السخونه الزائده لمكنة السياره ( الأسباب والإحتياطات )

[samirayad]

المشاركة الأصلية كتبت بواسطة tonsy1979 تسلم ايدك يا هندسة على تقاريرك المميزة وكان لى استفسار ايه رايك فى موضوع فصل حساس كوعة المية فى الفيرنا هل ده له اثر ايجابى فى تبريد افضل ولا ليه اثر سلبى خصوصا والصيف داخل علينا ...وتحياتى لك

شوف وظيفة الثرموستات عامله إزاى

5- الثرموثتات thermostat يركب الثرموثتات فى الماسوره العلويه برأس الأسطوانات (رأس السلندر ) المؤديه الى الردياتير يقوم الثرموثتات بتعجيل تسخين المحرك فى بداية الدواره حيث يقوم برفع حرارة المكنه فى الحدود من 80 -90 درجه مئويه ويحد من درجة الحراره أثناء عمل المحرك بالتحكم فى سريان الماء الى الردياتير حيث يقوم بالتحكم وتحديد كمية المياه الماره الى الردياتير وعلى هذا فأن الثرموثتات هو القطعه الميكانيكيه فى دورة التبريد التى تحدد ظروف تشغيل حراريه مناسبه من أجل الوصول الى آداء مثالى من المحرك للثرموثتات تصميمات عديده والشائع منها أنه يتكون من جسم وأنتفاخ نحاسى يملأ بسائل ( عجينه من بودرة النحاس المختلطه بمادة الكريزين وهو نوع من أنواع الشموع ) يغلى هذا النوع من الشموع عند درجة حراره تتراوح من 70- 75 درجه مئويه ويوجد ساق وصمام ثنائى داخل الثرموثتات فعندما يكون المحرك باردا فأن صمام الثرموثتات يكون مغلقا ويدور الماء فى دورة تبريد قصيره كالآتى طلمبة المياه - أقمصة التبريد - الثرموثتات - خرطوم تحويل - فطلمبة المياه مره ثانيه يعنى فى الحاله دى الميه مابتروحش للردياتير....لأننا مش عاوزينها تتبرد دلوقتى ولسه بنسخن علشان نهيىء المكنه لأخذ أحمال منها عندما يسخن الماء مابين 70- 75 درجه مئويه فأن السائل ( أو الماده العجينيه الصلبه داخل الثرموثتات ) والموجوده داخل الأنتفاخ النحاسى للثرموثتات تتبخر ( شمع وبيسيح ).....فيزداذ الضغط داخل الثرموثتات ويتمدد الأنتفاخ محركا الساق مما يعمل على فتح الصمام وهذا يؤدى لمرور المياه الى الردياتير ........ وعندما تصل درجة الحراره الى 90 درجه مئويه كمثال ..... فأن صمام الثرموثتات يفتح كاملا ويسرى الماء فى دورة تبريد أطول فى هذه الحاله طلمبة المياه - أقمصة التبريد - الثرموثتات - خزان الردياتير الساخن - السربنتينه أو قلب الردياتير - خزان الردياتير البارد - طلمبة المياه وهكذا وده شكل لثرموثتات حقيقى وده شكل آخر لرسم هندسى لثرموثتات لأظهار أقصى وضع فتح للثرموثتات

[.EhAb]

انا جربت موضوع السخونة دة مرة و الحمدلله ربنا ستر. فيوز المروحة اتحرك من مكانه و الحرارة زادت و انا مش واخد بالى ( مش كنت بابص على مؤشر الحرارة) و ركنت عند البيت و سمعت صوت فسفسة فى الموتور. لقيت كوعة مية ضربت من الحرارة و سبت العربية تبرد لتانى يوم و غيرت الخرطوم و زودت المية و بقيت مهووس من بعدها بمؤشر الحرارة.

[kimo10]

شكر خاص للمهندس سمير
حقيقى معلومات مفيدة جدا وعلمية
موضع جميل جدا والواحد عرف دورة التبريد كلها
: 018A1D~146::0 18A1D~146:

[fundays]

شكرا ياباش مهندس علي المعلومات القيمة
ولكن فضلا عندي استفسار

من حوالي 3 اسابيع لاحظت ان العربية بتسخن من عند الكابوت مع وجود رائحة غريبة لدرجة اني بقيت احس بصهد العربية بيدخلي في الصالون مع العلم ان مؤشر الحرارة طبيعي جدا والمروحة شغالة كويس وقربة المية فيها مية

من وجهة نظر حضرتك ما هو اسباب هذا الصهد الكبير مع العلم ان العربية مكنتش بتعمل كدة قبل كدة
وهل تنصحني اشيك علي حاجة معينة

في انتظار حضرتك
وشكرا لك

[samirayad]

من حوالي 3 اسابيع لاحظت ان العربية بتسخن من عند الكابوت مع وجود رائحة غريبة لدرجة اني بقيت احس بصهد العربية بيدخلي في الصالون مع العلم ان مؤشر الحرارة طبيعي جدا والمروحة شغالة كويس وقربة المية فيها مية

لاتوجد مشكله

طالما الحراره فى وضعها الطبيعى مع ثبات منسوب الماء فى القربه

من وجهة نظر حضرتك ما هو اسباب هذا الصهد الكبير مع العلم ان العربية مكنتش بتعمل كدة قبل كدة

فيه كذا سؤال ليك

هل الوضع ده مستمر للآن ..........؟

ولا مره وعدت من ثلاثة اسابيع

وهل كشفت على بطانة الكبوت من أسفل ........؟

وهل تابعت شكل فرن المكنه من عند وش السلندر والمكنه ساخنه فى تلك الآثناء ..........؟

( أو اليومين دول وحاسس بفروق عن ذى قبل )

وهل بتحس بالوضع ده ليلا ونهارا مع أختلاف ظروف الحراره وأتجاهات الرياح ...........؟

وهل عندك غطاء سفلى من الفيبر من جهة الأكسدام ولالا .........؟

وهل تنصحني اشيك علي حاجة معينة

بعد ماتجاوبنى على الأسئله السابقه هنقدر نتخيل الأبعاد صح

-------------

متابع معاك إن شاء الله