إزاز العربية إتكسر في خناقة

[TELEBK]

المشاركة الأصلية كتبت بواسطة sssssssss استعوض ربنا وباذن الله ربنا هينتقم منهم . والازاز اعمله في التوكيل او عند حد متخصص .

والله أنا إتصلت في التوكيل قالوا ليه حيتكلف في حدود 700 جنية بالتركيب والضريبة ومش موجود في السوق بره ، والحمد لله مفيش غير إني أعملة في التوكيل إن شاء الله .

[TELEBK]

المشاركة الأصلية كتبت بواسطة dr_eslam_66 إحتسب عوضك عند الله اللذي لا يضيع عنده حق أبدااااا. عموما علشان تبقى متطمن أ،ا مع الرأي الي بيقول كراج بعيد عن البيت وخلاص ودا أريح للكل على فكرة. إنتا عارف المشكلة مش فيك ولا عليهم فعلا الي عمل المشكلة دي الحقير الي قالك وأنا أعملك إيه ياعني لأني من واجبه إنه ينزل يتحرى ويبحث ويجيب أطراف المشكلة يتعاقبوا على الي عملوه في أموال الناس وترويع الآمنين دا غير السلاح الي لازم عليه يجيبه من تحت الأرض وإلا إزاي دي تبقى بلد آمنه لو فيه سلاح مع أمثال الهمج دول. حسبي الله ونعم الوكيل في كل واحد قاعد على مكتبه ومابيعملشي شغله وبيقبض آخر الشهر سحت ويحط في بطن عياله حرام.

بالنسبة للجراج مفيش أماكن ، ولو فيه بتبقي غالية جدا جدا ، وبرضة مش أمان بالدرجه ديه ، لإن جوز أختي كان حاطط عربيته في جراج كان كل يوم يلاقيها مخبوطة أو محكوكه ولازم يسيب المفتاح مع السايس وييجي يلاقيه نايم فيها ، وبعدين الراجل بتاع النجده بقي يقولي تتهم مين ، مش عارف أقول ليه إيه ، ومفيش حد منهم نزل خالص ، ربنا يستر علي البلد ديه والحمد لله .

[.EhAb]

الحمدلله انها جت فى الازاز مش فى حاجة كبيرة او تعيب العربية

[TELEBK]

المشاركة الأصلية كتبت بواسطة .EhAb الحمدلله انها جت فى الازاز مش فى حاجة كبيرة او تعيب العربية

الحمد لله يعني شوية نقر في الصاج في الكبوت

[mhamdy75]

يبقى حضرتك تروح تركب الازاز اللى اتكسر وتجيب فليين بتاع التلاجات وتحطه على ازاز العربيه وتغطى فوقيه الغطا وتطلع وانت حاطط فى بطنك بطيخه صيفى ومفيش حاجه تحصل للازاز تانى لو عملوا ايه ان شاء الله