البنات دى تستاهل تتسحل ولا لأ

[akerima]

مفيش بني ادم عنده زرة انسانية او كرامة يرضي باي شكل من الاشكال ان بني ادم يتسحل او يضرب بالطريقة دي - يا اخي دا اي واحد فينا لو شاف حد بيتكعبل وحايقع تلقائي بيلاقية مادد ايده عشان يساعده ويلحقة قبل ما يقع ويتضر يبقي ازاي انسان يضرب اخوة بالوحشية دي مهما كان اللي بيتضرب دا عمل هل احنا اتجردنا من المشاعر الانسانية للدرجادي وتغلبت علينا المشاعر الحيوانية - الثورة كان من اهم اهدافها كرامة الانسان المصري ازاي انا ابقي موافق علي الثورة واهدر اهم اهدافها

اللي بيقول ان البنت دي تستاهل تخيل انها اختك - حيقولي ان اختي متنزلش تبهدل نفسها كده

ببساطة البنت دي كانت نازلة تجيب حقك وحقي سواء انت وافقتني في كده او لا بس دي الحقيقة اللي بيشتم في الجيش والشرطة بيشتم فيهم عشان مجروح منهم مش من الباب للطاء والواجب انك تعالج الجرح مش توسعة وكل شوية تدوس علية واذا كان الجيش كبير واللي في الميادين شوية عيال يبقي المفروض علي الكبير انه يفهم ويقدر مش يعمل عقلة بعقولهم ويسحلهم ويضرب فيهم

العنف لا يولد الا العنف اللي عايز الاستقرار مايلومش علي الناس اللي جوة التحرير يلوم علي الناس اللي بتضرب الناس في التحرير

ارجوكم تشاهدوا الفيديو دا حتفهموا حاجات كتير

http://www.youtube.com/watch?v=CqzS9...&feature=share

[dr.wael7yran]

المشاركة الأصلية كتبت بواسطة abu_ruqayyah السلام عليكم ورحمة الله وبركاته ربنا يصبرنا جميعا كمصريين وخلونى اقول رأى الشخصي من غير تخوين والكلام دا لانى بجد مش هخاف حد يهاجمنى لانى معارض وهقول اللى يرضي ضميري وبجد كل اللى بيحصل دا مش عاجبنا كلنا ولا فى واحد بس راضي عنه ومسألة العنف المفرط و ضرب المتظاهرين دي مشكلة كبيرة جدا وبرضو حرق المنشأت وتاريخ مصر مسألة ما ينفعش يتسكت عليها ولازم لازم لازم نعرف مين اللى وراها وضرب البنات دي لاهى من اخلاق المسلمين ولا من اخلاقنا كمصريين ولو كان الجيش ضرب بنت يبقي اخطأ وعليه لوم طبعا لكن للاسف احنا سمعنا من طرف واحد بس والطرف التانى لأ ....عموما عموما انا مش مع اللى الجيش بيعمله لكن ليا سؤال : هل فى حد مننا يسمح لأخته انها تبات بره البت اكتر من شهر وبترجع تغير هدومها وتنزل تانى ؟! هل فى ؟! (كانت الدكتورة غادة من حركة 6 ابريل قالت كدا يوم ما اتضربت وطبعا على حد كلامها فالظابط كدا يبقي اخطأ ....لكن ليه احنا بناخد كلامها مصدق 100 % وبشكل قاطع ؟! هل هى نبي ؟! او ملاك من السماء؟! دا حتى كلام الملائكة مش كل البشر مصدقاه ..... وافتكرت كدا لقطة من فلم محامى خلع لما الواد اتفرج على مرات عبد الرحمن ابو شقفة وهى قالعة قدام الترعة ...طيب لو كانت مراته احترمت نفسها او بتخاف على نفسها او حتى ليها حد يخاف عليه كان هيتعمل فيها كدا !! انا شخصيا ما اقبلش ان امى يتعمل فيها كدا او مراتى او اختى او بنتى وماحدش يضحك على نفسه زيادة عن اللااااااااااااااام ويسأل نفسه كدا لو مراته او اخته قالتله انا نازلة التحرير هيقولها ايه !!!! كمان فى حاجة اخيرة للناس المناضلين ... عمرنا ما قرينا فى التاريخ ان مصطفى كامل اتسمم من سندوتش حواوشى عمرنا ما قرينا فى التاريخ ان احمد عرابى كان من الالتراس بتاع نادى المحتل عمرنا ما قرينا فى التاريخ ان جيفارا اتعالج فى صندوق مصابي الثورة عمرنا ما قرينا فى التاريخ ان الشيخ عمر مكرم لعب كورة أمام مبنى رئاسة الوزراء عمرنا ما قرينا فى التاريخ ان هدى شعراوى نامت فى خيمه فى الشارع مع شباب عمرنا ما قرينا فى التاريخ ان سعد زغلول اعتصم فى التحرير او قدام وزاره الدفاع او الداخليه عمرنا ما قرينا فى التاريخ ان مصطفى النحاس رمى ملوتوف على منشئه حكوميه (الكلام منقول للأمانة وفعلا زمان كان فى حاجة اسمها احترام )

كل اللي انت شايفه بيحصل ده .. حصل قبل كده 100 مرة على الاقل و بنفس التفاصيل في تاريخ مصر .. بس احنا فعلا اللي مبنقراش تاريخنا ..
سمعت عن مذبحة الاسكندرية سنة 1882
سمعت عن عدد شهداء ثورة 1919 ..
سمعت عن حريق القاهرة 26 يناير ..
نفس السيناريوهات و نفس الالعاب القذرة ...
و ان شاء الله انا هعمل موضوع عن الاحداث دي علشان كلنا نعرف اد ايه اللعبة ممكن تكون قذرة ..
ربنا معانا جميعا ..

[mar mar]

مافيش بنت تستاهل السحل
حتي لو كانت ايه
راعوا ربنا ده احنا عندنا ولايه
ولو ده اسلوب التعامل هتلاقي البنات تاني يوم كلهم كده في الشارع

[kj1]

ثورة اه انما وساخة وفلة ادب زى الزبالة الى فى الفيديو لا وده تستاهل الى يحصلهم

[abu_ruqayyah]

بص يا شباب هقولكم على حاجة خلينا نكون كلنا متفيقن على بعض النقاط كدا ان امكن
1 – ان الجيش ما ينفعش يتعامل بعنف مفرط مع معتصمين ( مش مخربين ومش معطلين ومش خارجين عن القانون ) سواء كان المعتصم او المتظاهر دا بقي راجل او ست او طفل او شيخ ويجب على الدولة انها تحميه وتحافظ على حقه فى التظاهر او الاعتصام كمان.
2-مافيش اى راجل مسلم او عربي يقبل انه يشوف واحدة ست بتنضرب لاننا بنشوفها ان دى مش رجولة وانا مش هقول وادافع عن الجيش وكدا لكن هقول ان الجيش غلطان وفى اى حال من الاحوال ومهما عملت البنت دي ماينفعش يتعمل فيها كدا لكن ....لو البنت دي ماكانتش نزلت فى مظاهرات كان حصل فيها كدا !! طيب البنت دي بتجيب حقنا ...طيب مش عيب علينا بنت تجيب حقنا !! انا شخصيا لا اقبلها ....لا اقبل ان تتظاهر بنت تتطالب بحقوقى .
3-الجيش غلطان والمتظاهرين غلطانين وانا مش بقول كل الحاجات دى عشان ادافع عن الجيش للللللللا الجيش فعلا اخطأ والمتظاهرين اخطأوا برضو فى حاجات كتير .....
4-ودا الاهم بقي وهو دخول البلطجية فى وسط المتظاهرين ....ناس يقولوا تبع 6 ابريل وناس تقول تبع الفلول وناس تقول تبع الجيش وناس تقول شرطة وناس تقول دول خارجية .........طب ما تيجوا تحرجوا الجيش وتسيبوا الميادين والشوارع لمدة اسبوعين او تلاتة ونجبر الجيش انه يلمهم !!! زى ما الدكتور احمد زويل قال امبارح فى مبادرته ؟!

ربنا يعين مصر على الايام اللى جاية وياريت يا جماعة بجد بجد نحط فى اعتبارنا مصر وشعب غلبان مالهوش فى حاجة ما بيحبش المشاكل لانه شعب طيب وما بيحبش قلة الادب لانه محترم ولا الهمجية لانه مهما بلغ جهله التعليمي فهو متحضر ويحب يجالس العلماء ويحب يحافظ على لقمة عيشة اللى لو خسرها ...............!!

اللهم لا اله الا انت سبحانك انى كنت من الظالمين