لوجان ولا m 11 ولا افيو ( فئة السبعين الف المحيره )

[MOSTAFA SALLAM]

المشاركة الأصلية كتبت بواسطة A7MED NASSER انا بنصحك حضرتك من وجهة نظري الشخصيه :- انك تتوكلي علي الله و تجيبي ال M11 ودي عربيه بصراحه مليانه كماليات من الابره للصاروخ من السي دي ال MP3 لحساسات المطر يعني فيها كماليات عمراها ما نزلت و لا هتنزل في فئتها و ده اللي فعلا الناس بتدور عليه اليومين دول الراحه و الرفاهيه بالكماليات الكتير و قطع غيارها سعرها ملائم و متواجده و تعتبر هي الافضل في فئتها في حكاية اعادة البيع علشان هي اسبرانزا و الاسبرانزا معروفه و هي اول و افضل شركة صيني و انتشرت بسرعه و تعبتر هي الشركة الصيني الافضل في مبيعاتها و بكده يبقى اكتملت الروئيه و لو فيه اي استفسارات تانيه انا متابع الموضوع من وجهة نظري ايضا علي باقي السيارات المطروحه فالمقارنه :- 1. اللوجان و دي عربيه ما تتركبش بالعيوب اللي فيها دي (الا لو تم تعديل اماكن الكماليات) و شكلها مش ملائم للاشكال الجديد و التصميمات الحديثة للسيارات مثل تصميمات الهيونداي (فلازم لها تعديل شكلي كمان) 2. الافيو و دي عربيه حلو برضوا و كماليتها معقوله و شكلها مش وحش بس بنسمع عنها عيوب كتير بس بصراحه و عن تجربه لصديق . هي عربيه مش وحشه و تعتبر سعرها ملائم و كفاية انها ماركة شيفروليه ( موتورها بس هو اللي موتور دايو لانوس 1500 و ده مش قليل عليها و لا حاجه) 3. الفيرنا و دي متعتبرش معيوبه و لا وحشه و اللي بيقول كده يشوف مبيعاتها و انها تعتبر الوقتي كما يقال سيارة الشعب و هي الافضل في مبيعات السيارات في مصر لعام 2009 و 2010 ---------------------------- و طبعا ً الاختيار ليكي فالاول و في الاخر و دي وجهات نظر و المقارنه دي من وجهة نظري الشخصيه

اولا: انا متعودش اعمل اكثر من مشاركة فى اى موضوع .
بس داخل و حابب اقولك " كما تدين تدان " و " اتقى الله يجعل لك مخرجا "
و عاوزك تعتبرها نصيحه اخ للأخوه .
و بانسبة لترشيحك للأسبرانزا فدة من حقك بس متلمعش عربية على حساب الأخرى و عاوز تقولى ايه هى العيوب اللى فى اللوجان علشان نتكلم بموضوعية شوية و هل انت ركبت اللوجان قبل متقول عليها الكلمتين دول ؟!
اعتقد لأ لأنك لو ركبتها هتغير فكرتك عنها تماما و انا مستغرب جدا لأن واضح انك احد عملاء المصرية للسيارات يعنى المفروض خبرتك و كلامك يبقوا اكبر من كدة بكتيـــــــــــــــــــــ ــر .
و بالنسبة لحسسات المطر و شوية الأبشن اللى انت فرحان بيهم دول عاوز اقولك انهم ابشنز صينى و كمان زى مقولت قبل كدة الأوروبى لا يرقى لمستوى الصينى .
و مين قال ان الصينى بيتباع بسرعة و بيجبلك مبلغ حلو لما تيجى تبيعه اساسا بالعكس والله دة بيقل كتير اوى لما تيجى تبيع دة لو لقيت حد يشتريها اساسا .
و بعدين لو هنتكلم على ابشنز و شياكة و رفاهية فممكن تجيب رينو ميجان 2006 - 2007 بنفس التمن و تكون حالتها جميلة جدا .
و انا مش عوزك تزعل منى بس كلامك استفزنى اوى و ايضا خبرتك المحدودة فبرجاء متتكلمش على عربية غير لما تركبها و لما تتكلم تتكلم بموضوعية شوية و تقول ايه هى مميزات و عيوب كل عربية و متلمعش عربية على حساب الأخرى و تقبل خـــــــــــــــالص تحياتى .

[ابو يمني]

اشتري ليك وللسوق لانك وارد جدا تحب تغير العربية بعد كام سنة والعربية طول ما اعادة البيع بتعها كويس هتلاقي سهولة في الصيانة وتوافر في قطع الغيار فانا انصحك من اختيارتك بالافيو لسهولة اعادة البيع والصيانة وتوافر قطع الغيار ومتقولش انا مش هبيع العربية محدش ما بيحبش يجدد عربيتة كل فترة

[hebawagdi5]

شكرا لكل اللي اهتم بموضوعي واداني نصيحه .. فعلا حسيت ان كل واحد هنا بيدي نصيحه من قلبه وكأن هو اللي هايشتري شكرا للجميع
في بداية متابعتي للردود حسيت بحيره اكبر من اللي كنت فيها لان الاراء كانت مختلفه وكل حد كان بيرشح عربيه بحماس شدييييييييييييد فاحسيت بحيره اكبر وبعد انتظار ردود تانيه وبعد متابعه كمان لمنتدى الصيني وخاصة الاسبيرنزا استبعدت ال m 11 لاني اقتنعت باراء الاخوه هنا وكمان لئيت في قسم الاسبرنزا ان عيوب العربيه مش عيوب عاديه زي مثلا صوت ماتور عالي ولا حتى عفشه فيها صوت لا دي فيها عيوب مافهاش هزار ممكن تتسبب في حوادث على الطريق لا قدر الله .. وفعلا حاجه بالعقل ايه اللي يخلي عربيه بالجمال و الشياكه و الفخامه و الاوبشنز اللي فيها دي كلها يكون بالسعر ده ؟؟دي فيها حاجات مش موجوده في عربيات ب 100.000 جنيه
وبالتالي الموضوع انحسر في اللوجان و الافيو ان شاء الله بعد صلاة الاستخاره ومساعدة الله تعالى ثم مساعدتكم اوصل للي فيه الخير

[Mr.NoLoVe]

المشاركة الأصلية كتبت بواسطة hebawagdi5 شكرا لكل اللي اهتم بموضوعي واداني نصيحه .. فعلا حسيت ان كل واحد هنا بيدي نصيحه من قلبه وكأن هو اللي هايشتري شكرا للجميع في بداية متابعتي للردود حسيت بحيره اكبر من اللي كنت فيها لان الاراء كانت مختلفه وكل حد كان بيرشح عربيه بحماس شدييييييييييييد فاحسيت بحيره اكبر وبعد انتظار ردود تانيه وبعد متابعه كمان لمنتدى الصيني وخاصة الاسبيرنزا استبعدت ال m 11 لاني اقتنعت باراء الاخوه هنا وكمان لئيت في قسم الاسبرنزا ان عيوب العربيه مش عيوب عاديه زي مثلا صوت ماتور عالي ولا حتى عفشه فيها صوت لا دي فيها عيوب مافهاش هزار ممكن تتسبب في حوادث على الطريق لا قدر الله .. وفعلا حاجه بالعقل ايه اللي يخلي عربيه بالجمال و الشياكه و الفخامه و الاوبشنز اللي فيها دي كلها يكون بالسعر ده ؟؟دي فيها حاجات مش موجوده في عربيات ب 100.000 جنيه وبالتالي الموضوع انحسر في اللوجان و الافيو ان شاء الله بعد صلاة الاستخاره ومساعدة الله تعالى ثم مساعدتكم اوصل للي فيه الخير

توكل على الله وانزل اركب اللوجان والافيو وشوف انهى الاوسع والافخم والاوبشن الاعلى والامان الاعلى

وبالنسبه لقطع الغيار بقت مليانه ف كل حته وبسعر قريب جدا من اللانوس وغير كده معمره اكتر

اما بالنسبه لاعاده البيع فاللوجان ماسكه سعر لان مفيش حد بيبعها لانها عربيه يجب ان تحترم وتتشال فوق الراس لانها هتشيلك العمر كله

[Loay94]

المشاركة الأصلية كتبت بواسطة Mr.NoLoVe ايوه اشترى الاسبرانزا الفقيره عربيه شكل وفخامه وبهرجه ملهاش حل بس خامات ال 128 انضف منها ميت مره يعنى من الاخر عربيه خيش وقش وكرانيش ومن ناحيه اللوجان انا معاك ان شكلها مش عاجبك لان احنا للاسف شعب جاهل ويقولك الشكل وخطوط الايرودينامكس والتصميم الخ زى الانترا الجديده انا بس عايزك تبص على البى ام والمرسيدس الناس دى بتهتم بالايرودينامكس للتعليش والشاسيه مش البودى الخارجى وده اللى موجود فى اللوجان بالنسبه للفيرنا والافيو عربيات فقيره جدا جدا جدا كفايه اوى انك تبقى ماشى والناس تفتكرك سواق تاكسى ولو عايز النصيحه والله اللوجان جميله وخامات ممتازه امان عالى عربيه اوروبى وبمواصفات اوروبيه وسيبك من الشكل انا اقسم بالله انا لما بمشى ف الشارع الناس بتبقى عينيها هتطلع تركب معايا فى العربيه يا عم والله اللوجان جميله ولو اشتريتها مش هتندم لانها افضل سياره فى الفئه دى

اولا فى اسلوب احسن من كدة لان دة نقاش مش خناقة و بالنسبة لموضوع التاكسى انا شفت 5 لوجان تاكسى ابيض يعنى اديه كام شهر و حتبقى زى الفيرنا و الفيرنا الى مش عجباك عملة اعلى مبيعات 2009 2010 و عربية احسن فى نظرى من 100 لوجان دة كفاية موضوع الشنطة و التنك ابو مفتاح و الكرسى ابو بكرة كانى راكب 128 و بردو ارجع و اقول ان دى مش خناقة لاكن مش عشان عربيتى فيرنا اخش اشتم فى بتوع اللوجان و العكس