ارشيف الاستراحة 2011

[romioromio]

المشاركة الأصلية كتبت بواسطة ابو حسين

[crime]

عمااااااااااااااااااااااا ااااااااااااااااااااااااا اااار يا مصر
والله انا لو جالى فرصه سفر هاسافر وما هاقعد ف البلد ديه ثانيه واحده
اقسم بالله ما هاقعد ثانيه واحده

[ayman goda]

شكرررررررررررررررررررررا
دايما جامد

[dr.wael7yran]

المشاركة الأصلية كتبت بواسطة د.هبه77 عادة الطفل بيتولد انا هتكلم عن المستشفي العام اللي حتي الخاص ممكن احيانا ميبقاش فيها امكانيات العام كمان ! المهم بعد ما اتولد الطفل تعبان يبدا الصراع دكتور النسا ولا الاطفال اللي هيتابع الطفل وبدون دخول في تفاصيل لان دي مشكلة كبيرة جدا هنا في مصر المهم ان في النهاية دكتور الاطفال معندوش حضانه طيب والحل ايا ما كان اللي هيتصل مين لكن المفروض ان الطبيب يفضل مع بتاع السويتش اللي هو نايم اصلا لان عادة الطفل اللي عايز حضانه دة غالبا بيكون بليل وتتصل بقي بكم مستشفي وانت وحظك لان انت مهما كان مبتبقاش عارف كل المستشفيات بس مش اقل من 20 مكالمة كل دة وفي طفل عمال يتنفخ له بجهاز اسمه امبو لو هو محتاج تنفس صناعي فعلا والله اعلم مين اللي بينفخ دة واحد متمرس مع الاطفال ولا لأ لان ممكن يكون امتياز وينفخ جامد والرئة بتاعة الطفل يحصل فيها مضاعفات وممكن تلاقي 2 او 3 بيبدلو علي الامبو دة لحد ما في الاخر مثلا في حضانه قالت طيب هاتوه نشوفه طيب الطفل لازم بتنقل في حضانة بورتابل PORTABLE طيب دي بكم يا اخواننا بالفين او حاجة زي كدة لا خلاص هننقله بالامبو دة ،،، بس المشكلة تلاقو الدكتور(لان هو ارخص ) اللي يرضي ينفخ طول فترة النقل لان خدو بالكو ان دة مش الطفل الوحيد في النبطشية ولو ملقتش خلاص خد الطفل بملايته ولف بية بتاكسي لحد ما تلاقي حضانه طفل بيصارع الحياة بيتلف بيه في تاكسي مش لان الدكتور معندوش ضمير ولكن لان البلد مفيهاش رعاية صحية طيب وصلنا الحضانة ممكن تكشف عالطفل وتقول للوالد مفيش حضانة وخدوه واحدة تانية هنا بقي النقطة اللي مر بيها دكتور وائل وحط الطفل عالجهاز (واللي ممكن يعتبرها عالم الحضانات الخاص بقوانينه واحنا هنا مش بنتكلم عن انسانيات ولكن عن عمل يحكمه ضوابط كتير ان هو قام بتغليب الحالة الانسانية عن شروط العمل وعلي فكرة كتير جدا تعامل الطبيب مع الناس حسب الحالة الانسانية بيعود علية هو شخصيا بالضرر لان لو لا قدر الله حصل اي شئ للمريض اول حد بيشتكوة (خليها يشتكوه بس) هو الطبيب ولو هو قال لجهات الشكوي او زمايلة حتي انه كان بيحاول ينقذ الحالة (انت اللي غلطان انت اللي مأمنتش نفسك لية )وناس كتير دلوقتي محترفين تعويضات في عالم الطب ) المهم مش هنتكلم عن ماساة الطبيب اللي بيشتغل علي حساب اعصابه وبيضغط علي نفسه في حالات كتير جدا ونكمل الطفل اللي عمالين يلفو بيه دة اللي تعبان ومنقول في تاكسي وهو اصلا مفروض انه طفل غير مكتمل النمو او لو مكتمل مر بظروف سيئة او او واللي الكبير بيتنقل في اسعاف امال الطفل دة اللي مفروض يتنقل في جهاز تنفس صناعي متنقل !!!! المهم بعد مرحلة اللف دي وصل لحضانة محتاج حقنة بالفين جنية لرئة الطفل لوحدها يدون محاليل بدون اي حاجه ويوسف واحد بس من نبطشية فيها 2 او 3 في مستشفي واحدة في محافظة واحدة الموضوع بقي مش حكاية دكتور صاحب حضانه بيمر بية يوميا ما لا يقل عن 10 في نفس حالة يوسف تلخيصا للموقف في عاملين الدكتور مينفعش نلومة بقوانين الدنيا لان هو في قانون الطب عمل اللي علية وازيد كمان لان في ناس اصلا مبترضاش حتي تعمل انقاذ للطفل !!! هنقول ان هو كان مفروض يدفع من جيبه ليوسف مع ان الدكتور دة محتاج هو كمان يكسب عشان يشتغل كويس ويعرف ياكل كويس ويعالج الناس كويس وهو اولا واخيرا فضل انه يعيش هنا في الظروف الطاحنة دي وميسافرش وقال هيعمل مشروع مش حاجه خيرية وان كان الخيري موجود في اماكن اخري وهنفترض ان هو قصر معاه ولكن يمكن دة حصل عشان ميتكررش (التقصير هنا كاعتبارات انسانية وليست طبية) ومع اعتبار ان زي ما كل واحد بيغلط في مجال عملة وان كانت الغلطة هنا علي حساب حياة شخص لكن هات امهر اطباء مصر واسأله مات معاه كم واحد وغلط في كم عيان ؟ للاسف اولا واخيرا هي مهنة وتكتسب ويحكم ذلك اولا واخيرا برضة توفيق الله سواء للمريض او الطبيب والحاجه اللي ألوم فيها الدكتور هي انه معلش يعني احرج انه يلم فلوس تبرعات للمريض انا الي وقت قريب كان ممكن فعلا لو حد قالي كدة اقوله مستحيل لكن طول ما انت بتعمل الحاجه دي ونيتك فعلا لله متتراجعش هتقول شبهة والناس هتقول بيلم عشان يحطهم في جيبه هقولك ان لله جنود يعني لو انت جمعتها فعلا وخليتها في حساب خاص معروف ان دي للغلابة ربنا بيبارك وهيدفع عنك الشبه (ان الله يدافع عن الذين امنوا) يعني المهم النية في الاخر معلش انا عارفة انها حاجه صعبة لكن بقليل من التفكير مش هتلاقيها كدة نواب القصر العيني بيجيلهم ناس بتتبرع وبياخدو ممكن وهم مروحين معاهم 10 الاف جنية في النبطشية للاطفال التعبانة طيب ما احنا بقي نقول ان الدكتور اللي بيجيله تبرعات دة بيضربها في جيبه لنفسه (ولكن الواقع ان الناس عارفة انه لأ وبيدفعوله الفلوس).... لأن معروف ان بالذات المهنة دي للاسف الطبيب بيواجه حالات كتير جدا تعبانه ولا يستحل الفلوس دي علي نفسه الاب انا شفت حالة كان مطلوب منها حقنه بسبع الاف ومش موجودة الا عند صيدلية مشهورة بالاسم وراح قالهم هجيبلكو كل الضمانات وقلب الصيدلية وفعلا جابلهم الفلوس بعد كدة من تبرعات الناس دية روح ولازم يدافع عنها باستماتة ومين الاولي يدافع عنها هو ولا الدكتور ! حتي لو هيشحت عشان يجيب الفلوس يشحت اية تسوي كرامته ادام روح ابنه لو هي مهمة عندة فعلا للاسف ظرو ف البلد كدة يبقي مش قضية بقي هيلاقي فلوس بس هو يدور انما يعيط وياخد جنب والحياة والظروف ده هو اصلا لو سرق في ظروفه دي لا يطلق عليه سارق يتبع

دكتورة هبة ..
الف شكر على مشاركتك اولا ..
و على اقتراحك ثانيا ..
و صحيح احنا فعلا كاطباء اخوات في هم ما يتلم و محدش فاهمه غيرنا..
جزاك الله خيرا عن توضيحك لحاجات كتير ..
بس تعالى نتكلم في موضوع التبرعات ..
انا ايام ما كنت شغال في ابو الريش ( و لو حكيت حكاية واحدة من بتوع ابو الريش بقى ..هتولعوا فيه و في المنتدى كله )..المهم كنت بجمع التبرعات و كنا بنصرفها على افقر و اغلب خلق الله ..
بس تعالى نحسبها في مكاني ..
انا كل يوم بيجيلي 2 او 3 موش قادرين يدخلوا ولادهم ..
او كانوا قادرين و المصاريف زادت عليهم و جابوا اخرهم ..
او قادرين بس المطلوب فوق طاقتهم ..
و طلعت هنا مثلا في المنتدى و ناشدت اهل الخير ..
و الناس دفعت ..
و اتحلت المشكلة..
طيب انا مفروض احط اجرة ايدي و لا لأ..
طب لو اه المفروض احطها..
يا سلاااااااام
مفيش حاجة اجمل من كده..
ده الاسعاف و التمريض في كل مستشفيات القاهرة عرفوا بس اني رخيص شوية
و بيعبتولي كل اللي بيقول انا موش قادر
ما بالك لو عرفوا اني عندي حضانات ببلاش..حضانات مدفوعة الاجر
و الله هاشتغل فول بورد 30 يوم في الشهر ..
و هنغير اللوجان و تبقى فلوينس بقى
بس معقولة اقعد انطلكم هنا يوميا و اناشد ذوي القلوب الرحيمة علشان اكسب انا من ورا الخير ده ؟؟
طب هشيل مكسبي و اجرة ايدي ..
اه ..ابقى انا كده فتحتها خيري ..و اكل انا و مراتي من تبرعات ماما و بابا ليا ..
انا فاتح مكان خاص و بقدم فيه خدمة بمقابل ..علشان اعرف اعيش
و عشان ميحصلش الخلط ده ..
و اللقمة تبقى حلال على قدر المستطاع ..
عملنا المركز الخيري ..
الفلوس اللي الناس هتتبرع بيها هتتصرف على الاطفال..
و الدكاترة و التمريض اللي بيراعوا الاطفال ..
و احنا هندير طبيا و اداريا و لوجه الله و بدون و لا مليم ..
و هنشجع الناس انها تتبرع لاننا متأكدين انه الفلوس دي هتتصرف على الاطفال ..
عملناه بجهودنا الذاتية ..
و لفينا و اقنعنا الناس بيه..
و تعبنا و عرقنا فيه ..
علشان لما يجيلي واحد معهوش فلوس ..
اوديه فورا و بدون لف و حوار و شحاتة و استجداء ..
و تخيلي معايا ..
كل يوم انا بدخل هنا .. وكل يوم انا باستجدي الناس تدفع ..
لانه كل يوم بيتولد طفل ابوه معاهوش يدفع ..
بذمتك موش هابقى شبه الراجل اللي بيبقى و اقف في الميدان و معاه صندوق التبرعات اياه بتاع الحامع اللي بقاله 20 سنة متبناش
و لا ايه ؟

[dr.wael7yran]

ممفور شكرا لانك ركزت معايا و فهمت انا عايز اقول ايه ..
و باشمهندس وائل .. دماغك التحليلية دي هي اللي انا نفسي تشتغل معايا ..