صني ولا البومه ولا النترا؟

[aymanlaw]

اعتقد ان الثلاثة سيارات محترمين لكن لو عايز رأى المتواضع يبقى كل الى هتعمله حضرتك انك تأخذ جولة داخل المنتدى فى اقسام الثلاثة سيارات وتتعرف على عيوب ومزاية كل سيارة منهم وعلى ضوء ذلك سوف تكون رأيك المحايد دونما الأعتماد على الأراء العاطفية من السادة ملاك السيارت الثلاثة التى سوف تعتمد على حبهم للسيارة لأنهم مالكين لها وكل واحد شايق ان اختياره هو الأصح ---تقبل تحياتى وربنا يوفقك فى اختيارك ونقول لحضرتك مبروك مقدماً : 1463B6~153:

[memo.mmmm]

المشاركة الأصلية كتبت بواسطة aymanlaw اعتقد ان الثلاثة سيارات محترمين لكن لو عايز رأى المتواضع يبقى كل الى هتعمله حضرتك انك تأخذ جولة داخل المنتدى فى اقسام الثلاثة سيارات وتتعرف على عيوب ومزاية كل سيارة منهم وعلى ضوء ذلك سوف تكون رأيك المحايد دونما الأعتماد على الأراء العاطفية من السادة ملاك السيارت الثلاثة التى سوف تعتمد على حبهم للسيارة لأنهم مالكين لها وكل واحد شايق ان اختياره هو الأصح ---تقبل تحياتى وربنا يوفقك فى اختيارك ونقول لحضرتك مبروك مقدماً : 1463B6~153:

انا عملت فعلا كده وقريت في الاقسام المختلفه عن ال3 عربيات بس كل ما اقرا ازداد حيره اكتروعرفت اغلب مميزات و مساوء التلاته .
يعني الالنترا شكلها عاجبني وفخامه من جوه ومن بره اللي مخوفني انها واطيه في مطبات مصر والواحد هيخاف عليه في شوارع مصر والزحمه والفوانيس بتاعتها علي اد ماهي جميله جدا علي قد ماالواحد هيخاف عليها في الركنه. وقطع الغيار محدش عارف اخبارها ايه؟ موضوع الثبات في السرعه فا انا مش ناوي ازيد عن 120 و انا سمعت انها ثابته في السرعه لغايه170
اما البومه مميزاتها انها وزن وثبات وكل حاجه . عيبها الوحيد الشكل القديم جدا من جوه ومن بره و الدلع قليل فيها.
اما النيسان ميزتها انها فعلا بين الاثنين يعني تستحمل لكن الدلع اللي فيها اقل من الالنترا وشكلها مش حلو اوي.
الحيره زادت ياريت مساعدتكم ليا

[memo.mmmm]

انا عايز اعرف ارائكم الشخصيه

[aymanlaw]

طيب عايز عربية ذات شكل عصرى ورياضى فى المقام الأول ولاعربية اوتوماتيك بغض النظر عن شكلها --طيب انت بتقول ان الفلوس فى الألنترا مش هتجيب إلا المانيول ,يبقى لو عايز عربية شكل جميل وجديد يبقى النترا 2012 ,ولو مركز على الأداء ويكون اوتوماتيك يبقى مفيش امامك غير الصنى لأنك مش هاضم شكل اللانسر الخارجى ولاتصميمها الداخلى ,انا عن نفسى لو هشترى هشترى الألنترا لكونها جديدة كلياً كاشكل وموتور وهتغاضى عن الفتيس وإن كان الفتيس المانيول مشاكله قليلة عن الأوتوماتيك وهتكون دى الحجة التى هتجعلنى كمان اشتريها مانيول ولكن اذا كنت قادر على تقسيط بقية ثمن الأوتوماتيك فى الألنترا يبقى ادفع المبلغ كله كامقدم واقسط الباقى ولون مش عارف الباقى كام يعنى الفرق كام بيت المانيول والأوتوماتيك ,وانا عن نفسى افضل الألنترا وهذا ليس عيباً فى السيارتين الأخيرتين ولكن هذا ذوقى فى الأختيار ---ولك ان تختار وربنا يوفقك

[memo.mmmm]

الفرق في حدود 10000
يعني المانيوال 116000 و الاوتوماتيك 126000