بابا قالى اخرك الخميس ياما مفيش عربيات

[محمد فيصل]

السول
ان شاء الله اختيار موفق
لون الشيكولاتة الجديد جميل عليها

[مبارك القناوى]

والله انا برشحلك السيراتو بس طبعا فية كتير من الاعضاء اختارو السول والاختيار يرجعلك

[amroadam]

من وجهة نظرى السول لعدة اسباب/
1/شكل عصرى جديدوملفت ومش منتشراوى زى السيراتو اللى
بقت عاملة زى التاكسى فى كل حتة وكل شارع
2/ عالية عن الارض ومش هتحك فى المطبات الغبية الموجودة فى بلدنا الحبيب
3/ قيادة السيارات العالية ده فى حد ذاته متعة تحسى انك ملكه الطريق وكشفاه
4/ سرقة السيراتو اللى منتشرة بغباء وهتبئى اعده قلقانة على طول ومرعوبة تركنى فى حتة وانتى فى اى مشوار (طبعا الحارث هو الله) بس وجهة نظر وانتى مش حمل موضوع ده
5/ حجمها مدمج وتقدرى تتحكمى فى ابعادها بسهولة علشان مفيش ليها شنطة طويلة زى العربيات السيدان
6/العربيات العالية عموما فى الخبطات لقدر الله الخفيفية بتبئا فى العتب والاكصدامات واسفل الابواب وبالتالى امان نوعا ما من العربيات السيدان اللى بتبئا مقدمة السيارة مسحوب للأمام وتقدرى تركبى فى السول اكصدام فايبر مقوى بيتباع ليها مخصوص لحماية مقدمة السيارة بعكس السيراتو مينفعش ولو نفع هيخلى شكلها وحش
ديه وجهة نظرى الشخصية طبعا والقرار ليكى ا انا من رأى لازم تجربى الاتنين وتقعدى فيهم وتشوفى هاتبئى مرتاحة فى انهى واحده فيهم لان اهم شئ الراحة النفسية وانتى سايقة وخصوصا فى شوارع المحروسة وتستحملى رزالة ده وسخافة ده والسواقة المملة بتاعت ده وحزارى من الطيارين(سواقين الميكروباصات)

[hazem_khidr]

شوفي انت مرتاحه لمين فيهم اكتر
شراء العربيه لازم يبقي عن اقتناع تام
لو مش مقتنعه بالاتنين يبقي بلاش
و ما تقلقيش هتجيبي هتجيبي

[ehab62]

روحى معرض سمير ريان قدام الجبل الاخضر بعد نادى السكه الحديد بطريق الاتوستراد وهو هايجبلك السول الحمراء لان اللون ده فعلا خطير عليها ولو عندك اى ملحق سيارات هاتلاقى اعلانات سمير ريان اتصلى بيهم واطلبى انك تكلمى الحاج سمير على طول واساليه عن اللون اللى انتى عايزاه وهو هايتصرف عن تجربه