استدراكا للوقف اللي حصل مع المهندسة سلوي

[tarek elbadry]

[المفكر]

بشكر د هبة على الموضوع وحمد لله على السلامة
أنا عارف الموقف اللي الأخت الفاضلة بتتكلم عنه لأنه كان في موضوع أنا عامله
دخلت الأخت المهندسة سلوى لتشارك بالموضوع
ولأن الموضوع له علاقة بالوضع الحالي والأحداث الجارية كانت متحمسة جدا في ردودها
وبرضه ده كان نفس موقف أبو نورا
بس المشكلة الآراء اختلفت
والاختلاف ازداد حدة
وهنا ظهرت المشكلة
بس صدقوني الموضوع لأنه كان بيمس مصلحة البلد وكرامة الناس أخد هذا الاتجاه
لكن هذا الاختلاف لا يعني خلاف
والله أبو نورا من الأعضاء اللي احترم آرائهم وأؤيدها كثيرا
والأخت الفاضلة فعلا والله هي أخت مش بس احتراما
لكني شعرت بأن صفاتها تشبه اختي الكبرى في الحقيقة
د هبة شعورك جميل ومحاولتك لإبعاد الاختلاف شيء راقي
وبصراحة مشاعر الأعضاء ميزت هذا المنتدى ولذلك بدأت بالمشاركة فيه
أعتذر على الإطالة
وجزاك الله خيرا يا دكتورة

[M.TONSY]

يالا معلش حصل خير ومش عيب ان الانسان يخطئ فالبشر ليسوا معصومين من الخطأ وانه لمن الشجاعة اعتراف الانسان بخطئه
لقد اصبحت يا دكتورة اسفنجة فمرحبا بك فى عالم الاسفنج هههههه

[walidelmorsi]

كلام جميل ورقيق يدل على انسان متسامح مع نفسة والاخرين حفظك الله.

المشاركة الأصلية كتبت بواسطة د.هبه77 معلش يا جماعة مش هقدر اعمل نفسي مش واخدة بالي انا عارفة ان احنا هنا مش في البيت عشان يتم طرح الموصوع دة للنقاش علي الملأ ولكن لاستيضاح موقفي وان كان صعب علية اصلا الكلام دة عشان الناس بس تفهم انا عملت كدة لية وخصوصا ان مفيش حاجه نتداري او نستخبي منها بحكم ان احنا كلنا بقينا عيلة واحدة اولا انا بصراحة بحب مصر موتورز ومش هنكر اني بعتبره فعلا كانة بيتي التاني وحتي لما حد بيشارك في موضوع لية او انا بشارك في موضوع حد المشاركة في حد ذاتها مش بالللي فيها ولكن بشخصه بمعني مثلا لما الاستاذ طارق ابو زيد ربنا يكرمه اللي باعتبره اخ اخ اكبر لية لو دخل حاليا علي موضوع لية وقال راية هاعتبرة كانه بيقولي ازيك وازي اخبارك قبل ما اشوف المشاركة بتاعته اية وانا لم اره ولكن هذه هي المنتديات تطرح لك عائلة الكترونية كبيرة ترتبط باسماء دون اشخاص وقيس علي ذلك كثير لما الاقي مثلا حد مدخلش بقاله فترة كبيرة احاول اشوف صفحته دخل اخر مرة امتي ودة برضة بحكم ان انا قلت ان احنا هنا كلنا اخوات وتشاركنا مثلا اوقات زي رمضان او حقبة زمنية معينة معلش علي الاطالة او المقدمة دي لكن كان لا بد منها اسفة علي الموضوع اللي انا هحكيه ده بس كان لازم ولا بد منه بالنسبة للمهندسة سلوي انا بعتبرها انسانة فوق الوصف ولا ازكي علي الله احدا ولكن هي فعلا اخلاق واخت كبيرة لية وحتي لما بغيب فترة بسيطة جدا عن المنتدي يوم او حاجه الاقيها تكلمني وتطمن عليه فالي جانب اخلاقها هي رقيقة ومثالية وتقف بجوار من يحتاج الي مساعدة او دعم كما هو واضح من مشاركاتها دائما ودايما تشجعني ) وهي حتي صاحبة الفضل في اني اروح دريم بارك واركب قطر الموت (وان كانت مش هي السبب في قطر الموت دة بس يلا ما علينا ) المهم ان انا اقل منها في كل شئ وبمراحل ولكن الحاجه الوحيدة اللي انا اكتر فيها هي يمكن فترة اشتراكي في المنتدي ومعاصرتي لمواقف كتير جدا حصلت وبالنسبة لابو نورا هو الناس اللي انا باعتز بآراءها جدا نظرا لانه ما شاء الله عنده خبرة في مجالات كتيرة في الحياة واستشرته في اشياء خاصة بالعيادة لو تفتكرو في موضوع الاثاث المكتبي ولا حظت انه ما شاء الله عنده معلومات كويسة من مواضيع كثيرة والي جانب ان انا عرفت من مشاركات سابقة ان له اصدقاء ماتو في الثورة وكعادة كثير من الرجال هو علي الجانب الاخر والكمال لله وحده جزء من العصبية ( متزعلش يا ابو نورا لان انا كمان عصبية احيانا ويمكن يبان من مشاركاتي !!! ) وبالتالي لما حصل الجذب بين المهندسة سلوي والمهندس وائل اكن لهما ال2 كل احترام ونظرا لمروري بموقف ما في المنتدي( مع اختلاف الاشخاص طبعا- ولكن يبقي الأثر في نفسي ) وبصراحة مش هانكر ان انا يومها اتضايقت جدا للسلبية ممكن او لان محدش رد عليه واثرت ان انا احاول اخد حقي بنفسي في الاخر زي ما بيقولو ولكن كان زي ما يكون واحد عاجز بيحاول ياخد حقة وكنت حاسة للاسف ساعتها بفتور شديد ومشاركتش فترة بسيطة تعتبر ولكن كان نابع من احساسي بالضيق بسبب الموقف دة عز علية ان المهندسة سلوي يوصل ليها الاحساس اللي انا مريت بية مع الفارق طبعا بين اسباب وملابسات موقفي او موقفها ولكن الغضب جمرة خفت ان الموضوع يتمادي خفت ان كلمة غلط تطلع مع الغضب المستمر ولو طلعت كلمة ضايقتها مهما حصل من اسف او اعتذار لن تمحو الاثر زي ما بيقولو كدة ايهما افضل الفازة السليمة ولا لما تتلزق بعد ما تتكسر ؟ ولذلك حاولت التعامل مع الجانب الايجابي حتي وان كنت جيت شوية علي المهندسة سلوي للوصول لهدف محدد والحمد لله تم الهدف وان كنت لست انا السبب في ذلك ولكن المهم النتيجة انها حصلت ،واللي حاولته الا تصل المهندسة سلوي لان حد يضايقها في المنتدي كما حدث معي في 25 يناير او غيره اكثر من مرة 0 (ولا انكر ان مواقف اخري كتير جدا ناس وقفو جنبي بدون ما اكون موجودة حتي ) لو كنتو عتبتوا علية ( وطبعا مش فرد محدد ولكن الكثير !!!) اسلوبي فانا دة اسلوب بحاول احيانا اطبقه علي قدر الامكان اني موصلش الي ادامي لمرحلة انه يغضب فيغلط حتي وان قدمت بعض التنازلات في سبيل ذلك لان ما يقبله الرجال من خناقات او كلام جارح وينسوه بمجرد انتهاء الكلام لا تستطيع تحمله السيدات او تحمل حتي جزء منه الي جانب ان السيدات لا تنسي الاساءة !!!! للاسف! ممكن البعض يعتبر دة جبن لكن انا بالعكس اعتبره حفاظ عموما انا عارفة ان دة منتدي سيارات وان انا مش من حقي اكتب كل الموضوع دة ولكن لان انا محبش ان حد يبقي زعلان مني او فاهمني غلط وعموما انا مش عايزة المهندسة سلوي ولا المهندس وائل يبقو زعلانين مني ولا اي حد في اي مكان وعارفة برضة ان انا مينفعش اطرح موضوع زي دة علي العام ولكن بحكم ان احنا اخوات ولازم اي موقف اعملة الناس تبقي فاهمة دة حصل لية واسفة برضة لمشاركاتي في الفترة الاخيرة اللي هي دون المستوي نظرا لظروف عندي مشغولة اليومين دول شوية او لضيق ... واعتذر لو ملقيتونيش كتير بحكم عمل او بيت ولكن باذن الله هافضل معاكم علي تواصل حتي وان مشاركتش بمواضيع كبيرة زي زمان برجاء الدعاء اعتذر مرة اخري لتناول مواضيع شخصية بينا كأعضاء ....... في منتدي عام لكن لان عشمي فيكو كبير تقبلو كلمتين فضفضة من اخت وبالمناسبة دي احب اعتذر لاي حد انا ضايقته بكلامي واكيد لو حصل فانا متاكدة انه بدون قصد اعتذر للاطالة

R OSE4URO SE4UROS E4U