يعني أيه دولة مدنية بمرجعية أسلامية؟

[الدملاوي]

المشاركة الأصلية كتبت بواسطة SHERIF MARLBORO طيب تفتكروا لو طبقنىا شرع الله الفترة القادمة و البلد اتدهورت اكتر. ساعتها هنعمل ايه ان شاء الله؟! يترى الناس هتقدر تفصل الدين من السياسة و يغيروا اللى طبقوا الشرع غلط ولا ساعتها هتلاقيهم بيغيروا كل حاجه؟؟ تركية لما تحولت لظلام فى ظل الاسلام كانت تعانى و عندما تمكنت ازالت كل ما له علاقة بالدين. و طبعا على الجانب الاخر اللى فى ظلام كتير زى حبايبنا فى بكيستان و افغانستان!! الخلاصة انتوا ليه عاوزين تطبقوا شرع الله بطريقتكوا انت و حاسيتن انكوا بتتكلموا كأيدى الله العليا فى الان كأنكم مبعوثين لكن .............انا شايف انى رسالتى وصلت.

والله يا أستاذ شريف لو قريت ردي كويس على الباشمهندس وائل
كنت عرفت أني بدور على رجال تصلح لتطبيق شرع الله أولاً لا عن تطبيق نصوص فقط بدون فهم لمقاصد الشريعة
الرسول صلى الله عليه وسلم أستمرت فترة أعداده للرجال اللذين سيحملون عبئ تأسيس الدولة على عاتقهم حوالي 13 سنة بمكة ولم تستغرق الفترة اللازمة لبناء الدولة نفسها في المدينة أكثر من 10 سنوات
أذن فمقصدي هو المهم من سيطبق شرع الله وليس تطبيق شرع الله نفسه بدون أعداد
وشكراً لأهتمامك بالرد على مداخلتي المتواضعة

[alymonir]

المشاركة الأصلية كتبت بواسطة AboNoRa ومن كام يوم حزب النور عامل مؤتمر شعبى وجايب فيه الشيخ مسعد انور يقول الليبراليين مش رجالة ومعندهومش نخوة والمسلمين فى الصين كام مليار ومبيقدروش يغيرو سياسة الصين وبالتالى المسحيين هنا حتى لو كانو كام مليون يشربو من البحر ( هو مقالش يشربو من البحر بصراحة بس ده معنى التشبيه ) يبقى انا عندى اردوغان الليبرالى اللى بيعرف يطبق الاسلام فى دولة علمانية احسن من اللى جاى يطالب بدولة اسلامية فى دولة اصلا اسلامية بس الجديد ان المرجعية هتبقى صينية (حسب تشبية مسعد انور ) تقبل تحياتى وللحديث بقية

كالعادة يا أستاذ وائل أقدر لك عقليتك التحليلية و المنطق السليم الممنهج
و اسمح لي بالاختلاف معك في طريقتك الهجومية - أحيانا -
لماذا الهجوم على المشايخ بدلا من النصح و الارشاد
لماذا دائما - مش حضرتك بس- لما تيجي سيرة شيخ تلاقي نبرة سخرية و تريقة و أحيانا استهزاء ( برضه لا أقصدك و الله )
لماذا لا نتأدب باداب الخلاف كسلفنا الصالح و ألا يتكلم أحد بدون علم و إذا اختلفنا فمرجعيتنا الكتاب و السنة ثم الاجماع ثم القياس ثم الاجتهاد
و عند الاجتهاد لا نشنع و لا نقبح و لكن نأمر لعض بالمعروف و نتناصح بالحسنى
يارب علمنا ديننا و حسن أخلاقنا ... امين

[AbOnOrA]

المشاركة الأصلية كتبت بواسطة alymonir كالعادة يا أستاذ وائل أقدر لك عقليتك التحليلية و المنطق السليم الممنهج و اسمح لي بالاختلاف معك في طريقتك الهجومية - أحيانا - لماذا الهجوم على المشايخ بدلا من النصح و الارشاد لماذا دائما - مش حضرتك بس- لما تيجي سيرة شيخ تلاقي نبرة سخرية و تريقة و أحيانا استهزاء ( برضه لا أقصدك و الله ) لماذا لا نتأدب باداب الخلاف كسلفنا الصالح و ألا يتكلم أحد بدون علم و إذا اختلفنا فمرجعيتنا الكتاب و السنة ثم الاجماع ثم القياس ثم الاجتهاد و عند الاجتهاد لا نشنع و لا نقبح و لكن نأمر لعض بالمعروف و نتناصح بالحسنى يارب علمنا ديننا و حسن أخلاقنا ... امين

والله يا استاذ على انت لمست وجع فى قلبى ومضطر اشرحهولك

اولاً يا استاذ على انت تعلم ان المشايخ ليهم تلاميذ ومحيطين ودول للاسف ساعات كتير وشوف بعينى والله بيبقو هما فتنة الشيخ واسباب افسادة ده غير استعداء الشيوخ على بعض وخلافهم غالبا ما بيكون بسبب تلامذه الشيخ والمحيطين بيه
اللى زي دول انا كنت بسميهم يهوذا الشيخ نسبة اللى يهوذا الاسخريوطى حوارى السيد المسيح

بلاش كلام مرسل حتى هحيكلك حكاية عن مؤتمر حزب النور اللى حضرته واشارت ليه فى كلامى اللى حضرتك وضعتة فى الاقتباس

الشيخ مسعد انور اثناء كلامة كان فيه ناس كتير ملمومة حتى بره الصوان بتسمع وكان فيه منهم مسيحيين وكنت بشوفهم والله بيكلمو نفسهم وبتمتو بخفيض الصوت وبشكل ينم على استهجان الكلام
وانا نفسى كنت محضر نفسى لانى اقوم اشارك لو فتحو مجال لمشاركة الحضور زى اى مؤتمر شعبى يعنى
ده غير ان كان لى تعليقات على ما سبق من كلمات القاها الشيخ برهامى وقيادات من حزب النور
بس زى ما قولت كنت مستنى المنظمين يقولو يلا بينا نتكلم ونتناقش
وده محصلش طبعا ابداء وكل من كانو على المنصة مشيو بالتواتر تباعاً وحوالين كل واحد عشرات من الناس مابين الخاصة والتلاميذ وناس تانية شكلهم اقرب للبودى جارد بصراحة فمين ده اللى هيروح يكلمهم
الاغرب بقى هو اللى حصل اثناء كلمة الشيخ مسعد
فجاءه قام واحد من جوه الصوان لابس جلبية بيضة ولحيته ماشاء الله وفيرة وعليه كل مظاهر الالتزام بالمفهوم السلفى السنى المعروف
وقعد يهتف ماهذا بكلام الله ... لا كلام الا كلام الله وحديث رسول الله ... لا اله الا الله محمد رسول الله - انا مليش دعوة بالحزب بتاعكم ده وقعد يكرر وكلام تانى انا مميزتوش من الجلبة بعد كده
ايه الجلبه بقى ,,, قامت الدنيا والله يا استاذ على وجرى وراه المشايخ من كل حدب وصوب وشد وجذب ودفع وهوب خرجوه من الصوان ومن محيطة كمان - لان صوتة كان عالى - وبشكل فعلا مهين وبعنف غير مبرر

مع العلم ان الشيخ ولا كانة سمع حاجة وفضل مكمل خطبتة للناس

انا كنت مع الجانب اللى ف المعمة وتحديدا كان دورى اللى لقيت نفسى مقدرش اعمل غيره انى جريت على الشيخ الل بيهتف ده وبقيت ادفع عنه دفع وزق باقى المشايخ

انا بزعق : اهدو يا جدعان ..... سيبوه يا جدعان .... الراجل مقالش حاجة غلط ...... الراجل مقالش غير لا اله الا الله .... جادلوة يا جدعان ....... بالراحة يا جدعان .... الخ

هما : ده مجنون .. ده ملبوس .. ده حد زاقة يبوظ المؤتمر ...يعنى يرضيك نشمت فينا النصارى .... الخ

طيب بالله عليك فين الشيوخ اللى بتتكلم مع الناس وتجادلهم وانا اروح اقعد معاهم

انا طبعا مش بتكلم عن كل المشايخ انا بتكلم عن غالبية مشايخ الفضائيات اللى بقو مشايخ الاحزاب الدينية حالياً

[كيا سيفيا]

المشاركة الأصلية كتبت بواسطة AboNoRa هما : ده مجنون .. ده ملبوس .. ده حد زاقة يبوظ المؤتمر ...يعنى يرضيك نشمت فينا النصارى .... الخ

برافو عليك يا ابو نورا واضح ان اى انسان يختلف معاهم يكون اما مجنون او ملبوس او مأجــور . تجارب الدول الدينيه فاشله دائما على مر العصور ومن يدعو اليها عليه ان يراجع تجربة اوربا فعندما فصلت اوربا الكنيسه عن شئون الدوله انفجر المارد الاوربى واصبح الفارق بيننا وبين اوربا ما يقرب من خمسمائة عام . ومش عارف ايه دخل النصارى فى ان فرد وشيخ وملتحى اختلف معاهم

[@واحد من الناس@]

طيب واحدة واحدة كده بصوا يا جماعة لازم نعترف إن التعميم تعتيم وصوابعك مش زى بعضيها وكل الكلام اللى بنردده ومبنعرفش نطبقة بص يا أبو نورا وحدة وحدة كده لأن أنا ببقى سعيد لما ألاقى حد قارىء ومثقف أتناقش معاه وفى أدبيات النقاش وده اللى خلانى أشارك بعد ما شوفت كلام أبو نورا وأستاذ على والملاوى بيه كلامك كله يدل على رقى الحوار

طيب نكمل بقى يبقى مينفعش يا أبو نورا تعمم يعنى أنا أومن بالفكرة وليس بالأفراد وهذا ما علمنا إية الرسول

نرجع للموضوع والموضوع نقيسه نسبة وتناسب يعنى مثلا إزاى حكمت على اليهود إنهم متطرفيين لأن 90 % منهم صهاينه ومتطرفيين فكده الغالبة تمثل التطرف وطبعا ده بغض النظر عن عددهم تمام كده
تمام طيب يبقى من الغلط إن الغرب كان ينظر للمسلمين كلهم المليار ونصف على إنهم إرهابيين عشان قلة لا تتجاوز أصابع اليد عملوا تفجيرات فى 2003 وده اللى خلى الغرب يفوق فيما بعد ويدعم الإسلام ويدخل فيه أعداد كبيرة من الغرب

طيب أنا بقول الكلام اللى فات ده ليه عشان ميجيش الإعلام ياخد صورة عن أحداث سبتمبر ويكبر ويهلل ويقول أنت مسلم إذا أنت إرهابى وعشان ميجيش واحد عبقرى يقولى اليهود دول غلابة مشوفتهمش وهما بيتظهروا فى أحداث غزة وبيحرقوا جنسيتهم عشان هما ضد الصهيونية

طيب برضه لسة موضحتش أنا أقصد إية يعنى من الأخر السلفيين مش زى بعضيهم وأنا أدى لنسبة حسن التصرف عندهم من 60 % ل65% فكده برضه الغالبية تعتبر تتصرف بصواب

طيب والمسحيين الأورثوكس وهما الغالب نسبة حسن التصرف عندهم 55% ل60% وبرضه تده يعتبر صواب

طيب والأخوان المسلمين نسبة تصرفهم 90% ل98% وده مش تحيز ده مدعم بقناعات

طيب والميسحيين الإنجيليين نسبة تصرفهم 90% ل 93% وبرضه ده مش تحيز

بص الأحكام والأربع مقارنات السابقة دى كلها فى ضوء التصرف مع المختلف معهم أو مع أيناء الوطن أو مع السياسة المستحدثة فى مصر

طيب نعيد المقارنة بطريقة تانية

السلفيين بعضهم وده لا يتعدى من النسبة الباقية غير من 5% ل7.5% متطرفيين جدا جدا جدا فى نظرتهم للأخر لأ ومصيبه فى تصرفتهم اللتى تصل لتكفير الكل وفى أى وقت وحتى أبناء دينهم وطبعا نسبة التشدد تتدرج إلى أن تصل إل الإعتدال عند إنتهاء النسبة المتاحة المتبقية

المسيحيين الأورثوكس بعضهم أيضا وده نسبة 5% ل 7.5 % أيضا نظرتهم سيئة جدا ححيث يكفرون جميع الطوائف الأخرى المسيحية فيما عداهم فما بالك بالمسلمين ويرون أن مصر محتلة من المسلمين ويجب تحريرها من المسلمين وهى نظره قد تكون أكثر تطرفا من السلفيين المتشددين والباقى يددرج فى هذه القناعات حتى تنتهى هذه النسبة الباقية

طيب نيجى بقه للإخوان المسلمين والمسحيين الإنجليين دول عندهم نسبة تقل بكثير عن 5% من المتشددى الأراء ولذلك نجد نائب رئيس حزب الحرية والعدالة والمستشار الشخصى لمرشد الإخوان لشئون الأقباط مسيحى إنجلى وهو الدكتور رفيق حبيب ولذلك يجب أن نرجع للقاعدة الرئيسية للحكم على الأحداث وهى أن التعميم تعتيم وبذلك ضع أنت نسبك المؤية حيث ما يرتئ لك ولكن لا تعمم على موقف أو إثنان بل إحكم بناء على العدد الإجمالى يعنى مثلا تقيس عدد الأفراد معتنقى الفكر أو الدين وتقيس نسبة المتطرفيين فى هذا الفكر وتشوف كام فى المائة يعنى المسلمين مليار وسبعمائة مليون لما يبقى مليون منهم متططرف يبقى 99.9998% مسالم وغير إرهابى يبقى نقيس بنفس الطريقة عشان منظلمش حد

والإختلا ف لا يفسد للود قضية دمتم بخير وود