لانسر 2012 ولا النترا 2012

[zema]

المشكلة ان اللانسر شكلها قديم جدا و مفيش فيه اي تطوير من سنين
و بجد شكل الالنترا الجديدة ده تحفة و من حيث الشكل الالنتراااااا طبعا
لكن لو خلينا موضوع الشكل علي جنب انا هشتري لانسر
ثبات الانسر ممتاز .. معنديش فكرة عن الالنترا
قطع الغيار اعتقد الانسر لأن العربية قديمه في السوق و منتشره جدا
اعادة البيع اعتقد برضه لصالح اللانسر
عموما فكر كويس و اسأل الناس و ربنا يوفقك و يهديك للخير

[koashraf]

المشاركة الأصلية كتبت بواسطة بدر بسيونى الموضوع ابسط مايكون الانسر تصميمها اقدم من الالنترا فطبيعى كشكل خارجى وتصميم داخلى مش احلى وده طبيعى اداء العربيتين مقبول الى حد كبير قطع الغيار تكسب الانسر لانها اقدم فى السوق واكثر انتشارا فبالتالى اسهل فى الصيانة من الالنترا الاحدث فى النزول والاق للان فى الانتشار من الانسر اعادة البيع الانسر افضل الى حد كبير

متفق معاك تماماً..واحب اضيف ان اللانسر بقت اى ميكانيكى اوكهربائى محترف بره التوكيل يشتغل فيها..اما الهيونداى اشك فى ذلك على الاقل الان..
اماطبعاً الشكل والكماليات يبقى الالينترا لان الانسر لسه لحد دلوقت بتنزل بكاسيت عادى ..فانت بصراحه لخصت الموضوع من الاخر..

[sycho]

المشاركة الأصلية كتبت بواسطة كار كير فورميلا1 في حد يقارن عربيه تصميم قديم بجديد الانترا طبعا

يا استاذى الفاضل انا حر اقارن الى انا عاوز اقارنة دى شىء يرجعلى حضرتك عاوز تقول حاجة عملية مفيدة بدليل قاطع اتفضل معندكش كلمة مفيدة ومش عجبك الموضوع ياريت متدخلش فى الموضوع اصلا واحتفظ برئيك لنفسك انا مش بقارن عربية سيات بعربية هامر العربيتين من نفس الفئة والعربيتين 1600 سى سى والعربيتين سيدان والعربيتين موديل سنة واحدة 2012 يبقى ميتقرنوش لية وانا قولت بدون تعصب لو تكرمتوا عشان نفيد بعض وانا ياسيدى الحد الى بيقارن التصميم القديم بالتصميم الجديد عند حضرتك اى اعتراض احتفظ بية لنفسك عشان متفسدش على الناس الموضوع والمنفعة تعم الناس كلها وشكرا

[sycho]

ماشى يارجالة كل الكلام دة زى العسل وكلامكوا كلة لوز اللوز بس ماهوة فى حاجة هنا بقى لو بنقول لانسر افضل فى الصيانة عشان قديمة وموجودة من فترة فى السوق واى حد فاهم فيها ماهوة انا حجيب النترا او لانسر زيرو مش مستعمل وفى عندى ضمان يبقى موضوع الصيانة دة مش حيتعبنى فى حاجة لائنى لما كان معايا الاكسنت 2010 زيرو برضوا مكنش لية اى علاقة بى اى ميكانيكى برة التوكيل لائن انا عندى ضمان 3 سنوات او 100000 كيلو على ميخلص الضمان تكون العربية اتعرفت الصيانة بتعتها برة التوكيل وعندى الميكانيكى بكل سهولة وبعدين العريبة مش معقدة للدرجة لائن غبور باشا شايل منها امكنيات كتيرة مش زى بتاعت برة فتقريبا حتكون سهل فى الصيانة وانا كونت عامل موضوع قبل كدا بقارن فية بين الالنتر والكيا الاسبورتج والفولكس فاجن جيتتا لائن العربيات دى عجبانى والفئة السعرية قريبة من بعضها وبصراحة الواحد فى حيرة مش عارف
1- النتر
2-لانسر
3-كياسبورتج
4-جيتتا
5-كيا كارينز
انا عارف ان كل واحدة من فئة مختلف بس ينفع يتقارنوا ببعض لائن حضرتكم خليكوا مكانى حضرتك قدامك العربيات دى كلها وانتة عاوز تجيب منهم عربية واحدة بس حتعمل اية غير انك حتحاول تقارن مع ناس متخصصين ومحترفين وملاك للعربيات زى حضرتكم ربنا يوفقنا ان شاء الله ونوصل لحل يكون كويس ان شاء الله

[sycho]

المشاركة الأصلية كتبت بواسطة mainz باشا شوف المقارنه ديه وانت براحتك تختار الى يعجبك والمقارنه ديه من اراء اصحابها او الى جربوها بالبلدى المستخدمين . اولا هنبتدى بالكيا اسبورتاج . تقيم المستخديمين للسياره هوا 8 من 10 الاعتماديه الصيانه القيمه الماليه حائزه على 4 نجوم فى الثلاث نقاط دول سعرها بيبتدى من 173الف جنيه . ثانيا فولكس فاجن جيتا تقيم المستخدمين للسياره هوا 6 من 10 الاعتماديه 4 نجوم الصيانه 3 نجوم القيمه الماليه 3نجوم وبيبتدى سعرها من 160 الف جنيه ثالثا الهيونداى الانترا تقيم المستخدمين هوا 8 من 10 الاعتماديه الصيانه القيمه الماليه حائزه 4 نجوم وسعرها بيبتدى من 116الف جنيه اما الاختيار فبيرجع لحضرتك من ناحيه الامانيات الماديه والنظره الشخصيه للسياره طبعا بعد ما تطلع على التقيمات والمقارنات للسيارات الثلاثه وكل سنه وانتوا طيبين وعيد مبارك عليكم جميعا وعلى الامه الاسلاميه كلها

شوفوا معانا كدا برضة وبجد يارجالة رئيكم يهمنى جدا جدا جدا