انا هولع في نفسي لو محدش رد علي سرالي عن الفابيا

[Tota El Masry]

أستخير ربنا و بلاش تولع في روحك يا فندم
حتكون بكده خسرت
الدنيا
الآخرة
الورثة حيتمتعوا بفلوس العربية أو يفرتكوا شقى العمر
مصر موتورز حتخسر عضو عزيز زي حضرتك
الأوروبي و لو غالي و سوقه وحش لكن معمر الإيبزا ممتازة و البولو أكثر من ممتازة
الكليو تحفة حقيقية
أعقلها و استخير ربنا و توكل و سيبك من كلام الناس
أنا لفيت على كل التوكيلات في مصر و لله الحمد أغلبهم محترم للغاية
و حجزت عربية و مشيت في إجراءاتها بدون استخارة
غليت الحجز و عيني طلعت في استرداد المقدم
و لما حجزت عربيتي
نويت على لون غير إللي استخرت ربنا عليه
رحت حجزت لون تاني
و استلمت لون ثالث
استخير ربنا و أمشي و را الاستخارة بعد المنطق
بالتوفيق بأمر الله

[mohamed.89]

المشاركة الأصلية كتبت بواسطة eng.salama95 بص يا باشا الفابيا ال 3 سلندر مش حلوه و هقولك نصيحه خليك ف العربيات اللي السوق بيطلبها يعني العربيات اللي ليها سوق ف البيع و الشراء و ليها قطع غيار بإختصار عربيات متداوله و مش معني كدا ان باقي العربيات اللي مش منتشره انها مش حلوه بالعكس تماما في عربيات مش منتشره و احسن من عربيات كتير موجوده ف السوق eNg.salama

الف شكر يا بشمهندس
انا عارف ان العربيه مش منتشره انما انا بفكر عربيه تعد معايا شويه مش هبيعها دلوقت اساسا
وسمعت ان الالماني نضيف في استحماله وقطع غياره
وعارف ان الدايو و الاكسنت و الهيونداي منتشره بكتير انما انا مش حاببهم نوهائي
الفابيا اللي ادامي 1400 خلاص انا صرفت نظر عن ال 1200

[mohamed.89]

المشاركة الأصلية كتبت بواسطة Tota El Masry أستخير ربنا و بلاش تولع في روحك يا فندم حتكون بكده خسرت الدنيا الآخرة الورثة حيتمتعوا بفلوس العربية أو يفرتكوا شقى العمر مصر موتورز حتخسر عضو عزيز زي حضرتك الأوروبي و لو غالي و سوقه وحش لكن معمر الإيبزا ممتازة و البولو أكثر من ممتازة الكليو تحفة حقيقية أعقلها و استخير ربنا و توكل و سيبك من كلام الناس أنا لفيت على كل التوكيلات في مصر و لله الحمد أغلبهم محترم للغاية و حجزت عربية و مشيت في إجراءاتها بدون استخارة غليت الحجز و عيني طلعت في استرداد المقدم و لما حجزت عربيتي نويت على لون غير إللي استخرت ربنا عليه رحت حجزت لون تاني و استلمت لون ثالث استخير ربنا و أمشي و را الاستخارة بعد المنطق بالتوفيق بأمر الله

معاكي حق خلاص انتي نبهتيني للنقطه دي اولع انا ويهيصو هما بالفلوس

[Tota El Masry]

المشاركة الأصلية كتبت بواسطة mohamed.89 معاكي حق خلاص انتي نبهتيني للنقطه دي اولع انا ويهيصو هما بالفلوس

ربنا يخلي حضرتك ليهم و يصلح حالنا جميعاً
اعقلها و أستخير ربنا و توكل
والله لو العربية فيها غيه ممكن بحسن الظن ربنا يكرمك بعربية منتهى الجمال و مافيهاش مسمار واحد مش في مكانه

شوف ملاك كل عربية بيقولوا عنها إيه و عاين بنفسك و سوق و جرب و حس بالفرق على الدركسيون و بالتوفيق إن شاء الله

[M.Sami el adham]

بص الفابيا ما اكثر قطع غيارها فى الحرفيين .. بالعبيط والله و فى شارع دمشق بردو ... بص واحد صحبى معاه بولو 2001 ممتااااااااااااازة , لو تعرف تجيبها , لو خلاص فابيا يبقى توكل على الله عربية جميلة جدا .. و اللى بيشتغل فى VW بيشتغل فى سكودا و ما اكثرهم فى الحرفيين ..بالتوفيق