دردشة بخصوص فيات 128

[mr_astra]

"abu_ruqayyah " انت تؤمر وبامر الله معاك فى اى مشكلة بس انت أشر بس وربنا يعوض عليك فى البطارية ومش عاوزك تزعل دى فدى ضفر من روقية

[abu_ruqayyah]

واللهى يا مستر استرا انا مش زعلان وبحمد ربنا كتير ان الحرامى دخل العربية بس ماعرفش يدورها وسرق العربية وحتى لو كان الكلام دا حصل فانا الحمد لله رب العالمين مؤمن بقضاء الله وقدره وقررت امبارح انى أودي العربية فى مكان امان عند ناس قريبي واركنها هناك شهرين ولا حاجة لغاية ما الأمور تتعدل واقدر اعمل سنتر لووك واغير كوالين العربية اللى بتتفتح بهولة وأمن العربية كويس على قد ما أقدر ولله الأمر من قبل ومن بعد

[abu_ruqayyah]

[COLOR="rgb(139, 0, 0)"]صحيح طبعا ان شاء الله لما هاجى اركب الكوالين والسنتر والانذار - دا انا حلفت انى هعمل لكل حاجة كالون - هقولكم على اسعارهم ومصنعية الصنايعى والمكان فين زى ما اتفقنا وانا فرحان قوى ان ربنا سترها وعربيتي ما اتسرقتش [/COLOR]

[abu_ruqayyah]

ايه يا شباب مافيش حد عمل اى حاجة فى عربيته خالص ولا ايه

[ezzat2002mo]

بص ياباشا انا معايا 128 انا جايب الشداد ب28 جم من شهرين تقريبا ومش ده المهم المهم انك ما تديش الصنايعى اكتر من حقه يعنى ياخد 5جم بس هوة عمل ايه فك مسمارين وركبهم وانا عملتها بنفسى

ثانيا سير الكاتينه تركبه ب15 -20 جم ليه 45 هوة حل المكنه لازم تبقى ناشف مع الصنايعيه دول يعنى تروح للواحد تقوله عاوز اعمل كذا يقولك ماشى ياباشا تقوله عاوز كام وتكون انت سالت قبلها على مصنعيتها لان معظم الصنايعيه بيستغلوا اى حد مش فاهم يعنى مثلا :
ضبط الاسبراتير وتغيير الابلاتين والكوندسر 15 جم وساعات بعملها ب10 ولو هتغير لبوجيهات اديله 15 - 20 جم انت وذوقك
تغيير اسطوانه ودسك وبليه اخر مرة عملتها ب50 جم من 3 سنين دلوقت قول 80 اقصاها
ضبط الكربراتير 15جم
ضبط الدينامو 15جم
ضبط المارش وتنظيفه 15 جم
انا شحمت السكاترا وغيرت كوبلن ومقص وضبط العفشه قدام ب 50 جم
ضبط الزوايا 20 جم
حاول تكون ناشف مع الصنايعيه ولو معجبكش واحد روح لغيرة لحد لما تستريح مع واحد