فى شنطة العربية ولا جوة العربية ......طب هو فى حاجة تخلى لون الجنط نيكل اللى بيلمع دا اللى هو الجنط الاصلى بتاع العربية عاوز اخليه نيكل ولون اسود مثلا او ازرق ينفع ولا لا ولو ينفع اسمها ايه الالوان دى ..... شكرا جزيلا معلش انا طولت عليك انا عارف شكرا
اه دى صورة العربية
.
هى الصورة فى المرفقات انا مش عارف احطها جوة الموضوع معلش

[mostafaelfayed]

هل يمكن تركيب فرامل abs للسيارة هيونداى جيتز 2011 مانيوال ؟

[Injection]

المشاركة الأصلية كتبت بواسطة donvektor السلام عليكم : اولا انا محمد من الجيزة انا معايا عربية اسبرانزا a516 ازرق غامق وعاوز اظبطها تظبيط يكون شكله جامد ورخيص فى نفس الوقت بس التظبيط كله يكون فى الشكل الخارجى وياريت حضرتك تقولى الاسعار فى القاهرة هنا هتبقى فى حدود كام يعنى مثلا الاسبويلر,كساحات وعتب , ولو عاوز اعمل الكبود والسقف والشنطة مع الاسبويلر كربون اللزق هيبقى شكله حلو هيليق مع لون العربية ولا لا و هيبوز فى الاون الاصلى مع العربية مع الشمس وكدة وولو حبيت اشيله هتبقى العربية زى الاول ولا لا ........... فى حاجة كمان انا كنت عاوز اركب انوار فليبس كمان هتحتاج ايه وهى بيبقى قى منها الوان ولا لا وممكن تبظ الفانوس ولا هتبقى عادى اصل بسمع انها بتسخن جامد ........والفوانيس الخلفية افيمها لون العربية ولا اسود احسن ...... اخر حاجة معلش انا كنت بفكر اركب سماعات فلقيت ان فى صب بس كينوود فى حدود 500 جنيه ممكن اركبه مع السماعات بتاعت العربية اصلا وافصل البيز بتاع السماعات الاصلية واركب جى ام كام مثلا ..... انا مش عارف ارتب موضوع السماعات دا خالص انا لقيت جى ام ب 150 جنيه اركبه وسماعات العربية الاصلية دى هتستحمل ولا هيبقى ايه النظام انا مش فاهم حاجة و الصب دا اركبه فى شنطة العربية ولا جوة العربية ......طب هو فى حاجة تخلى لون الجنط نيكل اللى بيلمع دا اللى هو الجنط الاصلى بتاع العربية عاوز اخليه نيكل ولون اسود مثلا او ازرق ينفع ولا لا ولو ينفع اسمها ايه الالوان دى ..... شكرا جزيلا معلش انا طولت عليك انا عارف شكرا اه دى صورة العربية. هى الصورة فى المرفقات انا مش عارف احطها جوة الموضوع معلش

أنا جيت متأخر ياباشا, معلش سامحنى.

لو حضرتك عايز تظبطها شغل فيبر وكده, فده طبعا من الحرفيين, ممكن تركب كساحة فى حدود 350 جنيه وأنت طالع, أو تعدل فى شكل العتب والأكصدام الخلفى بنفس الأسعار.

وكالعادة لازم طقم زينون كويس بيبدـ من 300 جنيه, وجوز لمض بيضاء صغيرة يركبوا فى الواطى بتاع نور التابلوه ودول يعملوا 10 جنيه.

الأسبويلر سعره بيبدأ من 250 للحاجات بتاعت الحرفيين, وفيه أغلى وأحسن, والرخيص بيبقى خامته وحشة ومبيعملش حاجة للثبات.

فيه أسبويلر شفاف بيتباع دلوقتى ده بصراحة شكله خطير, وشكله المنحنى بيزود الثبات.

اللزق منصحش بيه, أولا علشان غالى, ثانيا علشان هيعمل مشاكل مع المرور لأن العربية هتبقى لونين, والرخيص منه على فكرة أنا سمعت أنه بيعمل مشاكل مع شيله, وده غير الحقيقة الواقعة أن لون العربية تحتيه هيبقى مختلف عن اللون الخارجى علشان الشمس وعوامل التعرية.

اللمض زى ماقلت مافيش أحسن من الزينون, لو مش عايز زينون ركب فيليبس رالى لو لقيتهم أو أوسرام نايت بريكر مع كتاوت, فيه ناس كتير بتشكر فيهم.

وممكن تغير لمض الأشارات بلمض بيضاء, والجوز برضه بيعمل 10 جنيه زى لمض النور الواطى بالظبط.

والفوانيس لو أتفيمت أسود مش عارف أحكم الصراحة على شكلها هيبقى عامل أزاى, بس فى رأيى لو هتفيم فوانيس فيم العربية معاها

دهان الجنط ممكن, بيترش وخلاص, بس منصحش بالموضوع ده خالص, لأنه علشان يترش كويس لازم يترش ويدخل فرن, مش بعلب الرش أم 7 جنيه اللى الناس بتغير لون الجنط بيها, لأنه لو مدخلش فرن هتلاقى الدهان بيقشر من عليه وبيقع لوحده, غير أن شكله هيبان.

الجى أم أبو 150 جنيه ده لعبة أطفال, صينى ومبيستحملش, وكاسيت العربية بتاعك أشد منه أصلا ومالوش لازمة, عايز جى أم نضيف متخرجش عن الماركات المشهورة زى كينوود وبايونيير وأمثالهم, للسماعات ال كينوود ال 350 يعمل معاك شغل جامد, بس ده لو غيرت السماعات بسماعات 300 وات أو أكثر مش للسماعات الأصلية.

موضوع الصب ده صعب, ممكن تركب بازوكا jbl 1000 وات بسعر 600 الى 650 جنيه, أو تجيب صب بايونيير شامبيون ال 1400 وات أو الكينوود ال 1200 وات بسعر من 320 الى 370 وتجيب صندوق ب 100 جنيه وخلاص.

بس هتضطر تجيب أمبليفاير مناسب مش أقل من 400 وات قناتين علشان يشغل الصب, ولو ناوى تشغل سماعات على الأمبليفاير يبقى أعمل حسابك فى أمبليفاير 4 قنوات, وطقم سماعات محترم.

أرجو أنى أكون أفدت حضرتك, وأعذرنى مرة تانية أنا بقالى كتير مدخلتش, أسف.

المشاركة الأصلية كتبت بواسطة mostafaelfayed هل يمكن تركيب فرامل abs للسيارة هيونداى جيتز 2011 مانيوال ؟

دى حاجة شبه مستحيلة ياباشا, الabs نظام مليان حساسات سرعة بتركب على الفرامل وبيكون ليها مكان محدد فيها وخراطيم, وماستر غير العادى بتاعنا وصمامات, وليه زى ماتقول كمبيوتر لوحده بيعالج المدخلات اللى جايه من الحساسات, ده غير أن نظام الفرامل كله لازم يتغير علشان تركب ال abs بحساساته بسلطاته وبابا غنوجه عليه صح, ودى برضه حاجة مستحيلة ومكلفة جدا.

وال abs مش هيحسن من قدرة الفرملة خالص, ال abs كل وظيفته أنك لما تقف على الدواسة بتاعت الفرامل, بدل مالعجل يقفش والعربية تزحف ومتقفش, النظام بيدوس فرامل دوسات متقطعة علشان العجل مايقفش والعربية تقف بسرعة, وخلى بال حضرتك من جملة "تقف على الدواسة" دى جدا.

[Injection]

المشاركة الأصلية كتبت بواسطة ahmed naeem السلام عليكم ورحمة الله وبركاته عندي اسبرانزا 516 A

المشاركة الأصلية كتبت بواسطة ahmed naeem العفشة بتاعتها نشفة قوي وعزل الصوت سئ للغاية ايه اللي ممكن يتعمل فيها وشكرا

للمرة الألف أسف جدا على التأخير.

العفشة الناشفة دى حضرتك عارف أن ثبات العربية معتمد عليها بنسبة كبيرة, وأنها كل ماتبقى أنعم وأريح كل مالعربية هتعوم على السرعات العالية.

هو للأسف مالهاش حل غير تغيير بعض أو كل مكونات العفشة, زى المساعدين بأخرين أقل فى النشفان زى ال kyb وتغيير السوست بسوست أسهل فى الأنضغاط, أنعم يعنى

ولو العربية بقالها مع حضرتك كتير, أكثر من 100000 كيلو, أنصح حضرتك تكشف على العفشة, ممكن يكون حاجة فيها عمرها أنتهى زى المساعدين وهى اللى عاملة المشكلة, خصوصا لو العربية كانت أنعم من كده فى الأول.

أما عزل الصوت فده موضوع صعب برضه, بس فيه ناس بتقول ممكن تجيب عازل من اللى بتوع الصوتيات بيجيبوه علشان يركبوه فى الأبواب, وتركبه على كل باب من جوه علشان تزود العزل, وفى الشنطة وحوض الموتور برضه, وتخلع التابلوه وتركبه وراه.