الABS وسنينه !! تجربه مريره!!

[طارق السحت]

المشاركة الأصلية كتبت بواسطة AboNoRa فاكرين يا شباب الفتيس الاوتوماتيك اول ما بداء ينتشر ؟ فاكرين الفتايس الاوتوماتيك فى العربيات الكورى وادائها مشاكلها ؟ مقارنة طبعا بالفتايس اليبانى او الاروبى ديه نفس الفكرة الاى بى اس ادائه فى الاوروبى غير اليابانى غير الصينى خالص انا مجربتش فى كل الصينى بصراحة بس جربته فى الاسبيرانزا فعلا سىء وجربت فى الالمانى وكان شىء اشبه بالسحر فى الاداء وجربت فى اليابانى ممتاز برضو فاولاً لازم نفرق بين تطبيق تكنولوجيا من شركة للتانية ثانياً الاى بى اس مش بيشتغل لوحدة بمعنى تانى هو مجرد نظام امان مكمل او قيمة مضافة مهم كمان معاه يكون الكاوتش كويس كحالة ونقشة وعن تجربة النقشة كمان بتختلف اوى يبقى ثانياً الكاوتش حالتة نقشتة ومقاسة بتفرق فى اداء الاى بى اس و لو فيه انظمة ثبات وفرامل تانية فى العربيه برضو الاداء هيبقى افضل وادق ثالثاً الاية بى اس بيشتغل لمنع انغلاق العجل عند الفرملة يعنى انا بدوس افرمل سواء براحة او جامد المهم انها (الدوسة ديه وبفعل وزن العربية وتسارعها ومدى الاحتكاك الناتج عن طبيعة الارض وبالاخص ( لو مبتلة او فيها رملة ناعمة او حتى حصى ) وفعلياً اى عربية وزنها تقيل مع اى ارض مش اسفلت تماما مع فرملة جامدة وكاوتش ماسح لازم تزحف وهنا الاية بى اس لازم يتدخل لانة لو متدخلش العربية برضو هتكمل زحف ومش هتقف وخلينا ندى مثالين انا شخصيا اختبرتهم فى عربيتين واحدة بدون والتانية فيها اى بى اس العربية الاولانية كان الموقف شبية بالموقف اللى بيتحكى مطب برضو وقبلية وبعديه اسفلت علية تراب لما فرملت جامد ( وانا مش بقفش فرامل خالص برضو) اللى حصل ان العربية سحفت واكلت المطب ونزلت كملت سحف وعملت خمسة ( اه والله خمسة ) ووقفت ضهرها مكان وشها فى اتجاه المقابل وطبعا المقابل سلم على الاكصدام بتاعى سلام حار شوية موقف تانى فى عربية فيها اى بى اس على طريق الاتوستراد وهو طريق لافف بكيرف بطول الطريق وفى النص الجزيرة ديه عاملين فيها تشجير ونجيلة وغالبا الصبح بيبقى الطريق فيه مية من اثار سقية الجزيرة اللى فى النص فواحد قدامى اتفاجى بالمية فكسر يمين على جامد مع الفرملة وبالتالى بقيت المفروض الم يمين معاه ومع الطريق اكتر اوسعلة مع الفرملة علشان ملبسش فيه وانا كمان معدى من المية اللى حصل ان فى جزء من الثانية حسيت ان الايى بى اس اشتغل فى تحت رجلى فى دواسة الفرامل زى فار صغنن بينقر فى الدواسة ( مقارنة بالرزع الهبد اللى بتحس فى الايى بى اس اللى فى العربيات الصينى يبقى ده زغزغة فى الرجل ) وبدل ما الاقى العربية زحفت من اثر الفرملة على الرمل او عومت منى من اثر الفرملة برضو والحدفة الفجائية يمين بدل كل ده الحمد لله فى اجزء من الثانية العربية كلبشت وفرملت ونظام الثبات رد ديل العربية تانى من بعد ما كانت هتعوم الشاهد ان الاية بى اس تطبيق مهم فعلا خاصة مع العربيات اللى وزنها تقيل وخاصة فى الطرق بتاعتنا اللى الاسفلت فيها كلها يا مبلبل يا مترب يا مش موجود اصلا وان الاية بيى اس كتنلوجويا بيتكامل عملة مع باقى مكونات العربيه وتصميمها وباقى انظمة الامان والتحكم اللى فيها او باختصار اكتر ممكن يكون قلتة احسن فى عربيات ولا غناء عنه فى عربيات تانية بس كده ،،، اسف للاطالة ويارب اكون قدرت اوصل الفكرة

شكرا على التوضيح ،،ووصلت المعلومه

[Mr.NoLoVe]

وده اكبر عيب من عيوب ال ABS انه بيطول مسافه الوقوف

[oyosof]

لالغاء نظام ABS فى فرامل الاسبرانزا 516 ها تفتح علبة الفيوزات الرئيسية بجوار البطارية هاتشيل منها فيوز فرامل ABS وهو عبارة عن فيوز 5 امبير و مكانه مرسوم فى ظهر غطاء علبة الفيوزات مع ملاحظة أنه عند خلع هذا الفيوز سوف تضىء لمبة ABS الصفراء وكمان لمبة تحذير الفرامل الحمراء داخل لوحة العدادات فمفيش مشكلة من تلك اللمبات وهاتكون الفرامل اقوى بكثير

[AbOnOrA]

حاول بس يااستاذ طارق تبص على مداس الكاوتش واذا كان ممسوح ولا كويس وممكن الكوتش يكون ناشف فيسحف اكتر فلو غيرته بكوتش جديد وخاصة لو نقشة سبور اعتقد هيفرق معاك جامد وبعدها قرر اذا كنت تفصل ال ABS خالص ولا تسيبة

[sherif fersh]

يا جماعة
الـABS ده نظام هايل .. حراااام يبقى عندك و تلغيه
بيديلك تحكم كامل فى أسوأ فرملة ممكنة
انما ماحدش يفتكر أنه هايعمل معجزات عشان عنده ABS
لو شفت المطب متأخر .. يبقى هتاكله إجبارى و لا تلوم الـ ABS
و أؤيد أبو نورا فى أن هناك إختلاف بين الألمانى و اليابانى
و ما لاحظت من إختلاف هو أن اليابانى دواسة الفرامل فيه أخف
مما يعطى إحساس بأن الـ ABS بيشتغل بدرى
على العكس من الألمانى
و تحياتى للجميع ‘