إلى الأخوة المرتعبين من وصول الإسلاميين للحكم

[طارق عبد السلام]

الموضوع بسيط دلوقت مش زى زمان يعنى اللى هيمشى غلطمش هينجح فى الدوره اللى بعدها
وبعدين الكل بيقول ان الاخوان منظمين علشان كده نجحوا طب كويس جدا لاننا فعلا ناقصنا التنظيم
ونتعامل مع حد منظم
وبعدين بقالنا كتير مع احزاب تانيه طيب ما نجرب الاخوان ونشوف طريقتهم
وبعدين ياجماعه الكرسى فى البرلمان بيغير حاجات كتير
والايام جايه وهنشوف من يصلح ومن لايصلح

[خالد دبي]

المشاركة الأصلية كتبت بواسطة akerima سؤال بس يا اخي الكريم هما التيار الاسلامي دول جايين من عند ربنا يعني هما الرسل الجداد ولا حاجة؟؟؟؟ اذا كانت الاجابه نعم - يبقي انت عنك حق اذا كانت الاجابة لا - يبقي دول بشر زينا زيهم ممكن يغلطوا وممكن يصيبوا واي حد فينا ممكن ينتقدهم عادي ومن بعد ما بقي ليهم بعد سياسي يبقي من حق اي حد ينتقد سياستهم اذا كان مش موافق عليها ان كنت غلطان قولي ايه الصح

بالظبط كده لو هما رسل قولولنا مش هما دول برضوا اللي في الثورة عملوا ديل مع الحكومه في الأول وبعدين لما لقيوا الموضوع مشي جم الميدان ؟ مش هما دول برضوا اللي كل مره يقولوا والله احنا ملناش دعوه بالحريات وطيبين ومش هنمس حريه اي حد وبعدين الفتاوي تشتغل واهدار دم اي غلبان يقولهم بم واسهل حاجه عندهم انهم يكفروك عمري ماشتف الاخوان قالوا حاجه وعملوها بيقولوا حاجه وتلاقي فلم تاني خالص بيحصل عامة ده كله من البني ادمين المستعجلين سلموا السلطه سلموا السلطه اهي اتسلمت اشربوا بقى واللي جاي انيل الصبر طيب بكره كلكوا هتقعدوا في بيوتكم من الخوف دول مش مبارك هيخاف ويمشي دول بيلعبوا بأسم الدين

[akerima]

المشاركة الأصلية كتبت بواسطة خالد دبي بالظبط كده لو هما رسل قولولنا مش هما دول برضوا اللي في الثورة عملوا ديل مع الحكومه في الأول وبعدين لما لقيوا الموضوع مشي جم الميدان ؟ مش هما دول برضوا اللي كل مره يقولوا والله احنا ملناش دعوه بالحريات وطيبين ومش هنمس حريه اي حد وبعدين الفتاوي تشتغل واهدار دم اي غلبان يقولهم بم واسهل حاجه عندهم انهم يكفروك عمري ماشتف الاخوان قالوا حاجه وعملوها بيقولوا حاجه وتلاقي فلم تاني خالص بيحصل عامة ده كله من البني ادمين المستعجلين سلموا السلطه سلموا السلطه اهي اتسلمت اشربوا بقى واللي جاي انيل الصبر طيب بكره كلكوا هتقعدوا في بيوتكم من الخوف دول مش مبارك هيخاف ويمشي دول بيلعبوا بأسم الدين

ودي المشكلة

اي نقد للتيار الاسلامي حيتفسر انة انتقاد للدين وحيتقابل بتكفير المنتقد - اللي مش معانا اصلا كافر (ليبرالي وعلماني واي مسمي خلقة ربنا) - يعني الناس دي يوم ما تيجي تقولهم سياستكوا مش عجبانا اول رد حتلاقية منهم (استغفر الله العظيم انت حتكفر) لانهم طبعا ماشيين بسياسة الاسلام حد يقدر يقول علي سياسة الاسلام نص كلمة

[abu_ruqayyah]

متابع فقط ... لانى عارف ان الحوار هيقلب بغم

[د.هبه77]

علي فكرة الكلام دة معروف جدا ان الاسلاميين مش ملايكة ولا هم الرسل
وان مرجعية اي حاجه حلال ولا حرام وهيبقي صح ولا غلط
هو الازهر
بمعني هو دة اللي الاسلاميين عايزينه ان المسؤولية تقع علي عاتق الازهر
اللي هو مين
الازهر المنتخب مش بتاع دلوقتي
ومعروف ان الحاكم بشر وممكن يغلط ودة حصل علي مر العصور
المشكلة الحقيقية مش في ان المعارضين لسياسة الاسلاميين هم اللي هيتقال عليهم كفار العكس هو الصحيح
المشكلة ان اي غلطة يقوم بها واحد من الاسلاميين دول (اللي هو بشر) حتي لو عمل حاجات كتير كويسة هيتحط تحت الميكروسكوب ويتقال اهو شايفين ادي اللي مركب دقن اهو علموك كدة في الجامع لابسين عبائة الدين وخلاص مين اللي عينكو ولاة المسلمين ؟
انت متخيل ان الحاكم دة هو ابو بكررضي الله عنه ؟ لا ، يبقي منحاسبهوش علي كل شاردة وواردة ونبص للنص المليان شوية ونغض الطرف شوية لان الهدف اعتقد كويس والحاجات الحلوة اللي ان شاء الله هيعملوها ونفترض حسن الظن المفقود من زماننا الان للاسف