مشكله فى قنطره فيرنا فيفا

[احمد سويلم]

المشاركة الأصلية كتبت بواسطة m_ss2 هههههههههه انا سمعت عن العفشجى دة انه كويس وطبعا الاسم مستحيل يتنسى ( كخة )

هو واضح طبعا ان الاسمعلاويه ملوا المنتدى

[احمد سويلم]

المشاركة الأصلية كتبت بواسطة سيداحمد تعالى لى ابوعطوه وانا هاريحك فى الموضوع ده ومتبعشى العربيه هاتخسر فيها كتير انا مدرس بمدرسة محمد فريد بابو عطوه

اهلا بيـــــــــــك

[GeeDa]

بجد حسبي الله ونعم الوكيل

انا روحت لـكخه دا وبجد تاني حسبي الله ونعم الوكيل
اولا متشكر جدا لأهتمامكم
ثانيا لما روحت للأخ المحترم كخه قالي العربيه محتاجه مساعدين وبعد كدة نعمل القنطره عشا تحس بالشغل
قلتلو ياباشا مفيش مشكله
غير الاربعه

تمام لحد هنا كويس
جينا بقي للقنطره . اتصل بأخوه (اخو كخه ) قلتلو دا شمكري قالي لأ عندو ورشه لحام

قلتلو قشطا ومن ساعه معرفت انو بتاع لحام وانا عرفت الى فيها

المعلم بتاع لحام قعد يفحر ساعه ونص عشان نوصل للنحيه التانيه ابدا

قالي بص انا علمت الى عليا بس كدة احسن قلتلو ازي قالى احنا هندخل المسار حوالي 6 سنتي
قلتلو تمام وهتثبتو ازاي قالي م أحنا هنلحم من تحت

تخيلو رد فعلي ايه !! بلاش احسن
المهم قالي لأ دا كدة احسن المسمار جوة الشاسيه قلتلو
طبعا صرفت كتيير وبردو محلتش المشكله والعربيه تاكس

ومركونه تحت البيت والعداد بيعد (( عليها قسط 2500 جنيه شهريا ))
اعمل يا جماعه ارجوكم انصحوني

مع العلم ان المشكله دي فى البيعه مش هتبان
وفعلا انا روحت ابيع ومحدش آخد بالة من الحوار بس لقيت نفسي خسران كتير ومش هعرف اجيب فيفا تاني

[احمد سويلم]

ربنا يعينك ياااارب

طيب بص
انا اعرف واحد حداد بتاع لحام دايما بشوف عنده بال3 و ال4 عربيات
روح ورهاله ممكن يبقى ليه فيها سكه

العنوان امتداد التلاتينى بعد ما تعدى موقف الحكر اكنك رايح على السفينه

الحداد ده 3 ناصيه بعد موقف الحكر امام دهشان بتاع قطع غيار اليابانى
اسمه احمد
ربنا يوفقك لما فيه الخير ويااريت تقول عملت ايه ووصلت لايه

[GeeDa]

حدااااااااااااااد تاني

انا خلاص هبيعها واجيب ملاكي زيرو ((فيرناااااااا))
عشان انا صرفت كل الى حيلتي ويمكن استلفت كمان
وشكراا ليكم