خلاصة التجارب مع اشهر السيارات المستعملة فى مصر

[star over]

النترا تقفيل مصري واوبشن قليل ؟ انت جربتها يا باشا ؟ وبالنسبة للباور هو حلو جدا في المناطق الضيقة والزحمة وده مش عيب ولا حاجة
انما الالنترا والاكسنت تقفيل مصري تبقى بتهرج جامد بصراحة
والسيراتو والكاريز عيوبهم الامان والتوكيل ؟ دول فيهم اير باج و abs وبالنسبة للتوكيل مسمعتش عنه شكاوي وكل التوكيلات زبالة اصلا
وبالنسبة للبيكانتو والسبارك والكروز والافيو عيوبهم انهم كوري ؟ هو ايه العيب في كده معلش ؟؟
اما بالنسبة للفلونس والميجان التكنولوجيا مش عيب ابدا .. واللوجان ثباتها حلو جدا لانها اصلا مش جراية
اما التيجو وعن تجربة مواجهتنيش فيها اي مشاكل في العفشة
واخيرا ارجو التأكد من المعلومات قبل كتابتها
شكرا لحضرتك

[sameh55]

الف شكر موضوع جيد

[miam0502788391]

شكرا لك على المجهود فى لم كل العربيات بس فيه بعض الاختلافات
الرينو لوجان انت قلت فى المزايا ان التوكيل جيد وبعدين فى الكيا قلت ان التوكيل سيىء مع انهم توكيل واحد ؟؟؟؟
الاسبرانزا التوكيل مش سيىء فى كل الأحوال مثلا ابو الفتوح غير دينامو كتير للإسبرانزا من غير ما يكلف العميل حاجة
الكروز سهلة فى التصليح ؟؟ حاجة غريبة ؟؟ دى عربية لسه جديده
الفيرنا ممكن تصلحها بنفسك ؟؟؟ ليه هى فيات 126 مثلا
الفيكترا والاسترا فيهم مشاكل فى العفشة , انا اول مرة اسمع الكلام ده عن الامانى عاااااااامة انا اسمع ان تكييف الفيكترا بيضرب بيبوظ مش حلو بيحتاج صيانه بصفة دورية , لكن اول مرة اسمع ان الفيكترا والاسترا فيهم مشاكل فى العفشة , وبعدين لما دول فيهم مشاكل امال الكورى يبقى فيهم ايه ؟ مصايب
دى بعض الملاحظات

[seifmando]

المشاركة الأصلية كتبت بواسطة star over النترا تقفيل مصري واوبشن قليل ؟ انت جربتها يا باشا ؟ انا فعلا جربت سواقتها مرة واحدة بس وركوب اكتر من 30 مرة لانها مع اعز اصحابي وهي النترا 2008 ولما تقارن بينها وبين مثلاً النترا 2012 هتلاقى فرق اوبشنز كتير جدا ً وبالنسبة للباور هو حلو جدا في المناطق الضيقة والزحمة وده مش عيب ولا حاجة دايما الحاجة المختلفة كتير الناس بتعتبرها عيب البور الكهربا فى عربيات قليلة جداً فى مصر ومنهم الميجان مثلاً وفعلا من وجهة نظرى مش مريح زي البور الزيت انما الالنترا والاكسنت تقفيل مصري تبقى بتهرج جامد بصراحة كلامي عن النترا 2008 والاكسنت 2 انما الجديد معرفش تقفيله ايه الصراحة والسيراتو والكاريز عيوبهم الامان والتوكيل ؟ دول فيهم اير باج و abs وبالنسبة للتوكيل مسمعتش عنه شكاوي وكل التوكيلات زبالة اصلا زي حضرتك ماقولت معظم توكيلات مصر مش أد كدا بس حضرتك جرب توكيل رينو هتلاقى معاملة ادمية بجد وبالنسبة للامان 7 من اصحابي بلا مبالغة 4 سيراتو العربية اتقلبت بيهم على سرعات من 120 لـ 140والعربية مكنش فيها اي مشاكل ميكانيكا و تلاتة اتسرقت من تحت البيت من غير كسر زجاج ولا اي حاجة (الحوادث المشهورة عن السيراتو بعد الثورة) الامان مش شرط الحوادث وبالنسبة للبيكانتو والسبارك والكروز والافيو عيوبهم انهم كوري ؟ هو ايه العيب في كده معلش ؟؟ حضرتك لو اتعرض عليك عربية اوروبي او يابانى او كورى وكلهم نفس الامكانيات والاوبشنز وحبيت تختار هتختار ايهم بالترتيب اما بالنسبة للفلونس والميجان التكنولوجيا مش عيب ابدا .. واللوجان ثباتها حلو جدا لانها اصلا مش جراية اللوجان عالية عن الارض ودا مش بيساعدها اوى فى الثبات يعنى لو هتقارن بينها وبين اي رينو تانية (ميجان او فلونس مثلاً) هتحس بفرق جامد جداً اما التكنولوجيا الزيادة بتعتبر عيب لانى مثلاً فى الميجان كنت بغير بطارية لقيت التكييف مشتغلش التوكيل قاللى انه لازم يعاد برمجته - انا قصدي ان لو حساس او فيشة باظت ممكن العربية كلها متشتغلش ودا عن تجربة مع الميجان انما فيه عربيات تانية تفتح الكبوت وتصلحها بنفسك اما التيجو وعن تجربة مواجهتنيش فيها اي مشاكل في العفشة مقدرش افيدك اوي لان كل معلوماتى عنها زي ما انا قولت قراءة انما الاعضاء ملاك التيجو ممكن يفيدونا فى دي واخيرا ارجو التأكد من المعلومات قبل كتابتها شكرا لحضرتك

انا اللى متشكر انك شاركت فى الموضوع وزي انا ما قولت فى الموضوع ان مصادرى من اصدقائي والقراءة وتجربة شخصية مع اللانسر والفيرنا والميجان بس

وزي ما قولت ان الموضوع مفتوح للتعديل والمناقشة والاضافة وعمره ما هيكون مفيد غير لو اي حد عنده تصحيح او اضافة كتبهالنا
وشكراً لمرورك

[seifmando]

المشاركة الأصلية كتبت بواسطة miam0502788391 شكرا لك على المجهود فى لم كل العربيات بس فيه بعض الاختلافات الرينو لوجان انت قلت فى المزايا ان التوكيل جيد وبعدين فى الكيا قلت ان التوكيل سيىء مع انهم توكيل واحد ؟؟؟؟ الاسبرانزا التوكيل مش سيىء فى كل الأحوال مثلا ابو الفتوح غير دينامو كتير للإسبرانزا من غير ما يكلف العميل حاجة الكروز سهلة فى التصليح ؟؟ حاجة غريبة ؟؟ دى عربية لسه جديده الفيرنا ممكن تصلحها بنفسك ؟؟؟ ليه هى فيات 126 مثلا الفيكترا والاسترا فيهم مشاكل فى العفشة , انا اول مرة اسمع الكلام ده عن الامانى عاااااااامة انا اسمع ان تكييف الفيكترا بيضرب بيبوظ مش حلو بيحتاج صيانه بصفة دورية , لكن اول مرة اسمع ان الفيكترا والاسترا فيهم مشاكل فى العفشة , وبعدين لما دول فيهم مشاكل امال الكورى يبقى فيهم ايه ؟ مصايب دى بعض الملاحظات

اهلاً بيك و متشكر لاضافاتك
بس الفيرنا انا فعلا بصلح وبغير كل حاجة فيها بنفسي بلا مبالغة وكمان اللى ساعدنى فى كدا ان معظم اعطالها اتعرفت واتعرف ليها الحلول وكل موجود فى منتديات السيارات وعلى فكرة من وجهة نظرى ان الفيرنا واللانوس اصبحوا زي 128 و127 زمان
عيب عفشة الاوبل مش معناه عيب فى المكونات لأ انا اقصد ان العفشة لازم تتغير فى مواعيدها بالظبط وكمان العفشة تمنها غالى جداً دا غير انها نادرة ومش منتشرة