ازاي استلم لوجان اتوماتيك 2013 ؟!؟!

[Tota El Masry]

التأمين ناس كثير ماشيين من غيره(لاحظ إني بتكلم على التكميلي الإجباري بيكون بعدد السنين بتوع الترخيص بوصل مستحيل تطلع الرخصة من غيره)
لكن في ظروف اليومين دول بيتهيالي مهم جداً جداً جداً

الحافظ هو الله

[sehsss]

ما فيش كلام تاني يتقال، الله ينور يا شباب

[Tota El Masry]

المشاركة الأصلية كتبت بواسطة sehsss ما فيش كلام تاني يتقال، الله ينور يا شباب

من بعض ما عندكم / سحس
تلميذتكم بقى تسلمولي أخواتي في مصر موتورز

[egyptawy]

المشاركة الأصلية كتبت بواسطة Tota El Masry قبل الترخيص لأ لكن بيوفر عليك المعاينة أفضل وسيلة للتأمين تركنها في جراج خاص و أوعى تسيب مفتاحها لحد تحت أي ظرف و تركب جهاز إنذار في التوكيل 1400ج أو تروح تستلمها الصبح بدري و تطلع ترخص على طول في نفس اليوم بعد ما تجيب شهادة البيانات أهم حاجة النمر علشان حقك ما يضيعش بعد كده التأمين ممكن تضبط مع الشركة تمليهم البيانات بالتليفون و قبل ما تروح المرور تعدي تدفع و تستلم يعني قبل ما تستلم بيوم تروح الشركة تسيب صورة البطاقة و صورة وصل الحجز و أنت في الطريق يجهزولك البوليصة تراجع الأسم و الشاسية و الماتور و تتوكل على الله تاني يوم أو في نفس اليوم ترخص أنا عملت كده مع مندوبة التأمين ضبطها و أنا راجعة عديت على الشركة أخذت منها البوليصة و دفعت و أديتهم صورة الورق و لما رخصت بعتلهم صورة الرخصة و دمتم لحد ربنا ما يكرمك و تأمن تكميلي يعني تمسك العصا من النصف ترخص سنة بـ 800ج و تأمن بحوالي 3500 أو 4000 ربنا يحفظهالك

معلش هو 4 الاف جنيه تامين مش كتير شوية

وهل المبلغ ده سنوى ولا مدى الحياة

[Waseem87]

المشاركة الأصلية كتبت بواسطة Tota El Masry التأمين التكميلي ده مش في المرور ده ضد الحرائق السرقة الحوادث و شامل حقوق الغير في بعض الأحيان حتى 40ألف جنيه غرامة لا قدر الله بيكون في شركة التأمين بصورة بطاقتك و ورق العربية و بتدفع 3.5 أو 3.25% من إجمالي قيمة السيارة لمدة سنة و الزيرو ليها 5% تأمين شامل لو أتسرقت من تحت البيت يدفعوا ثمنها بالكامل بس انا عجزت في الفلوس فماعملتهوش قدر الله و ما شاء فعل لو بتستلم من التوكيل بيكون الكاسيت بدون شفرة و ممكن يكون مشفر لكن الجديد كله متلين على الواقف و الكاسيت مش مشفر المفتاح له كود بيشغل العربية و لو أتسرقت لا قدر الله الحرامي ربنا ياخده قبل ما يجي ناحيتها مستحيل يعرف يمشيها بس أحتفظ بالسيريال بتاع المفاتيح و أوعى ترميه خالص خصوصاً لو حتركنها في جراج أو ترميه في مكان حد يعرفك فيه علشان مش يطلع مفاتيح بالسيريال بتاعك لا قدر الله الاستب ترونك لسه مش جربته و أول ما أجربه بأمر الله حنزل تقرير عنه ممكن تدخل على النت تشوف تجربته و نظرية عمله حتلاقيه كثير قوي بالتوفيق أخي الفاضل - تحت أمرك أي وقت في اي استفسار أختك توتة المصري

جزاكي الله خيراً علي هذا الرد الشافي الوافي. ربنا يجعله فى ميزان حسناتك