النترا 2012 مانويل ولا اوتوماتيك

[طارق عبد السلام]

اتوماتيك طبعا ولو غاوى شد وقياده رياضيه شغل الاستيبترونك بذمتك هتسمع كلام الناس دى هما بقوا خبراء للدرجه دى ياما اتوماتيك سيارات اوروبى كانت نازله بمشاكل وعدلوها
توكل على الله هتدفع مبلغ كبير وفى الاخر تركب منوال

[احمد على 1999]

تقريبا كل الي عايز اقوله اتقال
فعلا حتدفع كتير عشان مانيوال !
و الالماني هو صاحب السبق في مشاكل الفتيس بعكس الكوري الي مكتسح العالم بسعره و ادائه و اعتماديته
و السوق الامريكي يشهد

[sycho]

المشاركة الأصلية كتبت بواسطة memodina1 اتوماتيك بدون نقاش ولا جدال فكك من الكورى وحش وحوار الكورى ينافس اليابانى الوقتى حرام بقى يا جدعان بلاش تعقيد شوف فتيس الفيرنا مانيوال وشوف فتيس البومة مثلا مانيوال لو طلعتلى فرق واحد تبقى جدع انا بتكلم على الفتيس مش العربية ككل

ماشى بس هوة انا عقدت حد عشان حضرتك بتقول حرام بقى يا جدعان بلاش تعقيد وبعدين انا سؤالى على الفرق الفنى مش الراحة فى السواقة يعنى فى فروق او عيوب فنية فعلا ولا مفيش اى مشكلة واكيد انا بحب اسمع كلام الناس الى عندهم العربية الى انا بسئل عليها او على الاقل نفس المركة وشكرا على رد حضرتك

[sycho]

المشاركة الأصلية كتبت بواسطة tarek/ اتوماتيك طبعا ولو غاوى شد وقياده رياضيه شغل الاستيبترونك بذمتك هتسمع كلام الناس دى هما بقوا خبراء للدرجه دى ياما اتوماتيك سيارات اوروبى كانت نازله بمشاكل وعدلوها توكل على الله هتدفع مبلغ كبير وفى الاخر تركب منوال

عندك حق فعلا انا كل الى عاوز اعرفة هل حد اشتكى من اى عيوب فى الاوتوماتيك ولا لاء بشكل عام يعنى فى عيوب فعلا تستاهل ان الواحد يتعب زى متعبت مع عربيتى النيو اكسنت بسبب ان هية مانول وانا بحب الشد والجرى والكلام دة وموضوع الاستيبترونك انا فعلا مكنتش اعرفة زى ماهوة واضح فى اول الاموضوع والف شكرا للاستاذ الى شرحة بالصور فى الاول بجد افدنى كتير لائنى طول عمرى بسوف مانوال بس البلد بجد مقرفة جدا وانا كنت برجع من طريق شغلى القرية الذكية لحد مصر الجديدة تخيل الطريق دة كلة ماشى اول تانى ولما ربنا بيكرم بجيب التالت بالعافية فكان المنول بجد عزاب عشان كدا عاوز اجيب اوتو

[sycho]

المشاركة الأصلية كتبت بواسطة احمد على 1999 تقريبا كل الي عايز اقوله اتقال فعلا حتدفع كتير عشان مانيوال ! و الالماني هو صاحب السبق في مشاكل الفتيس بعكس الكوري الي مكتسح العالم بسعره و ادائه و اعتماديته و السوق الامريكي يشهد

يبقى على كلام حضرتك بقى يبقى صح الى قلتة فى الاول ان الناس هنا عندها عقدة الخواج بتاعت الالمانى واليابانى رغم ان انا لما كانت معايا الرينو فى الاول خالص كانت حلوة بس لما جبت النيو اكسنت كان فرق كبير جدا بين دى ودى حسيت ان النيو اكسنت افخم واهدى على الطريق وتجميعها رهيب والثبات ممتاز ممتاز لحد 200 كيلو ومزعل بيها عربيات كتير جدا ودية عربية كورى والى قبل منها فرنساوى اة الفرنساوى كانت حلوة وبتجرى وكل حاجة بس مش زى الكورى خالص يبقى انا كدا ان شاء الله حتوكل على الله واكيب اوتوماتيك استيبترونك وفعلا حرام ادفع كل دة واجيب مانيوال الف شكر لحضرتكم كلمك ولسرعة ردكم عليا وسرعة الاستجابة والمعلومات بجد انتم كلكم ناس محترمين جدا جدا وربنا يجعلة فى ميزان حسناتكم شكرا