#11
|
||||
|
||||
رد: الرقص مع الكلاب ... مع الاعتذار لكيفين كوستنر
الحل من عند ربنا وادينا بنكافح في انتظار الرئيس...
وعموما انا ضد فكره اقتحام وزاره الدفاع.... يعني اهم مؤسه وفيها اسرار البلد وعايزين يقتحموها؟؟؟ اعتقد ان ديت حركه من الفلول ومن طره ورساله بيوجهوها للمجلس العسكري اللي الظاهر باعهم للقضاء...وده غير ما توقعوا..
__________________
وأتت ملائكة النعيم كما روت* روحي بطون أكفها خضراء* صعدت بروحك والعبير يحفها* والنور ترسم دربه الأنواء* شرقت حشاشات النحيب وأينعت* وشوى الأنين قلوبنا فتفطرت*خلف الجفون دموعنا الخرساء* أكبادنا فبكاؤنا إيماء*
|
#12
|
||||
|
||||
رد: الرقص مع الكلاب ... مع الاعتذار لكيفين كوستنر
وعلى فكره موقفى من اولاد ابو اسماعيل معروف فى اكثر من موضوع وموقفى الرافض لاعتصام العباسية معروف برضو وكل ده ميخلينيش اقبل - فض اعتصام سلمى بالقوة / استخدام العنف عموماً ضد متظاهر سلمى - التعتيم الاعلامى والتنكيل بالصحفيين والاطقم الاخبارية - اعتقال اكثر من 300 مواطن مدنى (عاطل مع باطل) وتقديمهم لمحاكمة عسكرية وما خفى كان اعظم بالطبع بس نقول ايه بعد اللى كان صار يلا الحساب يجمع بعد تسليم السلطة .. ده ان اتسلمت |
#13
|
رد: الرقص مع الكلاب ... مع الاعتذار لكيفين كوستنر
الاعتصام يا ابو نورا مكنش سلمى واندست عناصر التخريب بتاعة كل مرة فى النص وحدفوا طوب ومولتوف والمكان حساس ومن حقهم تأمين مربع المكان من كل الاتجاهات وده تكتيك عسكرى فى التأمين
انا متفق معاك ان استخدام العنف ضد المدنيين مرفوض ومحدش يرضى بيه بس ده لو الاعتصام تم فى الحدود المسموح به دون وجود عناصر تخريبية وسط المتظاهرين ودى مشكلة متظاهرى العباسية انهم معملوش لجان شعبية اضف الى ذلك كراهية معظم اهالى العباسية لهم والمعارك الضارية التى تمت بينهم على مدار الايام الماضية ومتنساش احداث وول ستريت فى اميريكا كان فيها سحل وعنف من غير ما المتظاهرين يحدفوا طوب او ملوتوف ولابد جميعا ان نتفق على ان هيبة الدولة ومنشآتها يجب الحفاظ عليها والالتزام بالقانون علشان نحصل الامم المتحضرة بقدر الامكان
__________________
لا اله الا الله ..... محمد رسول الله
سبحان الله وبحمده عدد خلقه ورضا نفسه وزنة عرشه ومداد كلماته وصلى اللهم على سيدنا محمد وعلى آله وصحبه وسلم |
#14
|
||||
|
||||
رد: الرقص مع الكلاب ... مع الاعتذار لكيفين كوستنر
بكل الاعراف الموجوده فى الدنيا حق الدفاع عن النفس من حق المتظاهر يدافع عن نفسه ومن حق الجندى يدافع عن نفسه بس مين بدأ الهجوم وايه اسباب الهجوم يعنى اللى رمى طوب هو المهاجم ولا اللى رش المياه فى الاول مين هاجم مين ولمعلوماتى ان فى اليوم ده القتيل ونحتسبه عند الله شهيد مجند صاعقه مصرى من السلاله البشريه
وبعدين مين قال انى ضد الثوره وضد الاعتصام لمجرد ابداء رأى انا ضد جر الشكل وبعدين اقول انضربت وانا اعزل أ نا ضد ان البلطجيه يقتلوا المعتصمين ونسيبهم ونلزقها فى غيرهم لاننا بنكرهم ومش هنحبهم مهما حصل لاننا ركعنا الشرطه ولازم نركع الجيش ونركع البلد كلها ياناس اعتصموا واتظاهروا وطالبوا بالحق والمستطاع منفعش عصام شرف هاتوا اللى بعده ده مش على مزاج الكل يبقى يمشى واحد يسقط فى الانتخابات يبقى الانتخابات مزوره واحد يستبعد نهدمها على دماغ الكل العمال اعتصام الشرطه اعتصام هى الحريه دلوقت اعتصم ووقف الدنياعايزين (مطالب الناس دلوقت عايزين حصانه نشتم اى حد فى البلد ونمشى عكس الاتجاه ونشيل اى راس متعجبنيش واولع فى أى مكان وأى حد ومحدش يحاسبنىاواللى يخالفنى اضربه بالجزمه ولما الدنيا تولع اقول سلميه وغصب عن اى حد لازم يصدقنى هى سلميه حريه بقى هى دى الديموقراطيه اللى اغلب المصرين عارفينها دلوقت )يا جماعه عايزين البلد تمشى لحد مانشوف هتتسلم لرئيس ولا لا ولو متسلمتش هنخلى عاليها واطيها عليهم العمليه اسابيع بنتنفخ بقالنا سنه ونص خلاااااااص هنفرقع على اسابيع حاجه تجن واللى بيقول انى ضد الثوره وضد الاعتصام الحمد لله الدنيا كلها تشهد لنا المحلاويه وبلا فخر هم الشراره الاولى المحلاويه البلد الوحيده اللى صمدت للدوله البوليسيه 3 ايام فى 6 ابريل 2008 وده تقريبا ماحصلش فى أى مدينه تانيه واتلمت الليله فى ساعتين فى مصر كلها ومش لازم اقول عملت وعملت أقسم بالله العظيم الخرطوش ماكان يعرف هو رايح لمين وصديقى اخدها بين عينيه ولفينا البلد بيه علشان نعالجه بعيد عن المستشفيات لانهم كلبشوا كل مصاب فى سريره لكن ا اناللأسف لم انول شرف الاصابه هى اختارته وكتفه كان فى كتفى وممكن كان واقف ورايا !!!مهو انا كنت متوقع كده لازم اكون ضد الثوار والاعتصام وبعدين مش عارف افهم وبعدين القادم افظع واخرس بقى ياعم طارق ومتصدعناش خلاص ياجماعه انا هخرص خالص زى الاول واتفرج واتعلم يمكن اغير رأيى لانى بجد وبعترف معدتش فاهم حاجه ومين الصح ومين الغلط كامل التقدير للجميع |
#15
|
|||
|
|||
رد: الرقص مع الكلاب ... مع الاعتذار لكيفين كوستنر
لابد ان نحيى المجلس على مواقفه لان من احد الاسباب الرئيسيه فى نجاح الثوره وقوف المجلس والمؤسسه العسكريه بجانب الشعب ولو كان موقفهم موقف الجيش السورى اديكو شايفين الصورة خير دليل لكن اتمنى لهم كل التوفيق والامتنان على كل مواقفهم رغم انى احد المتأثرين ببعض القرارات لكن متحمل وبقول بردو بكره افضل لانى بعمل فى الاعلام وكل مؤسستى مليئه بالمتناقضات من جراء رئيس مجلس اداره غير مهنى بالمره ولكن كلنا متحملين الوضع عشان ربنا يكرم وتتسلم السلطه ويحدث التغير ويتم تطهير الاعلام وتنهض الصحف وتتعافى ولكن لابد ان نسمع بعض ونفهم الاخر ولكن مش بطريقه ولاد ابو ده ولا ابو ده
|
|
|