بدأت اخاف من السواقة

[حمادة ونور]

المشاركة الأصلية كتبت بواسطة Vanditta بصراحة السواقة فى مصر تخوف التنين تبقى ماشى فى امان الله وتلاقى اللى جاى عكس واللى بيعدى الطريق من غير ما يبص واللى بيعديك من اليمين فى شارع ضلمة من غير مايقلبلك نور ولا حتى كلاكس وبستر ربنا ودعاء الحاجة تكتشفة بعد ما يعدى من جنبك والتكاتك اللى العيال الصغيرة سايقاها بتهور وماشية فى نص الطريق والطرق المدغدغة اللى تخليك تخاف تجرى شوية لا تلبس مطب ولا حفرة دة كلو طبعا غير الزحمة المبالغ فيها اللى تنرفزك من غير ماتحس دة غير الاسلوب الهمجى فى السواقة من كتير من الناس تلاقيهم واخدينها عافية ويكسر عليك ويرمى بوز العربية قدامك ويعديك ولو سوقت بأحترام وراعيت اصول الطريق هتلاقى اللى وراك هاريك كلاكسات وشوية شوية يسبلك ال .....تيت يا راجل دة فية ميادين ماتبقاش عارف مين رايح فين ولا مين جاى منين وبتبقى السواقة فيها اشبة بفيلم رعب اماتلاقى اوتوبيس جاى فى وشك على مكروباص من يمينك على نص نقل وراك وقدامك كارو وفى جنابك فزب وموتسيكلات وماتعرفش مين بيكلكس لمين ولا مين بيشتم مين ولا مين عايز يروح فين كل دة ومش عايز تخاف الكلام دة عندنا فى القاهرة ماعرفش فى الاسكندرية اية النظام عندكو بس على العموم أ ب سواقة فى مصر البروووووووووود وتقبل مرورى

يا استاذ انتا جبت المفيد وهو ده اللى خلانى اكره حاجة اسمها سواقة واسكندرية زى القاهرة بالظبط فى السواقة وانا مش بعرف اهدى اعصابى يعنى حاسس انى لو سوقت كمان يومين يبقى انا هقتل او هتقتل

[Hafdl21]

المشاركة الأصلية كتبت بواسطة Vanditta يا راجل دة فية ميادين ماتبقاش عارف مين رايح فين ولا مين جاى منين وبتبقى السواقة فيها اشبة بفيلم رعب اماتلاقى اوتوبيس جاى فى وشك على مكروباص من يمينك على نص نقل وراك وقدامك كارو وفى جنابك فزب وموتسيكلات وماتعرفش مين بيكلكس لمين ولا مين بيشتم مين ولا مين عايز يروح فين كل دة ومش عايز تخاف الكلام دة عندنا فى القاهرة ماعرفش فى الاسكندرية اية النظام عندكو بس على العموم أ ب سواقة فى مصر البروووووووووود وتقبل مرورى

ههههههههههههههههههههههههه هههههههههه
وصفك للموقف جااااامد :D
مش قادر ابطل ضحك


وبعدين يا حماده انتا بسم الله ما شاء الله معاك لادا
يعني امشي انتا صح بس وسيبك من اللي حواليك خالص
اللي هيخبطك هوا اللي هيزعل

[ahmed el gendy]

بص يا باشا السواقه ما هي الا ممارسه وبس انت ف الاول هتخاف تحك وهتبقي دايما قلقان لكن مع مرور الوقت هتلاقي نفسك بتسوق ف اضيق حته وانت ممكن تكون سرحان او مش مركز ميه ف الميه يعني لانك خلاص اتعودت علي ابعاد العربيه ومن بعيد تعرف الحته الضيقه دي هتكفيك ولا لا
الفكره كلها تعرف ازاي تتحرك بالعربيه من الثبات والغيارات وفرامل وبنزين ودبرياج وسووووق انا واحد من الناس باسوق من زمااان قووووي وجات فتره اخدت دور حمي محترم العربيه ما خرجتش بيها مده 5 ايام اول ما ركبت العربيه وخرجت بيها ف الزحمه صدقني قعدت يجي 10 دقايق متبرجل ومتلخبط ومش واثق ف نفسي رغم اني باسوق من زمان والعربيه معايا بقالها 5 سنين ع الاقل عشان كده باقولك السواقه ممارسه مش تعليم

[حمادة ونور]

المشاركة الأصلية كتبت بواسطة ahmed el gendy بص يا باشا السواقه ما هي الا ممارسه وبس انت ف الاول هتخاف تحك وهتبقي دايما قلقان لكن مع مرور الوقت هتلاقي نفسك بتسوق ف اضيق حته وانت ممكن تكون سرحان او مش مركز ميه ف الميه يعني لانك خلاص اتعودت علي ابعاد العربيه ومن بعيد تعرف الحته الضيقه دي هتكفيك ولا لا الفكره كلها تعرف ازاي تتحرك بالعربيه من الثبات والغيارات وفرامل وبنزين ودبرياج وسووووق انا واحد من الناس باسوق من زمااان قووووي وجات فتره اخدت دور حمي محترم العربيه ما خرجتش بيها مده 5 ايام اول ما ركبت العربيه وخرجت بيها ف الزحمه صدقني قعدت يجي 10 دقايق متبرجل ومتلخبط ومش واثق ف نفسي رغم اني باسوق من زمان والعربيه معايا بقالها 5 سنين ع الاقل عشان كده باقولك السواقه ممارسه مش تعليم

يا باشا انا بسوق على طول بس المشكلة انى ساعات بخاف اطلع من العربية مش عارف من ايه

[Emgrand]

يا جماعه انا حصل موقف غريب جدا معايا النهارده
كنت واقف مستنى الاشاره تفتح فكان اللى ورايا سواق من العيال البيئه بتوع الميكروباصات نزل من الميكروباص وفتحلى الاشاره عشان البيه مستكتر يقف نص دقيقه انتظار

صراحه اصعب فئه بتسوق خصوصا بتوع الميكروباصات الترامكو اللى شبه عربيه الترحيلات على صغير