حنفضل لغاية امتى ناخد بشكل العربية مش بامكانيتها ؟

[Oussama]

المشاركة الأصلية كتبت بواسطة Neo206 بص يا عم الى معاه يركب النترا عمره مهيركب فيرنا خلينا واقعين أنما الى معاه يركب النترا ممكن يركب حجات تانية أكتر أمان و كفاءة و موتور افضل لكن هو بيدور على الشكل الجديد يعنى بيتمنز و بس بدون مراعاة للامان و الامكانيات الفنية للعربية

انا معاك فى كلامك بس الناس بقا بتاخد الموضوع على انة منظرة و كلام فاضى مش حاجة عملية و لا اكتر امال او اقتصادية للبنزين .... كله دلوقتى بقى للموضة و ربنا يستر على الكل

المشاركة الأصلية كتبت بواسطة ahmed el gendy كلامك صح ف الغالب ولكن دي كنايه المقصود بيها ان كل واحد المفروض يجيب العربيه اللي علي قد احتياجاته وبالمناسبه عندنا تاجر اسمنت وحديد وما ادراك ما تجار الاسمنت راكب فيرنا موديل 2005 او 2006 معاه من الزيرو من فتره وابو واحد صاحبي راكب شيروكي زيرو رغم ان حالته الماديه ليست بدرجه تمن العربيه دي وساكن ف شقه ايجار قديم اللي اقصده ان الصح اني اختار العربيه اللي تناسب احتياجاتي

على فكرة يا احمد انت بتقول اهو على ابو زميلك ده انة حالة الاقتصادية مش ولا بد بس فى ناس ممكن يكون عندها العربية اهم من الشقة او الجواز اساسا و بيحب يريح نفسة فى المشاوير و المواصلات

المشاركة الأصلية كتبت بواسطة عمرو رافت العربيه المستعمله ممتازه و عشره علي عشره بس لناس معينه, ناس عرفين ميكانيكيه و عفشجيه انا والله مش قصدي اغلط في حد انا واحد من الناس معايا عربيه مرسيدس 82 ودوخت العشر دوخات مابين العفشجي و السمكري و اظبط حاجه و حاجه تانيه تفرقع والله صارف من سنتين 2000 جنيه عفشه بس و برضه مش زي الفبريكه حاجه توجع القلب

حرجع و اقولك يا عمرو ان " الباور بوظ الناس " يعنى من الاخر كله عاوز عربية جديدة هى اه مش حتكح غير بعد سنة او اتنين بس بقولك انا اية بهدلنى اروح ارميها فى التوكيل و ادفع مها طلع و لا ادوخ عند واحد ميكانيكى او عفشجى يغشنى او يسرقنى فى الفلوس .. الناس خلاص بقت بتستسهل كل حاجة عمال على بطال

[sherifabden]

انا نفسي افضل السيارات الحديثة عن القديمة (القديمة موديل تسعينات او تمانينات)
اولا امكانيات السيارات الحديثة افضل بكتير
ثاينا وسائل الامان بتبقا اكتر يعني مستحيل تلقي عربية تسعينات او سبعينات وفيها ايرباج
دا غير طبعا ان شكلها بيبقا افضل وكمان انعم واهدى واوفر واقوى
بس انا مش باخد الموضوع دا منظرة

[Oussama]

المشاركة الأصلية كتبت بواسطة sherifabden انا نفسي افضل السيارات الحديثة عن القديمة (القديمة موديل تسعينات او تمانينات) اولا امكانيات السيارات الحديثة افضل بكتير ثاينا وسائل الامان بتبقا اكتر يعني مستحيل تلقي عربية تسعينات او سبعينات وفيها ايرباج دا غير طبعا ان شكلها بيبقا افضل وكمان انعم واهدى واوفر واقوى بس انا مش باخد الموضوع دا منظرة

لمعلوماتك يا شريف الاير باج اخترع و نزل فى الانتاج فى التسعينات بس طبعا علشان احنا فى مصر يبقا انسى الكلام ده يجى هنا

بس بصراحة العربيات موديلات التسعينات اجمد و احسن من موديلات دلوقتى بكتييييير " ده رايى الشخصى "

مقدرش انكر انك طالما فى عصر كله تكنولوجيا يبقا حتفكر فى القديم من حيث الامان او حتى الكماليات او الشكل

[ahmed el gendy]

المشاركة الأصلية كتبت بواسطة Oussama لمعلوماتك يا شريف الاير باج اخترع و نزل فى الانتاج فى التسعينات بس طبعا علشان احنا فى مصر يبقا انسى الكلام ده يجى هنا بس بصراحة العربيات موديلات التسعينات اجمد و احسن من موديلات دلوقتى بكتييييير " ده رايى الشخصى " مقدرش انكر انك طالما فى عصر كله تكنولوجيا يبقا حتفكر فى القديم من حيث الامان او حتى الكماليات او الشكل

انا معاك في دي افضل عربيات صنعت هي موديلات التسعينات نفس نعومه عربيات دلوقتي ومفيش اي اختلاف وعن تجارب كتيره لكنها فيها امان اكتر من عربيات دلوقتي والصاج بتاعها محمل وافضل من دلوقتي مليون مره عشان الحكات البسيطه بتاعت شوارعنا الواسعه

[Oussama]

المشاركة الأصلية كتبت بواسطة ahmed el gendy انا معاك في دي افضل عربيات صنعت هي موديلات التسعينات نفس نعومه عربيات دلوقتي ومفيش اي اختلاف وعن تجارب كتيره لكنها فيها امان اكتر من عربيات دلوقتي والصاج بتاعها محمل وافضل من دلوقتي مليون مره عشان الحكات البسيطه بتاعت شوارعنا الواسعه

و حيفضل السؤال المحير ليييييية المنظرة يا شعب ؟؟

حتى لو انت سايف عربية قديمة محدش حيسيبك فى حالك لييية برضوا ؟؟


انا حفضل مكمل معاكم لغاية ما نلاقى اجابة