هل تشعر بنقص البنزين

[mesho70]

المشاركة الأصلية كتبت بواسطة fourseasons بصراحة يا جماعة موضوع عدم بيع البنزين غير فى التنك صحيح 100% لاكن زمان كان عادى ممكن تشترى حبة بنزين فى جركن ولا حاجة كان اقصى تفكير الناس ساعتها انة ممكن الى بيشترى البنزين يولع فى نفسه ولا حاجة.ده كان زمان طبعا.وكان برضوه ممنوع.لاكن دلوقتى الناس بتشترى البنزين فى جراكن عشان تعمل قنابل الملوتوف بيه عشان تولع فى بعضها وفى عربيات الناس و الشرطة و المحلات.صحيح ان الناس ديه مش حتغلب يعنى ممكن تجيبه من تنك العربيه لاكن اهه بقى كل حاجة بتيجى على دماغ الناس الغلابة.

- بتوع الملوتوف طريقهم معروف اما من موتوسيكل او فيسبا
- دول كانوا بيوقفوا اصحاب الموتوسيكلات بالاكراة ويسحبوا منهم بنزين

[mesho70]

المشاركة الأصلية كتبت بواسطة dieseltrucker بالنسبه لدمياط البنزين ال92 قليل شويه الاسبوع الي فات والاسبوع ده وملاحظ حاجه انه لو فيه بنزين 80 مابيبقاش فيه 92 والعكس اول امبارح دخلت بنزينه من اكبر البنزينات في دمياط العامل قعد يشارورلي بايده تمانيه مقلوبه يعني مافيش الا تمانين والحركه دي عملها معايا اكتر من مره قبل كده نفس الشخص ف نفس البنزينه وكنت بادوروامشي لاني جربت ال80 اكتر من مره بيخلي العربيه تكركر وصوتها بيعلا اوي وبتتدربك كلها ف بعضها فاخدت فرمان بعدم التعامل معاه .... المره دي قلت اتراخم عليه وعلى نفسي وع العربيه ووقلتله..... ماشي قالي بقولك 80 يابيه ......قلتله فول 80 ماشي المهم الواد سلم امره وراح مفول الغريب والله ده اللي حصل ان صوت العربيه ناعم ومافيش اي كركره ولا دربكه والسحب هايل ولا كأنه 92 عايز اقول حاجه وخايف تفتكروني بخرف : شاكك انه 92 فعلا وانه كان بيطفشني اناو زباين زيي كتيير ومش بعيد يكون بيعمل كده مع زباين ال80 ويقلبلهم صوابعه لفوق انه مافيش الا 92 فيبقى لا باع لدول ولا دول على اساس ان البنزين هايغلا مستني يبيعه غالي ؟ ولا دي جت شطحه مني شويه ؟

- اكيد شطحة
- و بنزين 80 تأثيرة سىء عالمدى البعيد خاصة فى السيارات الحديثة

[تامر ديزل]

المشاركة الأصلية كتبت بواسطة black_cres فعلا يا باشا انا لاحظت ان جوا دمياط كتير بيكون مافيش 92 بس لو سمحت ايه هي المحطات اللي حضرتك بتثق فيها جوا دمياط ؟؟

فيه البنزينه بتاعت شل اللي على طريق المينا ف كفر البطيخ والبنزينه بتاعت التعاون اللي قدام مصنع شومان ف الصناعية ف دمياط الجديده

[mesho70]

- اليوم كان اخى بأسيوط واخبرنى انة لا يوجد بنزين بأسيوط الا فى بنزينة واحدة بشارع الجمهورية
- والملاحظ ان طوابير من يحمل جراكن ينافس السيارات
- وهذا دليل على انة لا يوجد بنزين بها من فترة

[Muhammed_Kamel]

الظاهر ان الموضوع كبير انا كنت مفكر ان الموضوع ده عندنا بس في الدقهليه
بس طلع في مشاكل في البنزين في الجمهوريه عموما
لان احنا عندنا البنزينات يا اما فيهم سولار بس او 92 بس وال 90 و 80 دول مبقتش بشوفهم بقالي فتره غير بالصدفه