الواحد خلاص تعب من شوارع مصر الي بهدلت العربية

[Vanditta]

انابعيداعن الطرق المدغدغة والجبال اللى بيسموها مطبات والبلاعات اللى فى نص الشارع
اكتر حاجتين بيخنقونى
1- عيون القطة بقى جسمى بيقشعر كل اما اشوفها من كتر اللى بتعملة فى العربية
2-مفصلات الكبارى اللى الاسفلت هبط من حواليها وبقت بارزة ولا حد سائل فيها وتيجى تمشى عليها تحس ان العربية بتتنطط وهاتتقلب من على الكوبرى

فعلا عشان تمشى مرتاح فى شوارع مصر عايز يأما عربية هامر يأما هلوكوبتر

[حمادة ونور]

انا بفكر اجيب ان شاء الله منطاد جوى

[أيمن الروبي]

الحكومه محسسه الواحد ان الطريق علشان يكون نضيف ده اختراع غير عادي حاجه تقرف انا كل يوم رايح جاي علي كوبري اكتوبر لحد ما العربيه خلاص بتقولي ارحمني من قرف الكوبري ده
هو الاسفلت علشان يكون نضيف والفواصل علشان متكونش بارزه هو ده اختراع صعب مع ان عندنا المقاولين العرب وحسن علام وشركات تانيه
يارب ارحمنا بقي
دي المساعدين الاستيراد بيكون عدي عليها 30 سنه ولسه سليمه

[yasinzain2012]

حسبنا الله ونعم الوكيل فى كل واحد مسئول عن هذه الشوراع ادعوا معى

[lord_diago]

المشاركة الأصلية كتبت بواسطة Vanditta انابعيداعن الطرق المدغدغة والجبال اللى بيسموها مطبات والبلاعات اللى فى نص الشارع اكتر حاجتين بيخنقونى 1- عيون القطة بقى جسمى بيقشعر كل اما اشوفها من كتر اللى بتعملة فى العربية 2-مفصلات الكبارى اللى الاسفلت هبط من حواليها وبقت بارزة ولا حد سائل فيها وتيجى تمشى عليها تحس ان العربية بتتنطط وهاتتقلب من على الكوبرى فعلا عشان تمشى مرتاح فى شوارع مصر عايز يأما عربية هامر يأما هلوكوبتر

معاك حق والله فعلا موضوع عيون القطة وفواصل الكباري دي مشكلة تانية خالص وللاسف انها اخطر من الشوارع المكسرة لانك مضطر انك تاخدها علي سرعتك مش هينفع علي الهادي