تفسير خطاب المشير

[mar mar]

المشاركة الأصلية كتبت بواسطة epnmasr شوفي يا مرمر الإتفاق الذي تم اليوم بين ممثلي المجلس مع من يُفترض أنهم بيمثلوا الشعب أكثر مما جاء في البيان على أثاث أن باقي الإتفاق يحتاج إلى مرسوم بقانون على حد قولهم لذلك علينا أن ننظر ماذا سيحدث هل سيصدر المرسوم بقانون بباقي ما أُتفق عليه أم ماذا مع كامل دعمنا للثوار والمعتصمين وكل ما أقوله الآن ( أفلح إن صدق ) وعلينا أن نلتزم بالنقد دون التجريح والسب وأنا أعلم إنكِ مصريه جدعه وعايزه مصلحة مصر وعلى فكره أنا رحت التحرير اليوم بتشجيع منك وخلفت وعدي مع بنتي إني مش هروح علشان أنت قلتي هتخلفي وعدك مع والدك وهتنزلي ولو أني لا أشجعك على ذلك لأني أعلم إحساس الأب لو علم ذلك ربنا يحميكي ويحمي كل بنات مصر المحترمين الوطنيين الجدعان أمثالك

انا بعتذر لحضرتك برضوا مش
وانا اسفه لو كنت خليتك تنقد بوعد حضرتك لبنات والمدام
انا اعتذر تاني انا فعلا كنت امبارح مخنوقه ومضايقه اني مش عارفه انزل لدرجه اني فكرت انزل ميت مره بس خايفه من اللي ممكنبابا يعملوا وهي ابسط حاجه هيجي من السعوديه تاني يوم علي طول وانا لحد دلوقتي بفكر مليون مره قبل ما انقد الوعد ده
انا اسفه جدا

[mar mar]

المشاركة الأصلية كتبت بواسطة mf86 بصي يا أخت مرمر أنا مش هرد عليكي علشان ماازعلش حد مني ××××××× وشكرا

انا مش هرد بس هقول زي ما قال الاستااذ وليد
اني انا مشرفه ومش ينفع اقول كده علشان انا يعتبر وجهه المنتدي

وهقولك انت بالفعل وجهه الجيش

[memo1100]

مصر يا غايه ادفاعي لسه جو البيت افاعي محتاجين مليون رفاعي يجمعوا عزم الايادي




عجبتنى قوى الجملة دى

[مادا]

المشلكه مش مشلكه المشير .. المشير كده كده ايسبها لو دلوقتى ايسبها لو بعد ستة شهور ايسبها المشكله ان الشعب مش عارف يختار اللى يمثله كان المفروض الثورة بتاعت امبارح تقول مش عاوزين المشير وعاوزين فلان وكانت خلصت المشلكه .. لكن الشعب مستنى المشير لما يحط الحكومة وبعدين تطلعوا ثورة تانيه وتعترضوا عليها طيب متختاروا انتم الحكومه وتجيبوا اللى انتم عاوزينوا وتنزلوا الميدان وتقوللوا مش عاوزين حكم المجلس العسكرى وعاوزين الرئيس ده والحكومه ده لكن المشكله ان الثوار مش على قلب واحد .. والله العظيم المشكله مش فى المجلس العسكرى المجلس العسكرى ماشى ماشى المشكله فيكم انتم مش عارفين انتوا عاوزين ايه ولا عاوزين مين .

[fourseasons]

طب ايه الوضع لو الأستفتاء اتعمل و طلع لصالح المجلس العسكرى؟!! ا

هل ستتقبلون النتيجه و لا ايه حيكون و ضعكوا.

سؤال موجه للأخوة فى الميدان.
الى مش شايفين غير الميدان و مبيمشوش فى الشارع او يسألوا ايه راى الناس الى عايشه معاهم فى البلد ديه ولا على اساس ان هما صحاب البلد و احنا واخدينهار ايجار جديد؟!!