هو البنزين ال 92 بيطير بسرعة فعلا !!!!

[fineart607]

: shwt:

[محمود زيزوو]

فعلا ال92 الموتور بياكلو بشكل اسرع من 90 لانى ايام مشكلة النزين دى حطيت 90 عمال الف بالعربية والمؤشر مش راضى ينزل لدرجى انى شكيت ان فى مشكلة فى العوامة بس بعد مشاوير كتير ابتدا ينزل وبعدين رجعت تانى 92 المعدل الطبيعى بتاعى رجع تانى يعنى فعلا الموتور شكلة بياكل 92كويس دى وجهة نظرى وتجربتى

[ahmed_eng2001]

المشاركة الأصلية كتبت بواسطة esafegypt طيب خلينا نقول انه بيتطاير موش المفروض انه بيخرج من مكان معين لو حضراتكم بصيتوا على التانك لغايه الموتور مفيش مكان البنزين يطير منه لان المكان مغلق بأحكام انت بس اقفل غطا التانك كويس وراجع على كل حاجه بحيث انك متشمش بنزين خالص ويبق بكده موش هيطير

سؤال.... تنك البنزين لازم يدخله هواء علشان يعوض البنزين الى بينقص و العربية ماشية و الا حيعمل فاكيوم و البنزين مش حيروح على الموتور .... التنك مفتوح على الهواء على طول ولا فيه حاجة بتدخل الهواء جوه التانك و متسمحش بخروج بخار البنزين ؟

[Hisham.Elgazzar]

المشاركة الأصلية كتبت بواسطة ahmed_eng2001 سؤال.... تنك البنزين لازم يدخله هواء علشان يعوض البنزين الى بينقص و العربية ماشية و الا حيعمل فاكيوم و البنزين مش حيروح على الموتور .... التنك مفتوح على الهواء على طول ولا فيه حاجة بتدخل الهواء جوه التانك و متسمحش بخروج بخار البنزين ؟

كلامك صح أى تنك بيبقى فيه 3 فتحات
واحد لخروج البنزين على الطرمبة و التانى للراجع بتاع الطرمبة وواحد فايظ
بس فعلا انا مش بفول العربية كلها 90 ولا 92 إلا لما بحط نص التنك 80 عشان يوفر شوية

[Vanditta]

المشاركة الأصلية كتبت بواسطة tonsy1979 هو علشان ارخص فبيديلك الاحساس ده بس انا اعتقد العكس لان الاوكتان الاعلى يكون افضل من حيث الاحتراق الكامل ويعطى طاقة اعلى دى وجهة نظرى

ايوة انا عارف ياباشا ان ال 92 بيدى طاقة اعلى وبالتالى مابتضطرش انك تدوس بنزين اكتر عشان تحصل على نفس الطاقة اللى بتطلع من ال 92 فى حالة استخدام ال 80 وبالتالى المفروض علميا ان استهلاك ال 80 يبقى اعلى من ال 92 مش العكس ....والغريبة انة بالتجربة ثبت العكس معايا ومع ناس كتير مش عارف لية ؟؟!!

المشاركة الأصلية كتبت بواسطة SHABRO انا لاحظت الموضوع ده في عربيتي ....اول ما جبتها كنت بحط 92 , الصفيحة كانت بتعمل 150 كيلو حطيت مرة 90 لقيت الصفيحة عملت 180 .... ال80 لسه حاطط صفيحة من كام يوم علشان ملقيتش 90 وماشية حوالي 100 كيلو ونقصت النص.... انا مش عارف تفسير علمي الصراحة , بس حكاية الشوائب والكلام ده متهيألي غلط لان البنزين مينفعش يبقى فيه شوائب

نفس الحالة عندى تقريبا ياباشا ودة سبب سؤالى برضو