آخر أسعار سوق المستعمل

[د0تامر محمد]

المشاركة الأصلية كتبت بواسطة malkworld س ع د تامر هو الفتيس الاوتوماتيك فى عربية لانسر بطة هيعيبها ولا لا على اساس انه قديم وممكن تبقى اعطاله كتير او كان لسه الاوتوماتيك مطورش اوى ومن ناحية اخرى فى ناس بتقولى دا القديم دا احسن من الجديد بيتعمله صيانة كانه مانيوا مش بيتغير كله زى المانيوال علما ان العربية 1300 وبيقولوا الماكنه الصغيرة الاوتوماتيك فيها وحش افيدنى بالله عليك

الاوتو فى اليابانى لاغبار عليه وبلا أعطال مع الصيانة الدورية
طبعا الاوتو فى ال1300 بيبقى ضعيف خاصة مع التكييف بإستثناء الصنى والكورولا جيد جدا فى سحبه
أما عن الانسر بطة فهى سيارة محترمة وكفاءة

[د0تامر محمد]

المشاركة الأصلية كتبت بواسطة smartghost911 السلام عليكم و رحمة الله و بركاته مساء الخير أنا خالد 25 سنة طالب بالفرقة السادسة كلية الطب جامعة المنصورة و كل يوم بضطر أروح الكلية من منزلى فى منية النصر لكليتى فى المنصورة عبر طريق المنزلة المنصورة لمسافة حوالى 35 كيلو و لداخل مدينة المنصورة حوالى 5 كيلو و لأنى مش بحب أروح الموقف من الفجر علشان أركب بصورة آدمية و أو أتزاحم مع زملائى علشان أتحشر فى العربية ولا أتخانق كل يوم أو أتوسل إلى التاكسيات ..و بطلت حتى أروح الكلية .. فقررت أشترى عربية و لأن مفيش عندى أى فكرة عن العربيات و عندى معرفة محدودة بالانترنت فتعرفت على المنتديين اللى هكتب فيهم المشاركة دى.. و بدأت أقرأ كتير و استفدت كتير و بقيت عارف إن الكارتير مش بينقط كهربا و لا حاجة .. و لأن مفيش معايا غير 40 ألف جنيه حددت احتياجاتى و لأنى معرفش حد أثق فيه قد كده واحد قريبى ذو ثقة دورلى على عربية لانوس 2001 و اشتريتها من خلاله على 36 ألف جنيه على خلفية انها فابريكة من جوة و رشة برة و قاللى كمان انها محتاجة تظبيطات و هخليها عنده يظبطها لأنه محل ثقة و هيحاسبنى على أى زيادة و أنا دفعت الفلوس و ركبت العربية لفتين و أنا مش سواق أساسا بس سقت كذا مرة قبل كده ..و مفتحتش حتى الكبوت .. و قاللى على ما أخلص الورق و الاجراءات و لأن فى مفضلش فى رخصتها إلا أقل من شهر .. و دفعت فوق الألف جنيه فى الورق و الشهر العقارى و المرور و الضريبة و التأمين والاكراميات ولسه رايح أرفع البصمة علشان أنقل العربية لمرور محافظتى, مهندس الفحص أصر على حرق صدر الحوض ليتأكد من الرقم المحفور هناك .. و يردد أن العربية راشة حوض و قريبى بجوراى لا يعترض رغم زعمه الدائم أنها فابريقة و زى الدهب من جوة و زى الزيرو و ما إلى ذلك .. و عرض على استرجاع أموالى .. و لم نحدد موقف الأموال المنفقة فى قطع الغيار من جهته و فى الاجراءات من جهتى .. فأنا محتاج عربية محترمة و مش بتاعة مقالب و موفرة فى البنزين و فى حدود 36 إلى 40 ألف جنيه و طبعا مش شرط لانوس لو فى اقتراحات أحسن يا ريت طبعا تبقى أول يد استعمال بيت يعنى .. شكرا جزيلا لاهتمامكم

السعر اللى إشتريت بيه سيارة مو2001 ليس سعر حتى 97 وأكيد لو كنت راجعت أسعار السوق كنت ح تعرف إن السعر مريب يعنى أكيد السيارة فيها حاجة لكن قدر الله وما شاء فعل
بالنسبة لل40 ألف ممكن لانوس 99 حالة جيدة
كورولا مو93
أو أكسنت ال1500 مو99 أو ال1300 مو2002
سيفيا مو99
كيا ريو مو2002
لاتتعجل فى الشراء ولابد أن يفحص السيارة خبير قبل أن تدفع فيها مليم

[د0تامر محمد]

المشاركة الأصلية كتبت بواسطة Khaledelmansy دكتور تامر ممكن لو سمخت تسعرلي العربيه دي موتسوبيشي سوبر اكشن 2008 فتيس اوتو 1600 سي سي مغيره سقف لوقوع حادث فقط

آسف جدا
سيارات الحوادث لها ناسها فى التسعير ولا أستطيع تحديد سعر مناسب لها

[د0تامر محمد]

المشاركة الأصلية كتبت بواسطة smartghost911 أنا محتاج عربية محترمة و مش بتاعة مقالب و موفرة فى البنزين و فى حدود 36 إلى 40 ألف جنيه و طبعا مش شرط لانوس لو فى اقتراحات أحسن يا ريت طبعا تبقى أول يد استعمال بيت يعنى ..

تم الرد فى موضوع سيارات مستعملة للبيع

[د0تامر محمد]

المشاركة الأصلية كتبت بواسطة xahmedfaragx ممكن يادكتور تامر تعرفنى ايهم افضل فى المرسيدس200 والا 200e والا c180لموديل سنه 85 الى 90 واسعارهم ايه وايهم تفضل من ناحيه استهلاك البنزين وقله الاعطال واسعار قطع الغيار وسعر اعاده البيع ودمتم بصحه وسعاده

مرسيدس 200e موتورها 2000cc وبتعمل من 70-100
ال200 فى نفس الرينج
ال180 موتورها على ما أعتقد 1800 وهى أقل من ال200 أداء ورغبة فى المستعمل
مشكلة المرسيدس إنه يستهلك بنزين كتير لكبر الموتور وقدم الموديل وقطع الغيار والصيانة مكلفة
والعبرة بحالة السيارة وحسن إستعمالها وليس بالموديل