اسباب قطع الكهرباء والمياه فى مصر هذه الايام

[sayed2077]

طيب لو سمحتم عاوز اسئلكم سؤال هو بكام مولد كهرباء يتحمل جهاز تكيف وجهاز تلفزيون و ثلاجه ومصباح

ياترى هتكون قدرته قد ايه وسعره حوالى كام لانى بفكر اجيبه جداااا

ايه رائيكم فى الفكرة ديه؟؟؟

[kashtoot]

المشاركة الأصلية كتبت بواسطة desiel انا مهندس في محطة توليد كهرباء وممكن اشرح اسباب كده وهو مش سبب واحد الاول ان معظم المحطات الجديدة في مصر هي محطة مركبة وهي رغم ارتفاع كفائتها انما المشكلة ان ارتفاع درجة حرارة الجو بتؤدي لانخفاض الطاقة المتولدة منها وطبعا ارتفاع الاستهلاك في الصيف مع التكييفات التاني هو مشكلة الوقود خصوصا الغاز لان انخفاض ضغط الغاز بيجبر المحطات على خفض احمالها والا حتخرج الوحدات من الخدمة السبب الثالث هي المشاريع اللي اتعملت في خلال 10 سنوات الاخيرة وكان الاستشاري الحصري ليها هي شركة بجسكو واللي مهنندسيها اللي تعيينهم بيتم عن طريق الوساطة واغلبهم هم ابناء قيادات وزارة الكهرباء لان مرتباتها عالية وفي نفس الوقت هي شركة وزارة الكهرباء شريك ليها واحنا في الشغل كتير بنقابل مشاكل في المحطات بسبب اخطاء العاملين على المشروع من مقاولين او استشاري او من شركتنا لان القيادات "بتغض الطرف" عن اخطاء بجسكو السبب الرابع هي عدم الاهتمام بالصيانة الدورية للمعدات وانما بيسيبوها شغالة مادام شغالة وطبعا ممكن الحاجة تكون كويسة في الشتاء ويرفضوا توقيفها للصيانة والكشف وتيجي في الصيف تظهر اثار كده وطبعا مش حتوقف حاجة لانك في حاجة لكل طاقة خارجة من المحطة في الصيف

طبعا مع كامل احترامى لحضرتك فى حاجتين عايز أضيفهم:
1- ضغط الغاز حاليا كويس و مش بيأثر على الوحدات
2-إستلام الوحدات الجديدة أقسم بالله فى بلاوى و مصايب كانت بتحصل قدامنا و كان استلام الوحدات كان بيتم بالأمر المباشر بغض النظر عن المشاكل اللى مطلعة عنينا كمهندسين الأن و ده مخلينا تحت ضغط رهيب و مسؤولية إنك لازم تشتغل على الوحدات دى و محدش بيقول إن دى وحدات عايزة الحرق
بالعربى كده عايزنا نعمل من الفسيخ شربات
أخر حاجة إن الوزير كداب جدا و كمان رئيس الشركة القابضة زيه و إحنا يا ريقنا نشف من التحذير من المصيبة الكبيرة اللى ممكن تحصل وهى الإظلام التام

[desiel]

المشاركة الأصلية كتبت بواسطة kashtoot طبعا مع كامل احترامى لحضرتك فى حاجتين عايز أضيفهم: 1- ضغط الغاز حاليا كويس و مش بيأثر على الوحدات 2-إستلام الوحدات الجديدة أقسم بالله فى بلاوى و مصايب كانت بتحصل قدامنا و كان استلام الوحدات كان بيتم بالأمر المباشر بغض النظر عن المشاكل اللى مطلعة عنينا كمهندسين الأن و ده مخلينا تحت ضغط رهيب و مسؤولية إنك لازم تشتغل على الوحدات دى و محدش بيقول إن دى وحدات عايزة الحرق بالعربى كده عايزنا نعمل من الفسيخ شربات أخر حاجة إن الوزير كداب جدا و كمان رئيس الشركة القابضة زيه و إحنا يا ريقنا نشف من التحذير من المصيبة الكبيرة اللى ممكن تحصل وهى الإظلام التام

انا اعرف محطات كاملة مخفضة أحمالها بسبب ضغط الغاز وده مش مجرد كلام من مكتب فلان او علان ده من مكالمات تليفونية مع زملائي في المحطات

[ahmed_eng2001]

المشاركة الأصلية كتبت بواسطة sayed2077 طيب لو سمحتم عاوز اسئلكم سؤال هو بكام مولد كهرباء يتحمل جهاز تكيف وجهاز تلفزيون و ثلاجه ومصباح ياترى هتكون قدرته قد ايه وسعره حوالى كام لانى بفكر اجيبه جداااا ايه رائيكم فى الفكرة ديه؟؟؟

الفكرة عجبانى جدا و ان شاء الله انا ناوى اشترى مولد صغير ....
معلوماتى البسيطة عن المولدات ( يا ريت لو فى حد عنده معلومات اكتر يفيدنا )

..... المولدات بتتقاس بالكيلو وات ...
الوات = الفولت x امبير ..... على سبيل المثال ..... التكييف الى عند حضرتك 220 فولت و بيحتاج 5 امبير مثلا فى بداية العمل ... يبقى بيستهلك 1100 وات .... يعنى حضرتك عاوز تقريبا مولد 2 كيلو وات للتكييف بس ....
و فى الغالب المكيفات اكبر حمل كهربى فى البيت

بلنسبة للأسعار ... المولد الـ 50 كيلو وات .... بـ 50 الف جنيه
ز الـ 100 كيلو وات بــ 100 الف جنيه ..... دى اسعار المولدات الجديدة !!!!!!

انا بدور على مولد ميكونش جديد ... يكون مستعمل و حالته نظيفة

[ahmed_eng2001]

المشاركة الأصلية كتبت بواسطة kashtoot طبعا مع كامل احترامى لحضرتك فى حاجتين عايز أضيفهم: 1- ضغط الغاز حاليا كويس و مش بيأثر على الوحدات 2-إستلام الوحدات الجديدة أقسم بالله فى بلاوى و مصايب كانت بتحصل قدامنا و كان استلام الوحدات كان بيتم بالأمر المباشر بغض النظر عن المشاكل اللى مطلعة عنينا كمهندسين الأن و ده مخلينا تحت ضغط رهيب و مسؤولية إنك لازم تشتغل على الوحدات دى و محدش بيقول إن دى وحدات عايزة الحرق بالعربى كده عايزنا نعمل من الفسيخ شربات أخر حاجة إن الوزير كداب جدا و كمان رئيس الشركة القابضة زيه و إحنا يا ريقنا نشف من التحذير من المصيبة الكبيرة اللى ممكن تحصل وهى الإظلام التام

طيب و يحصل ايه لو حصل الاظلام التام ؟؟ امتى يمكن التيار يرجع تانى ؟ و ايه احتمالات ان ده يحصل ؟؟؟؟