-O( كرسى الاعتراف )O-

[محمد حنفى]

استاذ / ابو نورا
الله ينور
انت مسبتش حاجه نسألها

[Ahmed Anwer]

أ / إسلام ،،

طبعا الواحد عايز يسألك أسئلة كتير ،،

بس هاكتفي دلوقتي بسؤال واحد و لي عودة

احكيلنا عن تجربتك مع المنتديات ،،، بشئ من التفصيل

[Semsem999999]

أنا لست من ذوي الخبرة بالمنتديات ، ولكني هاو فقط وبدأت الحكاية من أول حبي للموبايلات والبحث عن كل ما يتعلق بها على النت من برامج وسوفت وير وخلافه ومن هنا بدأت العلاقة ، ثم تطورت إلى عشق للدخول في المنتديات والمشاركة بالرأي والرأي الآخر ( ماتتخيلوش الموضوع ده بينمي معلومات الواحد قد إيه ) ثم بدأت العلاقة بمنتديات السيارات من أول ما بدأت أفكر في شراء سيارة جديدة لأول مرة ( ومحدش يسألني أنا ليه فكرت في اللانسر ) أنا أساسا كنت بدور وبصراحه على كورولا وهي اللي كنت ناوي أجيبها لكن صدمني سعرها ( كانت وقتها معديية ال 100 ألف بدون أي كماليات ) فطبعا اتجهت للياباني برضه من خلال اللانسر وبدأت أدور على النت عن رأي الناس عنها ومن هنا بدأت العلاقة ، إلى أن تفضل الموجه التعليمي الأول أبو نورا أفندي صاحب الأسئلة اللي تودي في داهية في افتتاح هذا المنتدى ومن ثم صرت عضوا فيه .

[محمد حنفى]

أستاذ / اسلام
السلام عليكم ورحمة الله وبركاته
أود ان أطرح عليك بعض الأسئله
1- ما رأيك فى قانون المرور الجديد وهل سيعيد الانضباط للشارع المصرى؟
2- ما هو تخيلك تجاه حل مشكلة زيادة السيارات الجديده فى الشارع المصرى من ناحية الأزمه المروريه
وشكرا

[Semsem999999]

المشاركة الأصلية كتبت بواسطة medo1970 أستاذ / اسلام السلام عليكم ورحمة الله وبركاته أود ان أطرح عليك بعض الأسئله 1- ما رأيك فى قانون المرور الجديد وهل سيعيد الانضباط للشارع المصرى؟ يا جماعه المشكلة مش مشكلة قانون صدقوني لو الناس من جواها عايزة تلتزم هتلتزم من غير قانون ديه حاجه ، الحاجه الثانية طول ما فيه واسطة ومحسوبية ورشوه عمر الحال ما هينصلح ، عارف أنا هاقولك على حاجه شفتها هنا عجبتني جدااااااااااااااااااا وهي إن هنا مافيش إنت مين وابن مين والله لما تكون إيه أنا في شغلي مرة قاعد على مكتبي وواحد معدي بيقول سلام عليكم لوحده وتانه ماشي المهم أنا أول مرة أشوفه بسأل الساعي مين ده بعدها بشوبة كده قالي ده كان سعادة الوزير !!!!!!!!!!!!!!!!!!!!!!!!! !!!!!!!!!!!! تخيل عادي خالص ولا الطريق اترصف ولا الوزارة اتكنست ولا الناس لبست هدوم العيد عااااااااااااااادي جدا ، لذلك الناس ديه بتتطور لأنها ملتزمة من جواها 2- ما هو تخيلك تجاه حل مشكلة زيادة السيارات الجديده فى الشارع المصرى من ناحية الأزمه المروريه وشكرا

هما حلين :
1- الشعب المصري نصه يهاجر على بلد ثانية وياخد معاه سياراته
2- الأرض تتشق وتبلع عربيات النص الثاني