النهارضة و انا مسافر شوفت حاجات غريبة ؟؟

[zing0]

رأيى من زمان زى ما الأخوه هنا قالوا....
عدم الإهتمام و متابعة الصيانه
فى ناس معاها عربيات أحدث موديل و أوبشنز و .... و هو آخر مرة فتح فيها الكبوت كان يوم الشراء, أكيد لما العربيه تعلمه الأدب يبقى ليها حق
- أحد أقاربى معاه BYD موديل 2012 و عطلت بيه و أسرته فى طريق شرم, و ما أدراك ما طريق شرم.
- فى نفس الوقت واحد صاحبى راح بعربيته الـ 128 المنيا رايح جاى فى نفس اليوم و لا عملت معاه أى قلة أصل.
و أخ من المنتدى راح بعربيته لادا لحد الغردقه ما شاء الله و تمام, الناس دى أكيد قبل ما بتفتح باب العربية بتفتح الكبوت و تطمن و تشوف العربية محتاجه إيه؟ أى صوت غريب أى رائحه أى .... على طول تلاقى إهتمام.ربنا يهنيهم و يمتعهم بخيرها و يبعد عنهم شرها و البركه من الله

[eng/walaaeldeen]

السلام عليكم
الحمد لله انك بتشوف عربيات عطلانه بس
انا كل ما اطلع على طريق السفر بشوف حوادث بالأضافه للسيارات العطلانه
والواحد بيخاف يقف لأي واحد ليطلع ابن حرام قاطع طريق
ربنا يسترها على الى في الطريق
والله المستعان

[Oussama]

المشاركة الأصلية كتبت بواسطة Elsebily انا شايف انها حاجه عاديه لاني اي عربيه صاحبها مبيهتمش بيها هتبقي كده اكيد أنا فيه ناس اعرفها بتجيب عربيات جديده ومتدفعش ولا مليم ولا صيانه ولا غيره وبعد سنتين ولا تلاته يبيعوها وياعيني الراجل اللي بعدهم اكيد هو اللي هيتحمل كل المشاكل اللي هتحصل لكن النترا 2012 دي ملحقتش حتي مواعيد صيانتها عطلت ازاي

و الله يا باشا انا شوفت عربيات مركات زى الفل و سعرها فى السوق غاليين و حاجة محترمة و عطلانة و صحبها واقف جنبها

[Oussama]

المشاركة الأصلية كتبت بواسطة mr_astra ببساطة ربنا مش مبارك لان معظم العربيات جاية قسط بنكى

ربنا بيدى كل واحد على قد نيته و ربنا يتولانا برحمته

المشاركة الأصلية كتبت بواسطة Hisham.Elgazzar إمبارح أساسا كان يوم غير عادى ونا واقف فى الظل كان القميص والهدوم اللى معايا يتعصروا كوباية المياه تشربها من هنا تطلع عرق زى المصفاه بالظبط العربيات كمان كانت بتسخن بطريقة غير عادية حتى لو هيا اساسا فى العادى مابتسخنش حتى فى الطوالى لما طلعت على الطريق كانت العربية بتسخن مع ان المفروض ان الهوا بيضرب فى الردياتير لكن المراوح فضلت شغالة لأطول مدة من ساعة ماجبت العربية وطبعا انت عارف التكييف أساسا بيسخن اى عربية يبقى بتوع النترا 2012 معزورين وحرارة الأسفلت على الطريق تفور اى كاوتش حتى لو كاوتشك زيرو بمجرد ماتطلع على الطريق وتمشى بسرعة الحرارة بتهلك الكاوتش الزيرو وتخليه نص عمر مابالك بكاوتش أساسا نص عمر يبقى اه اللى هيحصل رمضان كريم

ربنا يستر على كل اللى سايق على الطريق

المشاركة الأصلية كتبت بواسطة kbarema - بصوا بقي اول ماركبت ركبت 128 موديل 98 وكانت مكيفه وياما وقفتنى علي الطريق برغم انى كنت بصرف عليها لكن هي الفيات كده - وبعدين شاهين 2003 مكيفه وبرضوا عطلت كتير وانا مسافر وبرضوا هي كده - بعدها دايو 2008 كانت بنت حلال مش بتاعت اعطال بس مش قويه - بعدها لانسر 2009 تقريبا عمرها ما وقفت بالرغم من انها ساعات تعمل 1000 كيلو في يوم واحد حر وتكييف وسفر وزحمه ووزن في العربيه لكن لانسر دى حاجه تانيه ربنا يحميها لسه مع اخويا . - وبعدين كيا سيفيا 1999 اتو اول ما اشترتها فورت كل حاجه فيها وغيرت كل ما يمكن تغيره وعمرها ماعطلت كنت مظبتها وندمان انى بعتها . - ودلوقت معايا النترا 2012 عامله 3000 كم متخيلتش اصلا انها ممكن تقف موضوع السخونيه ده لو انت دوره الميه عندك سليمه انساه حتى لو درجه حرارة الجو 50 وموضوع الكاوتش ده نسبى حسب حالته لكن فيه ناس مهمله فعلا تلاقى بى ام فوق 2005 وعطلانه مش عيب عربيه بس صحابها مهمل مش بيبص حتى عليها

ربنا يخليهالك يا باشا بس انا شوفت الانترا واقفة امبارح و صحبها واقف جنبها ... منظر مكنش تمام خااالص

المشاركة الأصلية كتبت بواسطة محمد اشرف دى غلطة الناس كل واحد يجبله عربيه يرميها ولا بيهتم بيها الا الى بيحب عربيته بس هو الى بيحافظ بيها اما الى انتا شفته دول جيبين عربيات من الفخمه عشان الناس تبص عليها وتعجبها خليهم يشوفوا بس بئه ويجربوا الى ميحفظ ولا الى بيحب عربيته يحصل فيها ايه

انا بصراحة واخد الموضوع ده على اساس اننا بشر و كلنا بنغلط و فى اى حاجة

[Oussama]

المشاركة الأصلية كتبت بواسطة zing0 رأيى من زمان زى ما الأخوه هنا قالوا.... عدم الإهتمام و متابعة الصيانه فى ناس معاها عربيات أحدث موديل و أوبشنز و .... و هو آخر مرة فتح فيها الكبوت كان يوم الشراء, أكيد لما العربيه تعلمه الأدب يبقى ليها حق - أحد أقاربى معاه BYD موديل 2012 و عطلت بيه و أسرته فى طريق شرم, و ما أدراك ما طريق شرم. - فى نفس الوقت واحد صاحبى راح بعربيته الـ 128 المنيا رايح جاى فى نفس اليوم و لا عملت معاه أى قلة أصل. و أخ من المنتدى راح بعربيته لادا لحد الغردقه ما شاء الله و تمام, الناس دى أكيد قبل ما بتفتح باب العربية بتفتح الكبوت و تطمن و تشوف العربية محتاجه إيه؟ أى صوت غريب أى رائحه أى .... على طول تلاقى إهتمام.ربنا يهنيهم و يمتعهم بخيرها و يبعد عنهم شرها و البركه من الله

و الله يا باشا انا مستغرب من الناس دى ... طاب ما كان راح جاب عربية اقتصادية و وفر على نفسة الفلوس اللى دفعها كلها علشان يعرف يعمل صيانة لعربيتة .... ناااااس اووووفر خااالص

المشاركة الأصلية كتبت بواسطة مشمش1 السلام عليكم الحمد لله انك بتشوف عربيات عطلانه بس انا كل ما اطلع على طريق السفر بشوف حوادث بالأضافه للسيارات العطلانه والواحد بيخاف يقف لأي واحد ليطلع ابن حرام قاطع طريق ربنا يسترها على الى في الطريق والله المستعان

ربنا يستر يا باشا بجد الواحد بيشوف مناظر ميحبش يشفها لاى حد خاااالص