سال وهتلاقى المتخصص الى هيجاوبك عن سوالك فى بيجــو

[محمد خميس]

السلام عليكم
انا عندى بيجو 305 مو 79 وعايز اسقط موتور سوبارو 3 سلندر 1500 اتوماتيك
هل محركات السوبارو قطع غيارها متوفرة ولا ادور على حاجة تاني شكرا لك

[hossam_86]

السلام عليكم يااحلى منتدي سيارات
انا ان شاء الله ناوي اشتري عربية واحدة من دول ومحتار جدااااااااا(بيجو 305 --- وفيات 132)
بس في ناس بتقول قطع غيار البجو غالية جدا وانا بعد ما اشتريها يادوب همشي حالي بالمرتب يعنى مش هقدر اني اغيرلها حاجة غالية
فكنت عاوز نصيحة بصراحة ناس بتقولي 132 قطع غيارها ارخص كتييييييييير فهل دة صحيح
(مثال مثلا البيجو ممكن جدا حد يدخل في العربية وهي واقفه لا ليها ولا عليها ده وارد انة يحصل كسر للفانوس مثلا ساعتها هغيره للبيجو بكام والفيات بكام وهل السمكرة هتفرق بين البيجو وبين الفيات)
سوري ياجماعة انا طولت عيلكم اوي بس والله محتاج مساعدتكم وردكم بجد شكرا جدا للمنتدى والشباب الموجودة بالمنتدى

[ahmedkhaledsaid]

انا عندي بيجو 504 1978 2000سي سي بالتقريب كدة تجيب كام؟

[hisam2010]

المشاركة الأصلية كتبت بواسطة asemelsaid السلام عليكم شكر خاص للمهندس / هيثم مجهود رائع ودائم لم ينقطع والله يا بشمهندس وسؤالي هو للبيجو 450 موديل 95 ممكن اعرف مشاكلها ايه وهل هي فعلا فيها مشكلة ارتفاع حرارة المحرك ام لا واخيرا سؤال محيرني جدا ومش فاهم حاجة فيه اعرف ازي العربية الفرنساوي من الايراني من اباظة اي الفروق بينهم شكرا جزيلا

جزاك الله كل خير ومتأسف جدا على تأخرى فى الرد.......
- مفيش حاجة أسمها مشكلة إرتفاع درجة الحرارة الـــ 405 عامة عربية جميلة جدا وبتاعت شغل وبالنسبة للحرارة لو زادت أكيد يبقى فيها مشكلة اما الطبيعى انها تبقى ثابتة على حوالى 70.
- صراحة مش أعرف الأجابة على الفرق بين المصرى والفرنساوى لكن الى أقد أكدهولك مفيش فرق جوهرى يعنى كل حاجة وحدة وانا سألت واحد فى مبيعات وجيه أباظة وقالى ممكن تعرف من الزجاج لو محلى يبقى العربية مصرى.
أما بالنسبة للإيرانى فهى اسمها الــ ROA وهى مختلفة فى الشكل شوية والشنطة بتاعتها بتبقى نص شنطة والمحرك بيكون بالطول ودفع خلفى وحقن.

[hisam2010]

المشاركة الأصلية كتبت بواسطة dr_safi باشا انا عندى بيجو 206 موديل 2001 مشكلتاها فى السخونه وارتفاع المؤشر ل100 ايه الاسباب المحتملة كمان عداد RPM مش شغال

بالنسبة لإرتفاع درجة الحرارة بيجى نتجية خلل فى أجزاء دائرة التبريد وممكن يكون من الأتى:-
- عدم وجود مياه أصلا فى القربة.
- نقص المياه بسبب وجود تلف فى أحد خراطيم المياه
- الثرموستات تالف.
- حساس الحراة تالف.
- تلف فى الردياتير.
- تلف فى طلمبة المياه.
- وأخيرا تلف فى جوان وش السلندر.
بالنسبة للـــ RPM ممكن التابلوة نفسو بايظ لازم أبص عليها الأول.