ارشيف الاستراحة 2011

[YahiaAshraf]

المشير : كورسير
رئيس المجلس الاعلى لقوات مصر موتورز
ههههههههههههههه

[طارق السحت]

المشاركة الأصلية كتبت بواسطة ironheart دكتور تأثرت كثيرا بالقصة ولا تلومنا الا نفسك فانت قلت انك تعلم تمام ان هذا الرجل لا يملك المال وصادق فى ما يقولة وحاولت تتصرف وفكرت كثيرا ولاكن كل هذا ادى فى النهاية الى موت طفل وليس كاى طفل طفل يتمناه رجل وامراءة منذ 7 سنوات اتعرف كم تبلغ سبع سنوات لرجل وامراءة كل يوم يتعذبو من اجل طفل اتعرف كم هى فرحتهم بنذول هذا الطفل اتعرف كم مصيبتهم لرحيل هذا الطفل اتعرف كم هى فرصتهم فى الحمل مرة اخرى انا رائى هذا الطفل واغتيال فرحة الابوين فى رقبتك كان من الممكن ان تحاول وتترك الطفل يوم او اثنين حتى يدبرها الله من عندة اعلم انك كنت انت وزمايلك الاطباء كنتم مضغطون مديا ولكان لا يوجد سبب فى هذة الدنيا تبيح قتل طفل وقتل معة ابوية فى لحظة بسسب المال لقد حن قلوب الممرضات الاتى الله اعلم بمدى احتياجهم لهذة الفلوس وانت لم يحن قلبك لهذا الرجل او هذا الطفل ارجوك اترك هذا المهنة

انا معاك فى الكلام ده ، واضح ان الدكتور حاسس بالذنب

[طارق السحت]

وفاه هذا الطفل فى رقبه هذا الدكتور ،،
كان يجب ادخاله الحضانه وبعد كده كان ممكن تتحل وربنا كبير قوى بس احنا اللى مش عارفين
وربنا يرحم هذا الطفل ويصبر والديه ويسامح هذا الدكتور

شكلك هتحبسني يا يحيي وقانون الطوارئ متفعل

[د.هبه77]

المشاركة الأصلية كتبت بواسطة AboNoRa ست الكل دكتورة هبة احييكى على مشاركتك القيمة كالعادة وفعلا كنت مستنيها فى الموضوع ده طبعا الجزء الاول من مشاركة حضرتك مازال صعب على امثالى انه يتقبلة انا متفهم طبعا ان التعامل اليومي بحكم المهنة بيخلى الموت من المفردات اليومية العادية جدا بس اعتقد سيظل حدث غير عادى بالنسبة للناس العاديين

والله يا بشمهندس وائل ، انا كمان الجزء الاول صعب عليه تقبله!!!
بتكلم بجد لان كل الدكاترة مطالبين بالكلام دة عشان يقدرو يشتغلو كويس
في فرق بين المفروض واللي بيحصل فعلا ! ويعني مش هنكر برضة ان التعود موجود الي حد ما ولكن يتفاوت وبدرجات بين شخص واخر
وعلي فكرة انا مش بلومك خالص عن تعبيرك عن غضبك لابو يوسف بالعكس انا مقدرة لك تماما موقفك - واعتذر لو كان الكلام حمل اليك معني اني بهاجمك -لان مهما كان يوسف دة روح بس للاسف اللي وصلنا لكدة اللي انت شايفة دة واللي يمكن والله اعلم يكون سبب من الاسباب اللي الثورة قامت عشانه
ودايما لما اهل المريض بيبقو موجودين في حدث زي دة بتلاقي ردود فعل غالبا الطبيب بيتاثر بيها جدا وتتراوح بين الصراخ والبكاء وما خفي كان اعظم
وانا مش بدافع عن الدكاترة قد ما انا ببقي حزينة علي انك تبقي واقف ومش قادر تعمل حاجه لمريض قدامك بيموت او مات فعلا وتخيلك لان المريض دة اللي كان لسة بيكلمك من شوية فجأة ..... مش موجود ، ويا ريت مش موجود وبس لا ، دة انت كنت متواجد اثناء موته !!!
عشان كدة الدكاترة مطالبين بانهم يبقو جامدين شوية عشان لو يوسف مات فلازم الدكتور يبقي عارف كويس ان في احمد ومحمد ومحمود ومني واسماء وهند كل دول في حضانات تانية ومستنيين الدكتور ييجي يشوفهم وياخد باله منهم والا هم كمان هيموتو
اي نعم الطبيب مش هو الوحيد اللي لو معالجهمش يبقي مستقبلهم ضاع ولكن هو مسؤول علي مستواه او علي نطاقة الضيق دة

المشاركة الأصلية كتبت بواسطة AboNoRa اما الشق الثانى الخاص بالحلول فهو اكثر من رائع ومنطقى جدا احييكى عليه ومن ناحيتى اعلن استعدادى التام للتكفل بكل اعباء تصميم وتنفيذ وتشغيل قاعدة البيانات المقترحة وتطبيقاتها الالكترونية تحت ادارة وتمويل شركتى الخاصة وفى حالة احتياجنا لشركات اخرى اكثر تخصصا فى مثل هذه التطبيقات ساتولى باذن الله الاشراف على ذلك وتمويلة باختصار قاعدة البيانات محلولة بإذن الله لكن احنا هنبقى محتاجين توفر خدمة الاتصال بالانترنت فى كل المراكز الطبية المتوفر فيها حضانات

اعتقد والله اعلم انا برضة مقدرش افتي ولكن في اصلا موقع للنقابة علي النت ومعرفش طبعا مش اختصاصي ولكن اعتقد انه ممكن يكون فكرة زي دي ملحقة بالموقع علي النت ولا اية؟

المشاركة الأصلية كتبت بواسطة AboNoRa ومحتاجين دعم من احد المؤسسات او الجهات تضمن تفعيل بروتوكولات الانضمام للرابطة والاستمرار فى تحديث بياناتها ولا نشتغل بشكل حر ونعتمد على تطوع المراكز الطبية للانضمام للرابطة مع تكثيف الحملات الاعلانية عن الرابطة وانشطتها وتوفير مزايا للانضمام ليها

اعتقد ان الفكرة لو بدات الامور دي هتكون سهلة يعني لو لاقت موافقة مثلا من النقيب بعد كدة هيبقي الحاجات التانية الي حد ما امرها سهل
بس هو السؤال اللي بيطرح نفسه هل انا اول واحدة قلت الاقتراح دة
اكيد في قبلي اصلها مش معضلة اوي
يا تري كان اية رد الفعل علي حاجه زي دي او لية النقابة فعلا معملتش حاجه زي كدة
عموما انا هاحاول واسأل برضة واتمني ان الاقي رد!