مناقشة الفرق بين الهواه و المحترفين

[MosTafaFox]

معلش سؤال ممكن يكون غبى ازاى واحد مش دارس ميكانيكا يقدر يعرف مشاكل العربية او يفهم فى اعطالها يعنى ديه بتيجى من استخدام العربية لفترة وفيه كورسات ولا ايptmnlo123per1127ه

[hazem_khidr]

بتيجي من الوقفه عند الصنايعيه و المرمطه يا استاذ مصطفي
انا عمري ما سيبت العربيه عند صنايعي و مشيت و رجعت اخدها متصلحه
ايدي علي ايده لحد ما فهمت كل حاجه و لسه بتعلم لحد انهارده

[Nissan]

كلام جميل و كلام معقول مقدرش أقول حاجة عنه
سامح باشا
بعتذر بالنيابة عن الزملا فى هيونداى عن الخطأ اللى أكيد غير مقصود و بقول أكيد الخطأ وادر فى التوكيل و كمان وارد من المصنع زى ما فى قطع غيار كتير جدا بتتغير فى الضمان عيب صناعة لعربيات تمنها بيعدى المليون جنيه ( و انا غيرت طلبمات بنزين ضمان لعربيات بى إم دبليو الفئة السابعة)
يعنى الخطأ وارد عشان البشر بطبعه خطأ لكن فى فرق بين خطأ غير مقصود و جهل متعمد و الموضوع مش قصة كهربا بس زى ما الأخوة بيقولوا العفشة كمان مهمة جدا لو قطعة مش مطابقة للمواصفات ركبت أكيد هتعمل مشكلة و خصوصا على السرعات العالية و شوفت عربيات معمولة سمكرة و دهان و شغل فى العفشة برة ( خارج مركز الخدمة) و بأمانة أصحابها صعبو عليا
الشىء المحترم فى مركز الخدمة إنه بيتحمل نتيجة خطاه بمنتهى الأدب و الإعتراف بالخطأ و بيعمل المطلوب من غير ما تدفع ولا مليم زى ما حصل معاك يا سامح لكن لو ميكانيكى غلط العميل اللى بيشيل الليلة

[MKN]

المشاركة الأصلية كتبت بواسطة Nissan كلام جميل و كلام معقول مقدرش أقول حاجة عنه سامح باشا بعتذر بالنيابة عن الزملا فى هيونداى عن الخطأ اللى أكيد غير مقصود و بقول أكيد الخطأ وادر فى التوكيل و كمان وارد من المصنع زى ما فى قطع غيار كتير جدا بتتغير فى الضمان عيب صناعة لعربيات تمنها بيعدى المليون جنيه ( و انا غيرت طلبمات بنزين ضمان لعربيات بى إم دبليو الفئة السابعة) يعنى الخطأ وارد عشان البشر بطبعه خطأ لكن فى فرق بين خطأ غير مقصود و جهل متعمد و الموضوع مش قصة كهربا بس زى ما الأخوة بيقولوا العفشة كمان مهمة جدا لو قطعة مش مطابقة للمواصفات ركبت أكيد هتعمل مشكلة و خصوصا على السرعات العالية و شوفت عربيات معمولة سمكرة و دهان و شغل فى العفشة برة ( خارج مركز الخدمة) و بأمانة أصحابها صعبو عليا الشىء المحترم فى مركز الخدمة إنه بيتحمل نتيجة خطاه بمنتهى الأدب و الإعتراف بالخطأ و بيعمل المطلوب من غير ما تدفع ولا مليم زى ما حصل معاك يا سامح لكن لو ميكانيكى غلط العميل اللى بيشيل الليلة

------------------------------------------------------------------------------------------------------
اهم نقطة فى صيانة التوكيل الجملة الاخيرة. فعلا لو ميكانيكى عمل اى حاجة غلط و العربية حاجة باظت فبها عمرة ما هيتحمل مليم و صاحب العربية هيدفع تانى لتصحيح خطا الميكانيكى. اما التوكيل لو اخطا هيتحمل نتيجة خطئة

[Nour_peugeot]

انا عن نفسي من كتر الحم لله تجاربي معا العربيه بتاعتنا بذات بقيت بعرف العيب قبل حدوثه و في اغلب الاوقات بعالجه بنفسي عربيتنا مرحتش التوكيل غير مره اول ما اشترناها و بع كده لينا ان الصنايعيه بتوع التوكيل كلهم شغالين بره

فبقينا نتعامل معا الصنايعيه علطول و اريح و اوفر

و كده كده لما بعمل حاجه في العربيه انا بشيك علي كل حاجه تاني للامان مش اكتر

و ه احسنلي في كذا حاجه

و بايد بشده صيانه العربيات الفيها كمبيوتر في التوكيل او العربيات المعقده علي الاقل اضمن