وصلنا لايه (استكمال لموضوع سابق)

[luckyman]

﴿وَإِنْ تَصْبِرُوا وَتَتَّقُوا فَإِنَّ ذَلِكَ مِنْ عَزْمِ الأم...ُورِ﴾ (آل عمران: من الآية 186).

ان شاء الله ابشركم مفيش رئيس توافقى ودة نوع من استعجال الامور والتعجل
الامور ماشية نحو الطريق الصحيح ان شاء الله وما تخفوش كدة احنا مش فى ماتش الانتخابات الرئاسية قادمة وان شاء الله حتكون ناجحة وشفافة وتعبر عن رغبة غالبية المصريين بس نحاول ندى فرصة ونحافظ على النظام

[luckyman]

انا شخصيا متفاءل جدا ان شاء الله

[lost2008]

المشاركة الأصلية كتبت بواسطة AboNoRa بالظبط ده اللى بيحصل بالظبط ديه بدايه المرحلة الاخيرة من تصفيه الثورة والثوار واللى هتنتهى بتعيين رئيس توافقى (مش انتخابه) وتوته توته خلصت الحدوتة وابقو افتكرونى بعيش وحلاوة ووصيتكو العيال

مش حتبقى لوحدك حتلاقى زملاء كتير و 90% انا منهم مهو ﻻزم حد يملا الفراغ الى سابو الاخوان و الجماعة الاسلامية فى السجون ميصحش تفضل نسبة الاشغال منخفضة مش كفاية السياحة

[AbOnOrA]

المشاركة الأصلية كتبت بواسطة luckyman انا شخصيا متفاءل جدا ان شاء الله

الوفد يعلن دعم منصور حسن للرئاسة

كتب - نهى الطاهر وسعيد حجازى: منذ 39 دقيقة 18 ثانية
أعلن الدكتور محمد كامل نائب رئيس حزب الوفد أن الحزب إستقر اليوم الاربعاء على دعم منصور حسن المرشح المحتمل لرئاسة
الجمهورية ورئيس المجلس الاستشارى ،معلنا بذلك إنتهاء الجدال القائم حول المرشح الذى سيدعمه الحزب فى الانتخابات الرئاسية المقبلة .
جاء ذلك خلال اجتماع الهيئة العليا للحزب مساء اليوم ، حيث انتهى الاجتماع على اختيار منصور حسن ليكون المرشح المدعوم من قبل الحزب في انتخابات الرئاسة.
الجدير بالذكر أن اسم منصور حسن كان قد طرح بشدة في الاجتماعات الماضية للحزب وكذلك طرح معه وبقوة اسم عمرو موسى الامين السابق لجامعة الدول العربية وهو ما جعل الأمور تتأخر في الحسم .

اقرأ المقال الأصلي علي بوابة الوفد الاليكترونية الوفد - الوفد يعلن دعم منصور حسن للرئاسة

[luckyman]

انتم متعرفوش ان حزب الوفد متوفى من ستين سنة تقريبا واكتر وان السادات رجعة كنوع من الديكور بلغة مهذبة واصلا ازاى مبارك والسادات كانوا يسبوا الحزب يمارس دورة الا لو كان نوع من التمثيل والديكور لظهور وعمل جو حزبى وتعددى حزب الوفد زى قلتة زى معظم وغالبية الاحزاب المصرية خاصة ايام المخلوع
فرضا كان منصور او مغلوب ايا كان مفيش خوف لان فى برلمان مجلس الشعب وفى نظام من المحاسبة وفى انتخابات حرة ونظام حكم الفرد ان شاء الله ولى بلا رجعة يا جماعة بلاش خوف ورعب واكشنات انا مش فاهم لية العجله والتسرع مش عارف معظم الدلائل والظواهر بتأكد على نزاهة عملية انتقال السلطة حتى لو حامت حولها بعض الشبهات والشكوك لكن العملية تسير وبتقدم ملحوظ لية احنا حنكون واصيين على الشعب لية فاكرين الشعب قاصر عن تحديد متطلباتة
فى امور كتير غير مبررة فى الوقت الراهن طالما العملية تسير وفقا للاليات والظوابط القانونية ايه سبب التخوف مش كدة يا جماعة هى مش انتخابات مجلس ادارة نادى رياضى مصر مش عاجزة انها تنتخب وتقرر بس احنا نفعل دورنا الايجابى شوية عن كدة ونبص للقاعدة الشعبية العريضة ونحترم ارائها وننسى موضوع الجيش والسب وااللعن ورفع الجزم والشباشب لانه لا بياخر ولا بيقدم انا مش موجه كلامى لشخص او انتماء او اراء معينة انا بتكلم بصفة عامة لكل الاتجاهات وبعدين تانى لازم نقبل ببعض من غير تلاسن ولا رفع الجزم ولا مد الايديين يعنى لو النقاش كان كدة فى المنتدى اومال لو كنا فى مواجهة كانت اكيد تتحول لضرب بالشلالييت ودة نوع من القهر كل واحد عايز يفرض ارائة على التانى وهو دة القهر بحد ذاتة فرضا شخص منتمى للقوات المسلحة او شخص تانى مش بيحب توجهات المجلس اية المشكله يعنى
لازم سعة الصدر والكلام دة كله مش بيقدم بس من المؤكد انه بياخر لان فى عملية انتخابية قادمة مفيش داعى حد يعمل واصى على البلد لكل الاتجاهات لان بالشكل دة لو جت النتائج غير المتوقع للبعض المرحله القادمة هى التشكيك فى الانتخابات ومعناها بقى انا فى حلقة مغلقة وشكرا لكم ودمتم بود