أرشيف بجميع موضوعات الأكسنت RB 2011 المدمجة الخاصة بالصور والاسعار

[Amir Hassan]

المشاركة الأصلية كتبت بواسطة elamir_pc يا استاذ امير انا عندى وجهة نظر هو لو غبور نزلها 97 الف وفيها فوانيس شبورة وتحكم فى الطارة وجنوط كانت حتبقى تمام لكن ولا دة ولادة حرام

على فكره انت شاطر جدا
انت عايز اوبشنز ب15000
مجانا على العربيه
طب على فكره العربية سعرها غلى وبقت 99500فقط جنيه مصرى لاغير
ولا عزاء للجنيه

[Grey_Fox]

هو كان حد اشتراها ب 96 لما تلاقو اللي يشتريها ب 100...

[Amir Hassan]

المشاركة الأصلية كتبت بواسطة zico900 حاجه مهمه: الفتيس الاتوماتيك كام نقله؟ 4 ولا 6؟

اربع نقلات ياباشا
لان ال 6 نقلات ده جديد وهاينزل فى الفئات الاعلى من الاكسنت
زى الافانتى

[Amir Hassan]

المشاركة الأصلية كتبت بواسطة Grey_Fox هو كان حد اشتراها ب 96 لما تلاقو اللي يشتريها ب 100...

كتييييييييييييييييييييييي ييييييييييييييييييييييييي ييييييييييييييييييييييييي ييير
اشتروا
وفى خناقات على حجز الدفعه الجديده والالوان

[Amir Hassan]

المشاركة الأصلية كتبت بواسطة eng_sa3d يا جماعة انا قريت الموضوع كله و كل التعليقات وشايف ان مفيش خلاف اصلا.....نقطة الخلاف الاصلية هنا هيا وسائل الامان وبالاخص ال abs و الاير باج وازاى عربية تنزل بالسعر دة ومفيهاش امان كفاية بس دة مش صحيح لان صاحب الموضوع تفضل مشكورا واوضح ان فيه فئات فيها abs واير باج وهيا اعلى فئه اللى هيا ب 109500 كدة اصبح الموضوع منطقى جدا العربية نزلت جيل جديد يزيد فى السعر ب 10000 جنية عن الجيل الاقدم واعتقد ان فرق ال 10000 جنية دة معقول جدا نظرا للموتور الجديد الهايل دة والشكل اللى بالتأكيد افضل ومتنسوش ان العربية لسة نازلة يعنى على اخر السنة حيقل تمنها حوالى 3000 او 4000 جنيه يعنى الزيادة فى السعر مقبولة جدا و فى نفس الوقت غبور قدم كماليات اضافية فى العربيه مكنتش موجودة فى السيارة القديمة و ده فى وجود كل مميزات السيارة الجديدة بالاضافة الى اير باج و abs وفتحة سقف وبكدة تبقى هيونداى تربعت على عرش الفئة دى بل وعملت سيارة "اللى هيا بالكماليات" ترقى لمنافسة الفئه الاعلى ولو انى كنت افضل ان اعلى فئة تنزل كمان بجنوط مقاس 16 مثلا علشان تبقى رياضيه اكثر لكن السؤال الاهم هنا بقى انا شايف ان مش منطقى ابدا ان هيونداى تنافس نفسها لان كدة الاكسنت rb بتنافس الالنترا....طبعا دة مش صح لان الالنترا نازل منها الجديد وحتبقى اكيد اغلى يعنى مش حيبقى فيه منافسة يعنى الالنترا حتنزل بسعر اعلى و الاكسنت بقت اعلى والسوناتا نازلة اعلى.....اعتقد كدة بقى باين قوى ان غبور ناوى يطلع لفئات سعرية اعلى وده مقبول ما دام السيارات فعلا كويسة لكن اعتقد ان هيونداى مش حتبقى بعد كدة ارخص عربية فى مصر ومعتقدش ان دة حيأثر على مبيعاتها لانها فعلا بتقدم سيارات صعبة المنافسة و بسعر معقول

احترم وجه نظرك جدا مش لانك مؤيد للسيارة
ولكن لان تعليقك مرتبط بتعليل منظم ومنطقى ومقنع

اما بالنسبه للجنوط فمعروف ان الجنط الاصلى تمنه 8000 جنيه
تقريبا فوق او تحت حاجات بسيطه
والشكل بتاعه ممكن يعجبك بس مايعجبنيش
طب انا شيلته من العربية عشان ميرفعش سعرها وبعدين انت ممكن تجيب اى جنط انهارده بالشكل اللى حضرتك عايزه وبالسعر اللى حضرتك برده عايزه
على فكره العربية تقريبا سيراتو
لو ركزنا فيها شويه بس مع فرق الصالون مممكن يكون اضيق حاجات بسيطه