إمتى البلد هتهدأ ؟؟؟؟

[mf]

المشاركة الأصلية كتبت بواسطة dieseltrucker يعني نعمل ايه ماحدش رد برضه كل واحد يمسك ساطور ويضرب بيه واحد مضرب ولا ايه ؟

للاسف هو ده الحل

الساطور هو الحل

[فادى]

المشاركة الأصلية كتبت بواسطة mar mar مافيش ثوره من غير عواقب دي عواقب الثوره مش هينفع ناخد الحلو ونسيب الوحش لان البلد دي بقاله 30 سنه وحشه بس هتهدي امتي بد سنتين بعد ما يكون في رائيس دوله ويبقي كمان في قوانين وحقوق وحد ادني للاجور اكيد الدنيا محتاجه وقت علشان تظبط الثوره علشان تقوم اخدت 30 سنه ظلم وقهر مش قادرين نثبر سنتين تلاه تظبيط بعديها

بالنسبة لموضوع عواقب الثورة,
انا معاكى تماما,
طيب نشوف ايه عواقب الثورات :
الثورة الروسية على الامبراطور نيقولاى الثانى : الحرب أهلية انتصر فيها الشوعيون!
الثورة الفرنسية : 7 سنين من الحرب الاهلية و فى النهاية عادت الى الملكية مرة اخرى!

السؤال, هل نحن مستعدين لسنوات من عدم الاستقرار؟!
الحل السحرى لتجاوز سنوات عدم الاستقرار هو الانتقال التدريجى, كمثال الانجليزى,
عندما قامت الثورة فى فرنسا, بدأت الدول الأوروبية الاخرى فى الانتقال الى الديموقراطية بدون صدمات أو قفز على المراحل, و بشكل هادىء تماما, لتجنب سنوات الضياع التى تعقب الثورات,
قارن بين ديموقراطية بريطانيا مثلا و ديموقراطية فرنسا, الاتنين دول ديموقراطية الاولى بدون ثورة و لا حروب اهلية و الثانية بعد حرب اهلية طويلة و ممتدة و فترات من الفوضى و عدم الاستقرار.
ما اود قوله ان الثورات ليست الطريق الوحيد الى الديموقراطية, هناك طرق اخرى اقل ايلاما (مثل الطريق الذى طرحه مبارك فى خطابه الشهير أثناء الثورة و حدسى الشخصى انه كان صادقا و هدفه الانتقال التدريجى الى ديموقراطية مع تفادى التوترات أو و وقوع البلاد فى ايدى قوى فاشستية).
مع العلم ان الثورات لا تأتى بالديموقراطية فى اغلب الاحيان.

[attef1]

عظمة الاحداث كانت فى تعامل مؤسسات الدوله الراقى مع المعطيات
وعلى اكتاف رجال العهد البائد تُحمل مصر

[Ahmed Anwer]

عشان لما أولادك يكبروا يا دكتور / كمال

لو الثورة نجحت و قدرت توفرلهم وطن أكثر عدلا

يشكروك

لو الثورة فشلت

و نجح مجلس العسكر إنه يحولها لهوجة و عدت

تقولهم إحنا حاولنا و فشلنا ،، البركة فيكم متيئسوش

لكن كده لما يكبروا و توريهم الموضوع ده

هتخجل من نفسك قدامهم ،،،

هتقولهم معلهشي أنا مقدرتش أستحمل ثمن الحرية و الكرامة


أنا مش بدافع و لا بايد المواقف السلبية بعد الثورة (( و اللي علي فكرة كانت أسوأ 100 مرة قبل الثورة ))

بس إستحالة هأقايض الحرية و الكرامة بلقمة عيش مسرطنة و أمن كاذب يليق بالبهائم

كل اللي طالبه تحمل و جلد

[attef1]

نجاح ايه وهباب ايه ؟؟
هو المفروض نضحى بالام والجنين عشان الدكتور يعيش ونجحت العمليه ... هل منكم رجل رشيد ؟؟
عموما رجل الشارع العادى هو الحكم ده ان كان هناك من ينظر بعين الاعتبار للشعب فعلا