عاوز انظف الكوستيبانات ياريت لو فى فيديو

[M.TONSY]

المشاركة الأصلية كتبت بواسطة AHMEDCAR ازيكوا يارجاله انا عندى صوت الماتور ابتدى يكون خشن شويه فالميكانيكى قالى الكوستيبانات عاوزه تتنظف فقالى حط فلاش على الزيت و غيره انا بصراحه مش حابب موضوع الفلاش ده و بفكر انى افكها انظفها بنفسى بس قاعد عمال ادور على اى فيديو ليها على النت مش لاقى حاجه خالص ممكن حد يساعدنى فى فيديو ليها علشان اقدر اعملها يارجاله محدش يقلق انا الحمد لله بشتغل فى العربيه بايدى عادى اخرها مغير سير الكاتينه و طقم الكبالن فى الجراج تحياتى

يا احمد باشا انا على حسب علمى ان البلوف او الكوستيبانات لم بتعمل صوت خشانة بتتغير مش بتتنظف والفيرنا عموما طقم البلوف بتنزل بيه من المصنع بايظ انا عربيتى كانت 2011 زيرو ومن يوم ما جبتها وانا بسمع الصوت ده وكمان عربية الحاج 2010 ونفس القصة فواضح انها مشكلة عامة فى الفيرنا لانى روحت لميكانيكى شاطر وقالى كدة وسمعنى تاكسى عنده وقالى انه مفهوش ضرر على الموتور وعلشان يتغير تمن البلوف 400ج ومصنعية 200
وعموما انا متابع

[almas200066]

السلام عليكم السلام على كل الموجدين بص يا استاذ احمد الحل الصح هو اية قول اية اية زى محضرتك قولت انك بتغير سير الكاتينة لوحدك كدة تمام قوى 1 حتفك سير الكاتينة بطريقتك وبعد ماتفك السير حاتعمل اية قول اية اية حتفك غطاء التيكاهات وهو مسامير,10 وبعد كدا حاتلقى عامود الكامة وهو عبارة عن عمودين كامة من الداخل متوصلين من الداخل مع بعضهم بكاتينة جنزير لن تراها الا لما تفك الغطاء التيكاهات ماشى قول ماشى ماشى يا عم بعد كدا حاتفك المسامير الا ماسكا الكامة وهى مسامير 10 ملاحوظة غطاء الكامة بيكون مترقم 12345وهكذا حافظ عاى الترتيب دة وخد بالك انالعمودين ليهم تقسيمة مع بعضهم وبتكون العلامتين ادام بعضيهم وكدا انت فكيت العمودين ذى مقولنا وبعد كدا حاترفع العمودين حاتلقى تحتهم الكاستبانات حترفعهم اذى حتجيب مغناطيس وتحطو فوق الكاستبان وتسحب وهكذا لما تلع الكستبانات كلها حتجيب الكستبان وحتمسكو من المكان المستوى وعلى مكان مستوى معدنى وترفع ايدك لفوق وبكل عزم وانت مسكوا فى ايدك وعلى الشى المستوى وتخبط ومتخفش مش حايكسر بس فى شويت الم معلش وتفضل تعمل كدا لما يخرج البلف اللاى فى الكستبان وبيكون عبارة عن سستة داخل شىءمعدنى و بعدكدا نغسل ببنزين ونركب وربنا يصلح الحال وحتركب ذى مافكيت ولو احتجت اية حاجة اتصل على0163001499

[almas200066]

السلام عليكم السلام على كل الموجدين بص يا استاذ احمد الحل الصح هو اية قول اية اية زى محضرتك قولت انك بتغير سير الكاتينة لوحدك كدة تمام قوى 1 حتفك سير الكاتينة بطريقتك وبعد ماتفك السير حاتعمل اية قول اية اية حتفك غطاء التيكاهات وهو مسامير,10 وبعد كدا حاتلقى عامود الكامة وهو عبارة عن عمودين كامة من الداخل متوصلين من الداخل مع بعضهم بكاتينة جنزير لن تراها الا لما تفك الغطاء التيكاهات ماشى قول ماشى ماشى يا عم بعد كدا حاتفك المسامير الا ماسكا الكامة وهى مسامير 10 ملاحوظة غطاء الكامة بيكون مترقم 12345وهكذا حافظ عاى الترتيب دة وخد بالك انالعمودين ليهم تقسيمة مع بعضهم وبتكون العلامتين ادام بعضيهم وكدا انت فكيت العمودين ذى مقولنا وبعد كدا حاترفع العمودين حاتلقى تحتهم الكاستبانات حترفعهم اذى حتجيب مغناطيس وتحطو فوق الكاستبان وتسحب وهكذا لما تلع الكستبانات كلها حتجيب الكستبان وحتمسكو من المكان المستوى وعلى مكان مستوى معدنى وترفع ايدك لفوق وبكل عزم وانت مسكوا فى ايدك وعلى الشى المعدنى وتخبط ومتخفش مش حايكسر بس فى شويت الم معلش وتفضل تعمل كدا لما يخرج البلف اللاى فى الكستبان وبيكون عبارة عن سستة داخل شىءمعدنى و بعدكدا نغسل ببنزين ونركب وربنا يصلح الحال وحتركب ذى مافكيت ولو احتجت اية حاجة اتصل على0163001499

[AHMEDCAR]

الله ينور عليك كل الخطوات دى فعلا كنت هعملها ماعدا حته انى ارميه على سطح معدنى دى لانى كنت هطلعه انضفه و خلاص و اركبه تانى ماكنتش اعرف حته البلوف دى

ربنا يخليك ياباشا و اكيد لما اجى اعملها هكلمك ان شاء الله

[almas200066]

يا عم احمد لومنضفتهاش كدا مينفعش على شان الزيت بيكون بين البلف والكستبان