داخل على عمرة كاملة للسيارة و محتاج أرائكم فى شوية حجات عن التكاليف

[SHERIF MARLBORO]

المشاركة الأصلية كتبت بواسطة تامر ديزل عندي فكره يمكن تعجبك وخصوصا انها عن تجربه ومرمطه مع الصنايعيه الاول والعربيه لسه سليمه وقبل ما تفك فيها اي حاجه هتجيب ورقه وقلم وتروح للعفشجي تقوله يكشفلك على العربيه محتاجه ايه بالظبط واللي يقولك عليه تسأل عليه عند بتاع قطع الغيار وبعدين تاخدها وتروح للسمكري يشوفلك الابواب ولوازمها اللي هيا كرتونتين البابين ومكن رفع القزاز والاكرمن بره ومن جوه وبرضه تكتب وتروح تشوف الاسعار بعد كده السروجي تشوف واحد نضيف وتساله على تكاليف تنجيد الكرسي والدواسه والسقف وترميم التابلوه وتكتب الاسعار برضه والكهربائي نفس الكلام يشوف الفوانيس والكاتاوتات وتكتب الاسعار والبوهيجي يقدرلك هتتكلف كام بعد كده تجمع ده كله تشوف الاجمالي كام الخطوة اللي بعد كده تشوف العربية اللي معاك لو اتباعت على حالتها تجيب كام وتقوم جامع تمن البيع على تكاليف الشد والتوضيب وتشوف يجيبوا ايه في السوق لو لقيت عربيه حالتها احسن من بتاعتك ومش محتاجه شغل وهتدفع فيها تمن عربيتك على تكاليف الشد صدقني احسن ليك 100 مرة وبدل اللف على الورش والتلطيم مع الصنايعية لان شد العربية اقل حاجه لما تكون انجزت شهر ونص ده اذا ما فيش صنايعي فك حاجه من العربية وضيعها او وهوا بيفكها باظت منه مثلا والميزه التانيه انك مش هتقف عن شغلك يعني هتسلم دي وتستلم دي وتدخل الشغل علطول مبدئيا الحاجات دي ممكن تكلفك في حدود 5000 جنيه تقل شوية او تزيد شويه

كلامك صحيح يا استاذ تامر و انا لسه فعلا بجمع كل المعلومات و قولت بره اكتب على النت جايز تيجى معلومه و بره و الترخيص على شهر مارس و بفكر اشد ليا و للزمن لكن لو الموضوع مش جايب همه يبقى ارقعها و اخلص منها! و كلامك 10 على 10
و بشوف بدل الصنيعى 2 و 3 و الاسعار فى البحيرة ارخص من اسكندرية و شغلهم نضيف